** ليبيا زين علي زين ليبيا ورد وياسمين ** تجمع الليبيات

[ام معاد]

ام فراس صحة الكيكة .وهاتي طريقتها

[ام معاد]

جيجي مبارك ماشريتي انت و الاميرات اتبيدوهم بالهني يارب

[ام معاد]

هد هد.تسلم ايدياتك علي العزومة

[ام معاد]

امممممم شكلط مش فاضيات اني في المطبخ شوي انطيب وشوي نكتب خ.غداي بادن الله شربة عدس مضروبة .وسمك شرائح مقلي.ورز بالخلطة.وسﻻطة عربية.والحمد لله

[جوهرة ليبيا]

مساء الخيرات

كيف حالكم اليوم كلكم

هدهد ربي يعاونك كيف حال الاموره سوما

سوسو كيف حال ريم

ام معاد الله يسلمك ويبارك فيك كيف حال سنافرك الحلوين ربي يحفظهم وربي يسهل علي ام ورد ويرزقها الولاده الساهله


تعرفي حتي اني اليوم غداي رز بالخلطه ودجاج مشوي وشربه عدس وسلاطه مشويه ومشكله

وكيف بخرت الحوش وغيرت وقاعده نستنا في راجلي مازال ماروحش


جنوده ربي يوفقكم ويحقق كل ماتتمنوا

فروسه كيف حالك وحال العصافير

اوشي حتي انتي ليك وححححححشه

اثري تعالي ياعسل

شموسه واموله حاولوا تخشوا فاقدينكم

[ليبياقلبي]

ليكم وحشة لاتعد ولا تحصى وسامحوني عالغياب اعوطني اخباركم كلكم

[جوهرة ليبيا]

ام نوزه ياعسل وينك والله امبكري انفكر فيك ونقول ياريت اتخش اطمنا عليها

ويارب اتكوني انتي وعويلتك والصغار بخير

[dr.loly]

[dr.loly]

يا مرحبا بأم نوووزه

انتي لي طمنينا عن أخبااارك وينك اختفيتي.؟.؟
وشن اخبار نوزه وحمودي .. ان شاء الله غيابك خير كان

[dr.loly]

ام معاد مرحبا بيك وشخبار السنافر الحلوين وزوجك وامتحانته؟

بالنسبه للكيكه سهلة جدآ

مقادير الكيكة المثلجة ..

كيكة جاهزه .. اتقصصيها طبعا
كريم شانتيه..مخفوق بحليب (خصيصا شانتيه الفراوله)
قشطة بوك ساده
لوز مجروش
تفاح وموز او موز ومانجا شرائح.. فراوله (حسب الموجود عندك بس الموز يفضل ف حشوو)
والزينة نفس الشئ



ترصي الكيكة اول شئ تحت بالكامل
بعدها تحطي طبقة شرائح موووووز

بعدهااا لو تحبي نوع اخر مانجا او تفاح

يعدها تصبي خليط كريم الشانتيه مع القشطة..

او تقدري تحطي طبقة القشطة تحت الموز وتحطي الشانتيه كريم بس توا

خلاص تخششيها الفريز ساعتين وتطلعي تزينها من فوق كيف ماتحبي

بس يفضل ترشي اللوز مجروش لانه يعطي نكهه مش عاديه