سيدات ليبيا الحبيبات ..تفضلووو

[جوهرة ليبيا]

السلام عليكم ورحمة الله وبركاته

[جوهرة ليبيا]

كيف حالكم اليوم

فيفي واوشي كيف حالكم

اني اليوووم طوارئ من الساعه 10 نايضه طبعا مش راقده غير 4 ساعات

والحمد لله علي كل حال

شديتها ضمان وسيق وتلميع وووووووووووووو وطلعت جلستي امتاع الصاله شمستها وتوا

رديتها رززززيييينه ومتعبه بس تمام كملتها

وراجلي متغدي برا فرررررحت ولاول مره نفرح لاني بجد تعباااانه

بس درت امحمصه بالقديد والخضره بس مازال مش صابتها لين نرتاح كويس

و بخرت الحوش وخديت دوش عالسريع الفجر امدوشه وجبت قهيوتي وقعمزت بنرتااااااااااااااااااح

[جوهرة ليبيا]

تصدقوا يابنات اني المنتدي مانطلعش عليه ابداااااااااا

الا القسم الاسلامي ونتابعه بصمت ونستفيد هلللبه منه ولله الحمد

وتجمعنا ديما مفتوحين عندي

منو زيني طبعا من غير المشرفات

[أم سعد]

كيف حالكم جميعا

جوهرة ماشاء الله صار حيوية ونشاط

ربي يكون في عونك

[جوهرة ليبيا]

الله يسلمك ام سعد

كيف حالك اليوم والصغار

[ام معاد]

السﻻم عليكم كيف حالكم جميعا

[جوهرة ليبيا]

تصبحوا علي الف خير

[خوله 2014]

السلام عليكم جوجو كيف حالك باهي الي القيتك
بالله بنسالكم يا بناات الي تعرف ومجربه قديش كمية الرز الي تكفي 35 مرا
رز بلاو راهو وبوفيه
يعني قديش انكيل قبل التطييب
وسامحوني خشيت مستعجله
يا بنات بادن الله ليا رجعة غر بعد اندير لمتي بادن الله باش نحكيلكم كل شيء من طقطق الي السلام عليكم

[sosolibya]

صباااااااااااااااااح الخير ,,

أنا مصدوووووووووومة من كلام هدهد ,,

أنت عارفة ياهدهد معزتك عندي وغلاك كيف ..

وعارفة إني نحبك ,, وديما نسأل عليك لما تغيبي ,, الله غالب قدري إني نسيت ,..

بس مش مشكلة عادي ماتلومي غير عالحبيب..

وحتى البنات عارفين ديما وأنا هدهد هدهد غير وين هدهد..

ومعاك الحق ياغالية ,, أنا رديت على جنودة وأنت لا ,,معاك الحق إعذريني..

بس ممكن لأن جنودة ليها فترة ماطلتش علينا ,, أو لأنها مسكينة جديدة على الغربة ,, الله غالب..

وربي يهون غربتكم جميعا ويردكم سالمين...

بس بصدق أنت في بالي ووجعني حالك هلبة وأختك والعرس ,,, ربي يهنيها يااااااااارب..

والحق أنا أولامس خشيت بسرعة سلمت وحكيت شوية حاجات وطلعت..


معادش تحرجي ياحراجة عارفة روحك غالية وعزيزة عليا..

[sosolibya]

فيفي هلا بيك كيف حالك ,, وحال ألأمورة إن شاء الله تشرف سليمة صحيحة يارب..

شن صار وتيتي شنطتك ولا لا ..

ربي ييسرلك..

هدهد كيف حالك ,, وردي بالك من ر وحك ,, مادام الجلسة رزينة ومتعبة والله الفروض مادرتيها بروحك ,, وأنت عملية ,,

ربي يسهلك ..

أوشي لييييييك وحشة وينك..

سعدة تعالي هدرزي ينا ,, عندك إيميل عالفيس؟؟؟