ديوانية البحرين - دردشة حوامل البحرين - البحرينيات

[rose soul]

اقصوصه حبيبتي..انا اخليج الحين .. وسلمي على بنوتات الديوانية ..

[اقصوصه]

انا اللي اعرفه ان الحديد يسبب إمساك

اول مره اسمع انه يسبب استفراغ!

كثري من الحليب الطازج بعد

وحاولي تجربين نوع ثالث من الحديد يمكن يناسبك هالمره

انا دمي كان 11 وصار عشر ونص الدكتوره سوتلي فضيحه

ووصفت لي حديد وكالسيوم وفيتامين وكلت قلبي تقولي كلي كلي

وين عاد انتي سبعه ونص!!!

[طفلي حياتي]

السلام عليكم
شخباركم
يووووووو روزي ماتشوفين شر حبيبتي اهتمي بروحش واكلي الاشياء اللي تزيد الدم عليش بالتبوله لانها مليانه بقدونش اكلي بقل اجبري روحش على اكله لين ماتحبينه حطيه في سلطه
نقلت لش ردود من منتديات عن زيادة نسبة الدموعليج بالتمر + الزبيب ويرفع الحديد في الدم ممتاز +الكيوي + السبانخ
عصير برتغال +وابتعدي تماما عن الشاي الأحمر لأن ينزل الحديد في الدم بالتالي ينزل الهموجلبين

اخلطي حليب طازج مع تمر في الخلاط الكهربائي واشربيه أسبوع وبتشوفين الصحه بإذن الله تعالى ((روزي هذا مجرب سويه))

سبانخ كيوي شمندر بقدونس جرجير برتقال كبدة
ومالج الا العافيه ماتشوفين شر
نفس المشكلة اعاني منها
لحظظظظظظظظظظه تذكرت
اخلطي بالخلاطه كيوي+ حليب +موزة+ملعقة عسلواشربي كوبين الى ثلاثة باليوم
وخلال شهر روحي افحصي وشوفي النتيجه وادعيلي

وماتشوفين شر يلغاليه

[طفلي حياتي]

فلووووووونه وينش مابينتين ماوقف الاسهال؟؟؟
وحشتيني بسرعه تعالي الموز ناس يسهلهم ناس يوقف اسهالهم وانتين طايحه فيه شكله عادمنش عدام
ماعليش شر

[شمس الصباح]

سلاااااااااااااااام

روز والله زعلت علشانش اسمعي كل اشربي عصير برتقال طازج او اكلي برتقال والبقوليات بعد زينه والبقدونس لاني حاسه ابش اني يوصل دمي الي 6 والحديد يسبب امساك شديد لي لدرجة اقعد أصيح مثل اليهال بس شنو تسوين اي اسمعي اني اخذ الحديد من الصيدليه لاني ما اخذ مال المركز ما اقدر عليه يعني استخدم وصف مستشفى الخاص ليش ما تجربين اللي استخدمه اسمه ترديفيرون او tardyferon 80 mg مع انه يسبب امساك احيانا ولكن مو نفس المركز الصحي وسعره بدينار واربع مئة فلس

اليوم رحت الموعد كل شي تمام بس قالت انه وزن بنتي ناقص بس طمنتني انه احتمال يزيد في الاسابيع اليايه وان شاء الله خير يا رب
وبخصوص الحرار اللي في بطني عطتني برهم احطه مرتين في اليوم وعطتني عن الترجيع حبوب عند اللزوم

وقالت لي لازم اوزع وجباتي واخليهم على خمس وجبات وبصراحة احترت اني اشلون يعني اذا الفطور اكل بس سليسه وحده مع كأس حليب اشلون اقسم الوجبه هي سندويشه وحده بعد اقسمها والعشاء نفس الشي والغداء حدي اكل لقمتين واقوم والله احترت اااااااااااااااف

[اقصوصه]

هااااااااي

[om khalil]

سلام مربع ياقدعاااان

[اقصوصه]

ام خليل محد هني ههههه

[om khalil]

ايه شكل الديوانية صاخه من زمان عنكم اقصوصه شخبارش شخبار حور

كنت مشغوله ياللي سالتوا عني فلونه وطفلي واحلام ام بمناسبة عندنا البارحه
صدق الفرح لاثنين والينون لالفين الحمدلله عسى الفرح دايم يالله بعدي متاثرة بالديجي ههههههههه تعالي احلام ام شدراش خطوبتنا البارحه؟

باقوم اروح بيت ابويي اشوفكم وقت ثاني

[بنت الأياويد]

السلام عليكم شخباركم ، ولكمووو ام خليل اشوة الي دخلتي من زمان ماشفناج بس اشوة دامج لاهيه مع العرس الحمدلله ، انا من امس فليل في شقتي وبعدين بروح بيت ابوي لان باجر عندي دوام في الجامعه، روز ماعليج شر ان شاء الله بعطيج اسم حبوب اسمه اليفيت وايد وايد وايد زين يحتوي على معادن وفيتامينات وحديد وكالسيوم كلشي في هالحبه هذي يعني ماكل حبة غيرها كل بعد الريوق آكل وحده والباكيت لمدة شهر باربعة دينار شهريا آخذه لاني الحمدلله مستفيدة منه ، وكثري من البقوليات والجبوووود كثري منه لو كل يوم تتعشين في جبود بس اهم شي يرتفع دمج واكلي سلطة تحتوي على طماط وهالسوالف وماعليج الا العافيه، انشوفكم وقت ثاني ان شاء الله