<<تجمع حوامل اللي ولادتهم شهر رمضان1434>>

[دانينوا]

لا الله يخليك انا فرحت انها وافقت تولدني اول اسبوع بالتاسع وبعدين انا اولد قيصري ما بتفرق معي اي يوم وهي تبغا تولدني قبل ما يجيني طلق والله يكتب لنا الساعه الطيبه

[جونة]

صباح السكر ياقلبي لالسه دوبني بادءه ومنعوني اتحرك في التامن ولاحركه حتى الحرم وبيت جده ممنوع ..
يعني الله يخارجني مع التقضيه .. محد يقدر يفهم شعور رغبة الام في تجهيز ولدها بنفسها وخاصة الولد الاول ويقولولي احنانقضيلك .. بس ايش اسوي معاهم حق سلامة النونو اهم ..
حقضي ان شالله شويه شويه في التامن اوفي التاسع ..

[جونة]

اشتريتي مفرش النفاس ؟

[جونة]

هبوب بسالك تحسي راس البيبي نزل في الحوض ولالسه البطن فوق ..

[دانينوا]

انا خلاص اشتريت كل شي حتى المفرش وحتى المشط البيبي يعني مو باقي الا اولد اقولك اشتريت امس بنجره للبيبي وناااااسوا يدنن مررره صغير بس غالي 😖 مع الاسف رجع ارتفع الذهب من ثلاث ايام لو اخذته قبل كان افضل بس كل شي فدا لعيون ماما 😍

[أم تااالين]

المشاركة الأصلية كتبت بواسطة جونة

هبوب بسالك تحسي راس البيبي نزل في الحوض ولالسه البطن فوق ..

حبيبتي جوونه يسعد صباحك وصباح الكروشاات
والله احس حركتها فوق بطني عند ضلوعي مدري كيف
وبرضوو الم من تحت الرحم خصوصا اذا جيت امشي احس حاجه تدق كنها بتطلع
اخر مراجعه لي قالت الدكتورة انها متجهه للحوض بس بتأكد من المراجعه الجايه
الله يسهل علينااااا

[سمو 1993]

كروشات مين دخلت معاي التاسع

[نبض وعشق]

كروشات انا بطني فوق واحس كله دق فوق ونهايه بطني خفيف تتوقعون ان لسه البيبي مانزل راسه

[جونة]

دانينو ينااااسوحياتي على ليونه بالعافيه عليها تستاهل الامورة الله يحميلك هيا خليكي منتبهه عليها لمن تخرجي من البيت وكمانه انتبهي لاتجرح نفسها الله يباركلها حبيبتي ..
وبالنسبه لهديتك ازا جوالك ماينصبر عليه اختاري جوال احسن ..

هبوب الله يسهلنا ياكريم انامره نسيت اسالها عن وضع الجنين والمشيمه وصورالسونار احسها موواضحه زي اول امكن لانو الجنين كبرماشاءاالله ..

[جونة]

سموو هلاقلبي انالسه فبداية التامن ..

نبض حبيبتي شكلو مانزل والله اعلم انا احس زيك .. احنااشبنا مستعجلين عالنزول ..