ديوانية البحرين - دردشة حوامل البحرين - البحرينيات

[بنت الأياويد]

هلا فيج ، اي تجهيزات اي بطيخ كلش مو مفتكرة في هالعيد ، الثقل مو مخليني في حالي حدي دايخه ، فصلت لي جلابيتين من زمان وامس خذيتهم ومن جم شهر خاشة لي شنطة شاريتها والله يعزج نعال وخلاص مالي بارض حق شي
وانتي شخبارج وشخبار هلج في الحج ان شاء الله طيبين ، شخبار جود؟ شريتي لج شي حق العيد؟

[rose soul]

انا بخير وجودي بخير شكلها صارت طويلة خخ..وهلي كمان كويسين..
والله زين دبرتي نفسج من قبل..وفصلتي لج ع الاقل سويتي شي لج
انا امس طلعت قلت باشتري لي شي..اصلا ولا جنه عيد..كريه بدون الاهل..
ولا شريت ولا شي..بدال ما اشتري لي شريت حق جود خخخ

[rose soul]

بقى اسبوع تدشين التاسع..يلا هانت هانت
ان شاء الله اول ماتدخلين التاسع تولدين

[شمس الصباح]

المشاركة الأصلية كتبت بواسطة فلونة

محد موجود هالحزة بس عندي استفسار ضرورري

من اشوي كنت اجهز نفسي علشان بارقد،، وجفت في الكير فري جمن نقطة بنية مادري هل هو افرازات بنية او دم بني .. بس اول مرة تصيدني هالسالفة ومادري شاسوي.. خالتي اتصل فيها ما ترد رقدت وانا متووهقة اروح المستشفى او لا
السالفة طبيعية اوو ؟؟؟

السلاااااااااااااااام لكل الحوامل

فلونة ما تشوفين شر بس لا تخافين اني صار لي جدي بولدي وكنت بشهر الثالث بعد وكان نقط دم بس عادي قالت لي أهم ارتاح وطمنينا عليش

حرووووووووف وحشتيني وايد اليوم كان عندي موعد رحت وشفت وحده عندها توائم على طول جيتني في بالي ان شاء تكونين بخير

ومشكورين على السؤال عني


اي بقول ليكم لاحد يروح السعودية هالأيام وااااااااااااااااايد زحمة حصلت كم ضربه على البطن وعلى المؤخرة وصدري ما سلم شي فيني دفشين في مشيتهم ما شريت لي شي غير عربه للطفل مع جالوسيه لانها اسعارهم بوايد ارخص من البحرين وهاليومين كنت اتسوق في البحرين احاول اكمل اغراضي لاني ما شريت حق نفسي شي

[بنت الأياويد]

هذي للحين ماياو وصايرين وايد نضحي علشانهم الله يحفظهم ، اي افتكيت ، صاير خاطري في حنة بس اليوم قلت حق مرت حماي تحنيني وبروح لها عقب صلاة العشا ، امس تخيلي صار خاطري في قباقب رحنا السوق المركزي وهو يتحرك القبقب يخرع ههههه ورحت بيت امي تغديت اهناك بس ريحتي امس كانت مأساة من الزفر حتى دفتي صبغت ريحتها، مسكينة حنين تعاني من معدتها كتبت لها ان تستخدم الدوى الابيض الشراب مال المعدة وخل تكثر من الخيار يبرد على المعدة انا هالايام وايد اعاني من هالالام وعندي موعد تاريخ 21، بقولج اي اسبوع الوحدة تدش شهرها ؟35؟

[rose soul]

اهلين شمس الصبـــاح..
تصدقين انا كل يوم اقول لزوجي ودني السعودية..الاوادم كلها تروح..يقول لي زين زين.. ويسكتني خخخ

[بنت الأياويد]

بل شمس الحمدلله ماصادج شي السعوديات وايد دفشين حتى في مشيتهم ، انا وحدة مالي بارض لا سوق ولا صالون يوم الاربعاء حفيت وافتكيت ، اي والله روز بس ان شاء الله يكون اجازة عشان آخذها دبل يعني يكون عندنا مثلا اجازة رسمية اسبوع وانا بعد اخذ اجازة وضع اسبوع لان اسبوع واحد كلش مو كفاية من عقب الولادة واداوم الجامعه، انا احساسي اني اول مادخل التاسع بولد لان بطني كلش صغير واحسه مايتحمل بس العلم عند الله

[rose soul]

بنت الاياويد..35 و4 ايام تدخلين التاسع
انا فكرت افصل لي دفه ع الاقل..بس ما بتجهز للعيد..كلش مالي بارض خخخ..شكله ولا باشتري لي شي

[بنت الأياويد]

انا عند دكتورتي اليوم دخلت 35 اسبوع بس اهني حسبتي غلط يمكن وتاريخ 21 ادش 36 يعني متى ادش التاسع؟ دخلت ولا للحين؟

[rose soul]

عليج بالمشي بنت الاياويد..انا خالتي يوم كانت حامل يات بيتانا وخبرج احنا كله دوارات..وقامت تمشي جمن دوار ورجعت واهيه كلش ههه..ويوم ثاني اولدت