دردشة حوامل أهل الخرج - دردشة بنات الخرج - تجمع حوامل الخرج

حنان 1985 · 05-21-2011, 08:17 PM

هلا اسومه

تدرين مابعد تسوقت لي وللبيبي

والاشريت الاعشاب الي ابي عشان انضفها واغسلها يبيلها يومين عشان تجف

بس هالايام اختي عروس وتتسوق وانتزهة الفرصه
طلاعتي من الاربعين على رمضان خير وصيام قلت
اتسوق مع اختي واستفيد من العروض من دبنهامز
فرفره شريت ميك اب كامل وطقم من بدي شوب وشنطتين من تاترا
وجزمه من فنشي وجزمه من سنتر بوينت وساعه حلوه 3 تنانير

يعني هالايام مشيت

باقي بديهات حلو لتنانير ولبجايم اذا ولدت اشتريها عشان مقاسي يمكن اسمن ولا انحف والمفرش شاريته
من الكويت من كم شهر شفته مايتطوف جهزت بدري

ادري بتقولون بسم لله مستعجله على الطلاعه

واذا على الولاده انا بروح مشوار وراجعه اذا فضيت
بقولك عن ولادتين سابقتين عند المصانع وشلون عنايتهم

وسلامتك اذا تبين قصتي في ولادتي
قوليلي

ام علاوي99 · 05-21-2011, 08:25 PM

يسعد مساكم جميعا وحشتوني
كيتي لين اسومه كيف الحااااااااال
دلوووووووووعه الله يجعلها لك شفيعه ويعوضك ربي خير ياقلبي والله ضاق صدري سلامتك والعمر قدام ان شاء الله بتجيبين بدل بنت درزن توك صغيره مدري بس ودي اخفف عليك

وحشتيني اسوووووووومه لين هههههههههههههههه والله اني فرحت لك بولادتك بس طلع حلم دايم وانا احلم كذا الله يسهل علينا جميعا

kitty · 05-21-2011, 08:41 PM

هلا والله ام علاااوي بناااات انتوا باي شهر؟؟؟؟؟؟؟

اسومه القموره · 05-21-2011, 09:03 PM

ام علاوي وينك وشفيك تتغلين علينا ،،، كيتي توداخله ثاني اسبوع بالسابع ,, لين اكيد احتاج قصصك

ام علاوي99 · 05-21-2011, 09:19 PM

مرحبا كيتي مرحبا اسومه
لاموقصت اتغلا انا شابكه علي شبكه جيرانا وتقطع معي طلعت روحي
اخباركن اليوم لاهيه ادور على كوفيره لزواج حماي شهر سبعه وكلهم فل انقهرت مابي اروح للمشغل ملل ابيها تطلع البيت اريح اخذ راحتي بالمره وبالاخير لقيت ولله الحمد مكياج 300 وتسريحه 300 قلت بصره اهم شي افتك وبعد اربعه ايام من زواج حماي زواج اخته بس ماراح اهتم زوي زواج الولد يعني انا مرت الولد وعندي حماواتي غيره الله وكيلكم بس ابي احرهم شوي بس باقي مابعد شريت فستاني الله يرزقني بثوب يبيض الوجه وهذي علومي

اسومه القموره · 05-21-2011, 09:41 PM

ام علاوي على الفساتين روحي الرياض في البديعه مووول الدور الاول عندهم اشياء حلووه

ام علاوي99 · 05-21-2011, 09:58 PM

اسومه انتي شفتيهم تصلح للحمل وين موقع بديعه مول

اسومه القموره · 05-21-2011, 10:10 PM

امممممممم انا شفت اللي يجيك ماسك السنتيان واككسسوار تحت الصدر وبعدين واسع من تحت شفت كذا واحد وانتي بعد اطلبي ويطلع لك صاحب المحل ومدري على حسب الكروشه حقتك امممم معرف اوصف بالرياض كثيرر بس هو بالشرق في حي العريجا وهوه 2 مول المحل في مول 1

اسومه القموره · 05-21-2011, 10:15 PM

ايه ام علاوي ليه مكياج ب300 نصيحه صلحي مكياج هادي ونعوووووم

besan1 · 05-21-2011, 11:08 PM

مسا الخير بنوتات

كيفكم؟؟

يا عمري يا دلوعه .. الحمد الله على سلامتك والله يعوضك خير يارب ويجعلها شفيعه لك ولابوها ..
وربي زعلت عليك .. لكن ما نقول غير الحمد الله ..

ام علاوي .. اخبارك ؟؟
اسومه .. انا مثلك بالسابع .. متى موعد ولادتك؟
لين حياك .. نورتي التجمع .. خليكي كذا نشيطه << ما صدقنا نلاقي حد يدخل هنا ^.^..
لطوف .. مشكورة ياقلبي فدتيني كثير باغراض الصيدليه ..

بنات .. عرفتو وش رح يجيب لك زوجك هديه بعد الولاده ؟؟ <<اووم اللقافه ههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل ينبع	حبيبة جوجو	إستفسارات حوامل من الشهر السابع إلى الشهر التاسع	4	03-15-2013 12:38 AM
تجمع حوامل	warka	ملتقى عضوات حوامل	7	06-22-2012 09:12 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
تضامنا مع إنسحاب سمو الجرح من تعز سمو الجرح تدخل	فرح بكره	ملتقى عضوات حوامل	22	12-13-2010 12:30 AM