تجمع لحوامل شهر جمادى الأولى 1433

[white sugar]

المشاركة الأصلية كتبت بواسطة الديماس

عندي الااااام في ظهري وبطني
وبكرة موعدي الصباح

طيب ليش ما تنامي عشان تروحي مصحصحة للموعد

[white sugar]

اللي صار يا ستي اني رحت وسويت التخطيط
المفروض انو السبت بس لما كلمت الدكتورة قالتلي تعالي اليوم لانو في العصر كمان نزلت افرازات بس اغمق من الصباح
المهم عملت التخطيط والحمدلله كل شي كويس .. وطبعا مافي طلق الا خفيييييييييييييييييييييييف
ولما راجعت الدكتورة قالتلي ابى اكشف عليكي قلتها اوكي .. وكشفت ولقت الرحم فاتح 3 سم
وهيا مفجوعة عليا قالتلي انو عندي عنق الرحم مرة متهيء للولادة وانصحك تجلسي في البلد ولا تطلعي عالدرة ولا شي
قلتلها طيب ازا مافي ولادة ولا طلق عادي اروح قالتلي لا ايش يضمنلك ما تولدي هناك ولا في الطريق هههههه ضحكتني
حتى قالتلي انا لو عليا اديكي طلق صناعي وبعدين افتح كيس الموية بس اباكي تولدي طبيعي ما ابى اتدخل بدي الطريقة ، قلتلها لا مابى خليني كدا على مهلي.. حتى لما خرجت يدها كان فيها شوية دم ولما قمت مسحت في يمكن نقطة يعني مو دم دم يفجع
ماما تقلي يمكن تولدي عالفجرية او بكرة بالكتير بس انا ما اتوقع
جاني مغص والم بعد الكشف بس راح ما طول معايا .. وكل اللي احسه دحين انو البيبي بيتشحط كتير تحت هوا دا اللي بيألمني
اما مغص وطلق والكلام دا مافي

[الدلال والدلع]

اهلين الديماس
ان شاء الله تكون بوادر ولادة باذن الواحد الاحد
ابساللك انتي بكرية

[الديماس]

يجيني ارق مدري وش السبب تخيلي انام الفجر واصحى 10 ومنها الى الفجر الايوم الثاني

[الدلال والدلع]

حبيتي ياوايت لاتروحين للدرة لان ولادتك باذن الله راح تكون اليوم او بكرة والعلم عند الله لان اختي راحت المشفي الساعة ثلاث الفجر وكان فاتح 3سم وولدت الساعة 11 صباحا بس كان معاها طللق وانتي الثاني نفسها كانت حامل بالثاني يعني لاتخاطرين وتروحي والطلعة ان شاء الله تعوضينها بعد الاربعين يمكن يكون طلقك بارد عشان كذا ماتحسي بالم قوية

[الدلال والدلع]

المخملية ونوني مختفين اليوم لايكون سوها وتركونا

[white sugar]

الديماس الله يعينك انا ما اقدر كدا لازم اقلها قيلولة في العصر او الضهر
اما ازا اجلس طول اليوم كدا مادري ايش يجيني اهلوس

الدلع اصلا اتصلنا وكنسلنا الطلعة .. بالقوة رضي الادمي بلا فشكله زوجي يقله ابى ااجلها لانو مرتي حتولد وما نقدر نطلع
وهداك مدري ايش جلس يتفلسف بس لما اداه على راسه قال طيب
بس اللي محزني اخواني ههههههههه دي تاني مرة اكنسلهم الطلعة .. اول مرة وقت الغبار ودحين عشان الولادة

[white sugar]

اكيد دحين يدخلوا .. الخيانة غير مقبولة يا مخملية خخخخخخخخخخخ

وانتي الصادقة يمك دروبي وشذى ما شفناهم من يومين
بنات ادخلو وطمنونا عنكم

[أمـ عبدالله]

يااارب ياحي ياقيوم ارزقني فرح وسرور
يجعلني اسجد لك باكية

[الديماس]

ولدي ما يخليني احلم مجرد حلم اني انام الظهر او العصر الله يهديه قولوا ااااااااااااااااميييييييييييييييييييييييييين