سيدات ليبيا الحبيبات ..تفضلووو

[ام معاد]

اه نسيت ام سعد الحق في بنتي مارية ولدي ابان .تابعت عند الدكتورة كريمة بو صﻻح راهي دكتورة بسم الله ما شاء الله تخدم في مصحة البشري ومصحة تقريبا اسمها نو العيون جابت فيها ام ورد وزوز المصحات ممتااااااااازات اني جربت البشري اكويسة وام ورد جابت في نور العيون الواضح انه المصحة اكويسة ومعظم يلي فيها فلبينيات وانت وراحتك

[أم أجنادين 80]

السلام عليكم
شن اخــــــــــــــــــــباركم

ســـــــــــامحوني علي التقصير

أخر مرة دخلت كتب رد طويل ولما درت اضف الرد طلعتلي هذه الصفحة السخيفة وراح كل الرد


علي العموم


سوسو ... الف مبروك علي حماتك ... والبنية لي كنت عمك ان شاء الله تتربي في عزها ويرزقك ببنوتة زيها

لانك شكلك خاطري في بيبي ربي يسهلك .. وان شاء الله يرجع زوجك سالم غانم

جيجي ... مازلتي ناشطة وفالحة مش راحمة روحك ربي يحفظك لزوجك وبنياتك ... شن اخبار الوالد

اثري ... كيف حالك وحال السنافر وشن اخبار امك ان شاء الله احسن

ام فراس دكتورتنا صار العودة الي ارض الوطن الله ياريتني في مكانك ربي يسهللكم

اوشي ... كيف الحال وشن جو مدرستك وصغارك

هدهووووة... حاسة باحساسك مااصعبها لما اكثر من شي يفوتك بس ادعليها اختك ربي يهنيها ويسعدها

الحال من بعضه عدة اشياء تغيرت في غيابي ماشاء الله كل يوم يحكولي شي جديد

ان شاء الله ربي يرجعكم سالمين ويعوضك ربي خير


ام ونوسة كيف حالك وحال بنياتك ..

امولة الباين فطومة شاغلاتك وواخدة كل وقتك ربي يحفظهالك والله طلعتوا بنات هدية وامولة عندكم عزيمة قوية قدامي انا لتوة

نبكي كل يوم .

خولة الف مبروك عليك المزيودة وان شاء الله تنستري في لمتك

فيفي ان شاء الله ربي يكملك علي خير

سامحوني لو نسيت اسم

[أم أجنادين 80]

سعدة علي قولت سوسو .. ان شاء الله ربي يسعد ايامك وين كنتي مغطسة المدة هذه كلها

ام معاذ كيف حالك وحال ام ورد

[أم أجنادين 80]

من وين بنبدا نحكي مش عارفة

لو نحكي لغدوة مانكملش

اخر مرة حكيتلكم بنمشي لعرس اخت بنية تعرفت عليها في امريكا

طبعا الام امريكية والاب ليبي

العرس كان بسيط جدا مافيش موسيقي لان مافيش كمبيوتر احسن واحسن

ومش هاديكا الزوحمة مش اكثر من 30 مراة طبعا ليبيات وومكن في وحدة سورية

وخالة ودة العروسة امريكيات

اكيد بتسألو شن لبست

شريت لبسة تحجب المهم نسقتها لو تعرفوا زي البنطلون واسع ولاصقها فيه زي البدي من فوق سواريه

ركبت تحته بدي مشبك مش عـــــــــــــادي يجي تحت القفاطين ومايفسدس منظرهم

ممكن احسن من الجاكيت

وركبت فانيليا مشبكة فوقه ووشاح طبعا ومشيت من غير مكياج

وغادي جرت كحل وملمع شفاه بس


هههههههههههه بس صارلنا موقف لا احسد عليه

نرجع ونحكيلكم علي اخبار مهمة وتساؤلات لاتنتهي

غير توه بنكمل واجبي نبي نرتاح تعبانة

[أم أجنادين 80]

هدية بنسالك وصلتكم رسالة المكتب الكندي الاخيرة بخصوص المنحة تبع شهر 6

[أم أجنادين 80]

طبعا يوم اللي مشيت العرس
الدكتورة كانت عاطيتني كلوميد

نستني في الدورة تجيني وناخده في خاطري حتي الكلوميد لاحقني في امريكا

ومعاها عندي الم في رقبتي بعد البردة والكحة القوية

عاطيني الدكتور دواء ههههه قالي السبب هوا بطنك مدايرتلك الم في الرقبة

مش في الرقبة فوق قريبة من خشمي المهم علاج مدته شهر قلت مش بادية فيه ناخد الكاوميد قبل

وقعدت كل يوم نستني في الدورة والمشكلة موعد الدورة اللي قبلها

نسيته

مانعرفش من عادتي نسجل فيهم بس هدا نسيته قعدت غير نتوقع فيها امتة

انا في العادة مانفوتش 30 يوم



وكل يوم انحس بالام خفيفة بس مافيش شي



وحسب حسبتي وتوقعاتي فاتت 30 يوم بس عندي اعراضها


قررت نقول لزوجي وهوا هنا اصر نشروا اختبار منزلي


انا مجرباته مرة قبل وكارهاته لان نتيجة سلبية

[أم أجنادين 80]

مشينا للسوق اللي جنبنا خدينا ىاحد ب2 دولار


واحني نخلصوا قالتلي البنت ههههه بيبي ولا مزال

قلتلها مزال حشمتني ههههه



روحنا وانا نضحك علي الموقف



ولما وصلنا درت الاختبار وانا واقفة نشوف فيه




































نشوف طلع خط واحد متاع التحكم انه يخدم





















بعدها





















يطلع






















يطلع

















يطلع

















خط ثاني ماصدقتش عيوني





طلعت نجري لزوجي ونقول خطين خطين خطين خطين خطين




هههههه مسكين معادش عرف شن يدير من الفرحة















بعدها طلع زوجي يجيبلي واحد ثاني القي المحل مسكر








اليوم اللي بعده جابلي واحد من الصيدلية وطلع نفس الشي خطين اما مابيتش نعطي لنفسي امل الا بعد تحليل الدم




تعبت يابنات غدوة نكمل او بعد شوية

[أم سعد]

السلام عليكم

أم أجنادين ... حكاياتك مثيرة بصراحة
ألف ألف ألف مبروك الحمل وربي يتمم عليك وتفرحي بشوفته وهو صحيح ومعافى

[أم سعد]

ام معاذ صحيتي ... طبعا أنا البشرى تغملي في قلبي

وتوا قالو خدماتها حااااااالة... توا جابت فيها صاحبتي ياناري تعبوها هلبة

ونور العيون تو نشوفها ... نحس فيهم يبو فلوس بس

ومع ذلك هي الخيار اللي قدامي حاليا

[هدية الخالق]

السلام عليكم ورحمة الله وبركاته
كيف حالكم كلكم ان شاء الله تكونوا بخير
طبعا بنبدأ بجنودة اول حاجة واللي بسببها خشيت نجري بعد قريت الخبر الف الف الف الف مبروك جنودة الحمد لله ربي عوضكم خير ان شاء الله ربي يتمملك علي خير ويثبت حملك ويفرحك بشوفة مولودك علي خير وسلامة
ماشاء الله السفرة وجهها خير عليكم ربي يكمل عليك تستاهلي كل خير والله الفترة اللي فاتت نفكر قلت جنودة معاش خشت ليها فترة زعما تكون حامل ان شاء الله الخشة الجاية تبشرنا حسيت بيك سبحان الله لدرجة حلمت حتي بيك الحمد لله الحمل جي في وقته باش تلهي ويونسك البيبي الجاي ان شاء الله ويملى عليك وقتك
وصحيتي علي احساسك بيا بارك الله فيك وعقبال ماتفرحي بوخيينك وتحضري اعراسهم
وبالنسبة لسؤالك تبع المنحة ايه وصلتنا وداروها فينا حتي العام اللي فات في رمضان لكن باهي الحمد لله زوجي عنده مايصرف ويمشي حاله في الفترة هادي وفي نفس الوقت حصل يخدم معيد السيمستر الجاي