°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[امل الوجود]

السلام عليكم ...


غنى ..... الله يبارك فيج حبيبتي و الفال لج و الله يتمم لنا على خير ..


حلم ..... الله يتمم لك انتي كمان ويرزق كل محروم ..



كرزة .... الحمد لله تمام .. امس كان موعدي الوزن نازل .. و الالتهابات مازالت مستمرة ( بفعل الربط اعتقد حسب اللي قريته ) طبعا لازم نكثر من شرب الماي رغم اني مو مقصرة ....وعن باقي الامور كلها تماام و لله الحمد ...


ام بشاير التميمي .. هلا فيج حبيبتي .. وكل هالامور طبيعية لا توسوسين وتعوذي من الشيطان .. خليج ريلاكس ..الله يتمملج على خير وتفرحين بشوفت البيبي ..



بالنسبة للي يسؤلون عن باقي الاعضاء .. تراهم في سبات عميق ههههههه ..... ما اعتقد في شي بقعدهم خخخخ
بس كل اللي اتمناه ان يكونون بصحه وسلامة وعسى المانع من دخولهم المنتدى خير ..

[غنى2011]

مرااحب ع الحلوات
وينكم اخباركم طمنونا عنكم

انا عن نفسي ادعي من ربي يكمل حملي على خير ان شاء الله
الحمد لله دخلت الخامس
ولس ماعرفت النونو شنو

بس اقل حركه احس بشد في بطني مااقدر اشتغل ولا اسوي اي شي
مااعرف من الربط ؟ يعني مشاء الله اشوف حوامل يتحركون ويمشون ويطلعون واقول ياربي ليش انا مااقدر

[امل الوجود]

هلا باختي غنى ... لا تنسي احنا وضعنا خاص شوي ... انا مثلك اقل شي احس بشد لا و الحين بس اعطس احس بالم قوي جدا محيط بالسرة ..

الله يثبت حملنا و يرزق كل محروم

[غنى2011]

هلا فيج يا اموله اخبارك شلونج

صحيح احنا وضعنا خاص الحمد لله على كل حال

صحيح امل انتي لسه بتاخذي مثبتات ولا وقفتيها

انا لسه دكتورتي تكول استمري ع الابر كل اسبوع وحده

[امل الوجود]

هلا اختي غنى .. اي انا للحين اخذ الابر المثبته .. مرتين بالاسبوع ..

[شوق جدة]

مساء الخير كروشات..
الله يعينكم ويسهل ولادتكم ويفرحكم بشوفة البيبي..
شكلي راح ادخل معكم قريبا..انا حامل بالشهر الثاني والدكتورة قالت لي هالمرة ربط..
لأن لي مرتين تجيني ولادة مبكرة ..
أول مرة ولدت بالسابع وتوفت البنووتة بعد4أيام..
والمرة الثانية ولدت بنص السادس كان معي توأم بنات وتوفوا ثاني يوم.
قالت لي الدكتورة ماأحمل قبل 6شهور..كملت 6شهور وفي الشهر السادس صار الحمل..
حملت وأنا قلبي بيدي لاتنعاد نفس القصة..وفي نفس الوقت شايلة هم الربط..

[غنى2011]

هلا فيكي ياشوق جده انتي قصتج مثلي نفس الشي ولادات مبكره 2
وبعد الاجهاض الثاني ب6 شهور حملت نفس الشي
وهل المره سوتلي الدكتوره ربط

الله يتمملج على خير يارب

[شوق جدة]

تسلمين اختي غنى..
كيف لما يعملوا لكي الربط يوجع؟انا قرأت بالنت انها عملية وبنج كامل
ويدخلونك غرفة العمليات ..
الموضوع مخوفني..
وكيف الحركة تقدري تتحركي والا تكوني بس نايمة على السرير؟
مشكلتي انا ساكنة بعيد عن اهلي..وزوجي يغيب عني شهرين بشغله..ويجي شهر اجازة..
يعني لازم اعتمد على نفسي..

[غنى2011]

لا ياشوق العمليه مو صعبه صحيح بنج عام بس زوجي يقول 10 دقائق طلعوج من العمليات ... الظاهر الدكتوره شاطره 8_8

وبنفس اليوم طلعت من المستشفى بس بعدها ماادري انا اكولج عن نفسي الصراحه لا مااقدر اتحرك كثير اغلب الوقت بالسرير

واهلي قريبين مني وامي هي الي تطبخلي الاكل الله يعطيها الصحه والعافيه يارب والعشا اغلب الايام من برا

وعندي وحده تجيني كل اسبوع او اسبوعين تنظف وتشتغل

بس شلون اذا زوجك يغيب شهرين يعني مافي اي احد عندك ؟ زين روحي عند اهلك واعملي الربط هناك مو احسن ؟

الله يسهلك امورك يارب

[شوق جدة]

تسلمين غنى ..طمنتيني شوي..
انا يمنية مولودة بالسعودية وحياتي كلها فيها..
بس اتزوجت باليمن..وزوجي باليمن وانا اجي كل اجازة عند اهلي..
وزوجي قصة مايحب يجي اجازته ومايلقاني..
انا حتى بنفاسي مايخليني عند اهلي 10ايام ويرجع ياخذني على البيت..