ديوانية البحرين - دردشة حوامل البحرين - البحرينيات

[فرح عمري]

مساكم نور وسرور يارب

شلونكم وش مسوين عساكم بخير

اني اليوم شكلي ما بسوي غدى <<< عرق العياره اشتغل شكله هههههههه

بس ما ادري زوجي بروح الشغل او لا واني ما اتغدى اخاف اتعب نفسي ولا يروح

اخذها من اولها ولا اسوي شي احسن والمطاعم حاطه روحها

[اقصوصه]

مساء الخيررر

[فرح عمري]

هلا والله اقصوصه حيالله ام حور

شخبارك وشخبار يومك

[rose soul]

انا هووووووون
رجعت
امس فليل طلعت..لأن النت يقطع لوع جبدي

شخبااااااااركم؟؟

[فلونة]

هلا والله فررح،، شخباررج؟

انا بعد هل يومين كله متعايرة على الطباخ لانه عقب الطباخ تنظيف المطبخ ومواعين،، كنت باسوي صالونة عدس اسرع شي بس فتحت الثلاجة الا ماميش طماط ومابي اروح البرادة ،، غيرت رايي وباسوي مندي دياي

[فلونة]

هلا روز ،، رديتي شقتج او للحين؟؟ شنو يابوو لج من الحج اعترفي
اذا عندج ماي زمزم طرشي لنا

[اقصوصه]

هلا فرح الله يحييك حبيبتي
الحمدلله بخير أخبارك انتي؟


هلا روز بخير الحمدلله اخبارج انتي

فلونه انا ما احب تطبخ ابد

[فرح عمري]

هلا والله روز

مشكلتنا مشكله مع النت ومن سمعك والله

[اقصوصه]

انا لابي خربان كله ادخل من الاي فون

[rose soul]

انا الحمد لله بخير

فلونه..لا لحين ما رديت اليوم برجع بالليل
اكثر شي يابو لي ثياب حق بنوتي خخخ .. لا وكلهم كبار احس .. بتضيع فيهم
حياج تعالي اخذي لج غرشه ماي زمزم هههههههه