حبيباتى سيدات ليبيا تفضلو لأعرف ما حالكم

[dr.loly]

المشاركة الأصلية كتبت بواسطة شموسه 88

السلام عليكم ورحمة الله وبركاته


كملت حوستي اوغديت ناسي والحمدلله الرز طلع ناااااااجح من الصبح وانا ندعي ربي يسترني امعاهم بس الحمد لله تغدينا اوغسلنا الماعين اوتوه ناخذوا في غفوه علاشان نطلعوا بره انهدرزا
قلت انخش انطل عليكم اشويه بس القيتكم امكسدين

به ماشاء الله عدا علي خير...
مش قتلك ست بيت


وطريقتك لاستقبال زوجي سبحان الله نفس الجو هههههه

اغلب البنات هنا لاحظت اني في بينا افكار مشتركه ......................

وشن الجو اليوم عندكم ؟؟ جو مزرعه وهدرزه براااا جو العشيه والعصريه مع اللمه يا محلاه
مع طويسه الشاهي وفناجيل القهوة والحلوووووو

[أم أجنادين 80]

http://forum.hwaml.com/t271536.html#post3406323

[أم أجنادين 80]

الحمد لله انسترتي مع ضيوفك شموسة

[شموسه 88]

جنووووووووووووده
بما اني وعدتك باافكار استقبال حلوه خووذي طريقتي لانها بسيطه اومش مكلفه ولا فيها مبالغه بس ابجد حيفرح بيها

اول شي انتي ماشالله عليك انتي جاهزه قاصه شعرك هذي اكبر مفاجاه اوتغير وامحنيه اوحتلبسله لبسه حلوه مثلا فستان قصير اوناعم ولون لي يحبه اوحطي العطر لي ايفضله هواوبخي الحوش كله بلعطر امتاعك....

اوزيني حوشك بالبالونات "اوخوذي غرفه من حوشك واتيله فيها سفرت اكل لأكل لي ايحبه او زينيها باجواء روماسيه من الشموع والاضاءه الخافاته لو اتحطي اورق تكتبله فيها بعض الكلمات الحلوه زي" وحشتني انت روحي انا مانسوى شي بدونك........."ممكن اتكوني امحضرتيله هديه اتقدميه له بعد الغداء او العشاء حتى لو كانت ورده
انجو لغرفة النوم حالولي انك اتغيري من الديكورالغرفه النوم كامفارش والورغان رشي ورد المجفف في وسط الدار عل هيئه قلب انا نكتب عل المريا امتاع الغرفه النوم عن طريق الروج بعض الكلماته الحلوه"حمد الله السلامه يا حبيبي" بس مانحكيلك عل تنظيفها بعدين هههههههههه
لوتشريلها بيجامه حلوه اتحطيه له عل السرير اوقوليا وقت الحمام اوتقعدي امزينه الحمام بشموع والورد المجفف والعطور الجمليه بعد مايطلع حضريله احلى مسااااااااااااج
وان شالله ايروحلك سالم غااااانم ياجنوده وان اتكوني استفدتي

[dr.loly]

سأل اعزب متزوجاً:
احقاً مايقال ان الرجل لايعرف المصائب الا حين تأتيه المرأة؟
فأجابه المتزوج:
بل انه لايعرف قيمة المرأة الا حين تأتيه المصائب


سألوها لمَ زوجك يحبك ولايرى في الكون غيرك وهناك من هن اجمل منك؟
قالت:
قد لا اكون الاجمل
وقد لا اكون الاروع
ولكن ان اذاني زوجي اصفح
وان جائني مهموماً اسمع
ان اعطاني كثيراً امدح
وان عطاني قليلاً اقنع
هكذا علمني ربي الود لا اقطع
والطاعة لا امنع
ومهما حصدت شوكاً اظل للورد ازرع
��������������

كم هي رائعة الانثى
في طفولتها تفتح لأبيها باباً في الجنة
وفي شبابها تكمل دين زوجها
وفي امومتها تكون الجنة تحت قديمها



مما راق لي

[dr.loly]

حطيته ورشحته ف المواضيع المميزه ف قسم الاداره
حلي الايسكريم

[شموسه 88]

قصة شعري المعتاده زي اهوا بس الون بني داكان قريب من الاسود"لون طبيعي "درتله مره وحده هاي لايت احمر لاطراف هوحلو لما بتقعدي مستشوره بس قطعلي شعري اودمره ليا

[شموسه 88]

والله ام فروسي جو ايهبل حاطين طاوله اوكراسي في الفيرندا بره وامعاهاو قهوه او نسكافيه اوبقلاوه وااكنافه من حلاواني الفايدي
جن سلفاتي الا وحده دزت اصغارها وزوجها "لاني في بيني اوبينها حساسيه في رمضان حكيتلكن عليها والله انانيتي صافيه اوكلمتها بس معليش ربي يهدي "فاتت عليها الجووالقعده الحلوه

[dr.loly]

هي الخسرانه شموووسه .. وماشاء الله ع الاجواء الحلوة ربي يدوم..

حلواني الفايدي حجزنا منه حلويات وجاتووه حفل تخرجي .. وبيان خواااتي بس ف فرحي غيرت ع بلادي

[أم أجنادين 80]

بارك الله فيك شموسة

يارب مايحرمني منكم

أفدتيني هلبة

ممكن لأنك مجربة انا زوجي اول مرة يسافر بروحه بعد الزواج