دردشة بنات مصر , دردشة حوامل مصر , تجمع بنات مصر

[توتة السيد]

الحمد لله ياام مريم بخير ربنا يخليكي انت عاملة ايه

انا الحمد لله احسن شوية من امبارح ربنا يطمنا جميعا

[ommarem]

امين انا بشغل نفسى فى اى حاجه وبصراحه كلام سما طمنى الله يباركلها المهم انتى خدى بالك من نفسك وكلى كويس

[ام انس المصريه]

السلام عليكم جميعا

ماشاء الله المنتجع بقى فيه ناس جديده كتير مش بلحق للاسف اتعرف بيكم عارفين لو كنتو جيتو قبل مااولد كنت رغيت معاكم رغى لحد ماصدعتكم

لكن انا دلوقتى اللى مصدعه ومش شايفه اودامى عشان منمتش اهىء اهىء واااااااااااااء

عادى بقى انام ولا منمش البصه فى وش انوسه بالدنيا كلهاااااااا

...................

نهاااااااااد وحشانى ياموزتى والله مع انك لسه متصله بيا امبارح بس وحشانى بوضو

توته الملتوته ازيك يااااااااااا اووووووووووووووع هههههههههههههههه عامله ايه ياام اوعه وحشانى يابت ازيك وازى نوران ربنا يكملك على خير ياحبى

ام اروى سما وحشتينى والله ووحشنى اللت والعجن معاكى

ام زوربيح ازيك ياحبى وازى زوربيح ولا زوربيحه هههههههههههههههههه حاسه انك حامل فى ولد وهتسميه شيريهان يادينا هههههههههه

...............

جعانه اووووووووووووى وباكل جبنه وطماطم جوزى مش هنا سافر مصر يجامل ابن خللتو فى فرح بنتو ياخويا تعالى جاملنى اناااااااااااا

عايزه يابنات اعمل شعرى ميش زتونى بيبقى خرافه عليا مع العين الخضرا اوعى وشششششششك

بقول استنى لما اخلص النفاس علشان ابقى فشيت لاخر قطره ههههههههههه


انا فشيت بس لسه هفش كمان المنطلون مش داخل فيا لسه والعبايات ياحزن الحزن ديقه خالص

ياترى تفتكرو هفش ولا هفضل تخينه كده سؤال يطرح نفسه ؟؟؟؟؟؟؟؟؟؟؟؟؟؟؟؟؟؟؟؟

[ام انس المصريه]

ياحبيب اك يابنى جيت اقص له ضوافره عورته وقعد يعيط ياقلب امه

.............

انس من امبارح حاسه ان عنده سخونيه لما بيصحى من النوم لكن لما بيصحى بيبقى جسسمه عادى

ياترى دى سخونيه لقدر الله ولا من الحر ؟؟؟؟؟؟؟؟؟؟؟؟؟؟؟؟

حد يجاوبنى ؟؟؟؟؟؟؟؟؟

وعماد جابلو دوا اسمه سيتال بمزاجو اقوله خدو اكشف عليه يقولى خلى اخويكى يجى معايا على الفسبا قلت له اخويا عند خطبته

قام متلكك

حد جرب سيتال ده

[ommarem]

اهلا بيكى يا ام انس بصى حبيبتى لما تلاقيه سخن شوفى جسمك انتى كمان لو سخن يبقى خلاص بس زيادة فى الاطمئنان لازم يكون عندك ترمومتر فى البيت مجرد ما تشكى انه سخن قسيله الحرارة ودة افضل طبعا بتقيسى الحرارة من تحت الابط عشان تبقى مطمنه لان السخونيه غلط على الاطفال ولا قدر الله لو حرارته مرتفعه اديله خافض للحرارة ويفضل يكون لبوس خلى الدكتور يكتبلك عليه وخليه عندك فى البيت وفى كل بيت بتقعدى فيه فترة يعنى عند ماما عند حماتك وبعد ما تديله اللبوس اديله دش فاتر مش ساقع ولا سخن بتبقى الميه فاترة زى دمعه العين وربنا يبعد عنه الشر

[أم نورين2012]

صباح الخير ياحريم الجيل

[أم نورين2012]

هو مافيش حد هنا ولا إيه هو أنا كل ما أدخل مالقيش حد منكو يابنات وحشتوني كلكو وعايزه أطمن عليكو واحدن واحده بالله عليكو أدخلو أنا محتاجه لكو أوي

[دودى اشرف]

السلام عليكم
مين هناااااا بقىااااااااااااااا
وحشتونى والله كتير

[دودى اشرف]

يا بنات عاوزة اطمن على ام اياد .. آية .. عاملة ايه هى والنونو؟؟؟

[أم نورين2012]

أزيك يادودي عامله إيه وحشتيني أخبار عمر إيه