دردشة حوامل أهل جدة - دردشة بنات جدة - تجمع حوامل مدينة جدة

أم عبدالرحمن السلفية · 05-27-2011, 12:31 AM

مرحبا حمولات كيفكم مون بشرينا بولادتك إذا ولدت ..

انا كشفت بالسونار قالت لي الدكتورة ولد بس ناوية أعمل ان شاء الله تصوير رباعي متى أفضل وقت , سمعت بالشهر السادس صحيح الكلام ...

مــون حــبــيــبــي · 05-27-2011, 03:22 AM

سندريلا على قولك ..
في وقتو وحينو يجي يا رب بالسلامة ..
مرت أخويا ولدت في بداية التامن وإلين دحين بنتها في الحضانة ..
تحسيها نفسيتها والله تعبانة ..
صعب تولدي وبيبيكِ بعيد عنك ..
ولها شهر وزيادة ..
لأنو البنوتة جات كيلو مررا صغيرة ..
دحين الحمد لله كيلو ونص بس برضو ما رضيو يطلعوها لسى صغيرة ..
بنت جدة آمين ربي يسهل ولادة كل حامل يا رب ..
أم عبد الرحمن أكيد إن شاء الله أبشركم ..
بس خلي يشرف أول :)

r4m · 05-27-2011, 02:39 PM

مون
ان شاء الله تولدي بالسلامه يارب ^^

ام عبدالرحمن
سمعت السادس افضل وقت للرباعي او السابع بس

سكرة مره
والله مو قصدي احطمك الوحم يعتمد علي نوع الحمل والبيبي
يعيني مو شرط تكوني زيي ويارب ماتطلعي زيي ابدا وتخلصي الان ^^

لازم تاخدي فيتامينات مكملة لك
انا اخد ميتيرنا
واخواتي نفس الشي بالحمل والولادة وكمان من بعدها عموما يعني هادي فيتامينات مساعده لك
خصوصا بالحمل
اسالي دكتورتك ^^ خصوصا اننا ماناكل لازم نعوض جسمنا

بالنسبة للبرتقالي
رأيي بصراحه لو لونو معتدل او خفيف يصلح للاولاد
خصوصا لو معاه لون بيج
بس لو فاقع ابدا ماينفع احسو بناتي

انا بصراحه تعبت ادور بين الـبين مافي خخخ
بللاقي بصراحه بس حيوانات واراوح انا ما البس ولا البس اولادي كدا
عشان الملائكة وللكبار الصلاه
فبدات اخد اولاد
لانو قالتلي ولد ان شاء الله بس خايفه يطلع بنت

أرنوبة · 05-27-2011, 02:43 PM

كروشات جده باقي لي 11 يوم وادخل الثامن
ومعني كنت مقررة فين اود من اول بس ظروف خاصة
حاضطر اغير ادكتور اللي حود عنده ودحين اراجع في بقشان
ومني عارفة اروح لمين سمعت عن نانسي وحجزت عندها يوم الاثنين
لو ارتحت لها او لغيرها او حاضطر ارجع لدكتوري في بخش
لوعندكم معلومة عن دكاترة بقشان بالذات اني اولد قيصري
أتمنى ما تبخلوا علي :)

قلب حمودي · 05-28-2011, 11:23 AM

انا كمان ابغى احد يدلني على بقشان واستفيد منه

أرنوبة · 05-28-2011, 02:10 PM

؟؟؟؟؟؟؟؟؟؟؟؟؟؟؟؟
معقول محد يعرف شيء عن بقشان
؟؟؟؟؟؟؟؟؟؟؟؟؟؟؟؟

ام الخير · 05-29-2011, 12:40 AM

مرحبا كروشات كيفكم قلبي نبغى اكبر تجمع لكروشات 2011 كل وحده تقول هيا باي شهر وعند اي مستشفى تراجع وتعطينا انطباعها عن دكتورتها ببدأ انا
ام الخير في الشهر الرابع الاسبوع الاخير على ما اعتقد بس شريط الحمل مبين انا بالخامس معطيني امل
اراجع بالعسكري امممممممم عند الدكتور وسيم
بشوف لو يعطو ابرة الظهر بفكر اولد عندهم لان عنايتهم بالام والبيبي لا يعلى عليها واذا ما يعطو بشوف وطبعا راح استعين في الله ثم انتو راح تدلوووووووني
الله يسهل حملي وحملكم يارب

ام مروان 2 · 05-29-2011, 03:27 AM

كيفكم كروشات انا بالشهر الثامن اول اسبوع كنت اراجع في مستشفى الحرس لكن الحين ابغى اكمل في سليمان فقيه واتصلت ابغى احجز لقيت الحجز عند دكتوره سحر مولدي مافي لحد شهر طيب الحين ايش اعمل خاصه المراجعه عندها صعبه مره زحمه انا عندي ملف من اول يعني اقدر اروح وقت الولاده بس ولا ضروري اكشف عندهم لو مره الله يخليكم يا بنات جده ساعدوني لاني مره تعبانه وما اقدر اروح عندها انتظار مره تعب

r4m · 05-29-2011, 06:50 AM

ام مروان

انا وحده قالتلي لو تروحي لها زيارة وحده تكفي وبعد كدا عالولاده بس
وازا حبيتي تروحي روحي انتظار في الصباح اولله يعينك مافي غير كدا

انا رحت وتبهدلت وبطلت خخخخ ازا الله اراد وحاولد في فقيه بروحلهم ساعة الولاده وبس

وفي بنات هنا قالولي ماتحتاجي زيارة مدام عندك ملف بس تروحي عالولاده وانتهي
وربي يسهل

افضلك تروحي لو تقدري تتحملي الانتظار علي اساس تضمني انو الدكتورة تمسك ولادتك وتجيكي
روحي بداية دوامهم عشان غالبا لمن تتاخر اي مريضة يدخلوكي بسرعه اول وحده

أم ح ــنونـہ · 05-29-2011, 09:19 AM

السلام عليكم
انا اليوم دخلت السابع والحمد لله
وموعدي مع الدكتوره بعد اسبوعين
بس ان شاء الله تكون موجودهـ
واذا مو موجوده خلاص راح ابدأ اروح على الطب الدولي
والله يكتب اللي فيه الخير
وراح اجهز للبيبي من الشهر الجاي
عشان زوجي راح ياخذ اجازه ان شاء الله
واقدر اطلع معاهـ براحتي شفتوا الذكاء هههههههه