سيدات ليبيا الحبيبات ..تفضلووو

[أم سعد]

اهلا بيك جوهرة كيف حالك وشن أخبارك واضح عندك بنوتين ربي يحفظهم لك

[جوهرة ليبيا]

ويحفظك ام سعد

اني وبنوتاتي ولله الحمد بخير

وسلمك نشاده

[هدية الخالق]

السلام عليكم ورحمة الله وبركاته
كيف حالكم كلكم
تعرفو زعلاااااااااااااانه منكم وواجعني خاطري قلتلكم يومها إني مضايقة وقلتلكم علي عرس اختي ما حد عبرني وخفف عليا ولا باركلي علي اختي إلا أتورة بارك الله فيها بالذات سوسو وجعتني منك رديتي علي جنوده واني كلامي تحت كلامها ما عدلتيش ولا علقتي عموما ما في شي يجي بالطلبة ورحم الله امري عرف قدر نفسه واني عرفت قدري عندكم من الاخيييييييير زايده ناقصه كلامي قليل من يعلق عليه ولما نغيب قلة قليلة اللي تفقدني وتسأل عليا واني اللي حاسبتكم خواتي وونيساتي في الغربه ونحكيلكم ونفضفضلكم لكن الله غالب حتي خاشة منفضفظلكم إني مكسده وعقلي مع ألعرس وكل شويه نفكر زعما شن الاجواء توا وشن يديروا لكن للاسف لقيت حتي كلامي الأول مش معلقين عليه قلت ليش بالله نكسرلهم في الراس وندوشلهم في دماغهم ما حد ناقصه ضيقة خلوق خلي نكمدها في داخلي وخلاص
سامحوني لو لهجتي قاسية شويه بس صدقوني ما نلوم إلا عالحبيب
سلااااااااام

[جوهرة ليبيا]

هدهوده ياغاليه والله عقلي وقلبي معاك حتي قلت لراجلي في وحده في النت عرس وخيتها ربي يصبرها

والله حاسه بشعورك وان هذا تاني عرس يفوتك وخصوصا انك محتاجه لتغيره جو بعد معرفتك بوفاة وخيك ربي يسكنه الفردوس الاعلي

وفضفضي ياغاليه حاسين بشعورك والبنات اكيد في بالهم بس نسوه

وبنسالك امبكري هي اي يوم حفلتها وخيتك بس قلت خلي المراه في حالها مسكينه انقلب عليها المواجع

وربي يباركلها وخيتك في حياتها ويرزقها الفرح والسعاده

ربي يخليكم ومايحرمكم من بعض واتشوفيها فرحانه ومرتاحه هي وكل عويلتك ياااااارب

<<<الكلام لي في قلبي كتبته اعذريني علي عدم التنسييييق

[جوهرة ليبيا]

مانو رقدت بعد الدوش ربي يحفظها انخش نرقد خيرلي

تصبحوا علي الف الف الف خيييييييييييير

والسلام عليكم

** أستودعكم بالله الذي لااتضيع ودائعه **

[اوشي]

السلام عليكم ورحمة الله وبركاته

[اوشي]

المشاركة الأصلية كتبت بواسطة هدية الخالق

السلام عليكم ورحمة الله وبركاته
كيف حالكم كلكم
تعرفو زعلاااااااااااااانه منكم وواجعني خاطري قلتلكم يومها إني مضايقة وقلتلكم علي عرس اختي ما حد عبرني وخفف عليا ولا باركلي علي اختي إلا أتورة بارك الله فيها بالذات سوسو وجعتني منك رديتي علي جنوده واني كلامي تحت كلامها ما عدلتيش ولا علقتي عموما ما في شي يجي بالطلبة ورحم الله امري عرف قدر نفسه واني عرفت قدري عندكم من الاخيييييييير زايده ناقصه كلامي قليل من يعلق عليه ولما نغيب قلة قليلة اللي تفقدني وتسأل عليا واني اللي حاسبتكم خواتي وونيساتي في الغربه ونحكيلكم ونفضفضلكم لكن الله غالب حتي خاشة منفضفظلكم إني مكسده وعقلي مع ألعرس وكل شويه نفكر زعما شن الاجواء توا وشن يديروا لكن للاسف لقيت حتي كلامي الأول مش معلقين عليه قلت ليش بالله نكسرلهم في الراس وندوشلهم في دماغهم ما حد ناقصه ضيقة خلوق خلي نكمدها في داخلي وخلاص
سامحوني لو لهجتي قاسية شويه بس صدقوني ما نلوم إلا عالحبيب
سلااااااااام

هلا هدهد ..

ماتزعليش يازعولة .. واكيد البنات مايبوش يقرو ويسيبوك غير تعليق وكيف ماقالت جيجي

انا عن نفسي دائما ندعيلك انت وكل البنات وخاصة المغتربات

ربي يهونها عليك وانت ماتزيديش علي روحك حاولي انك اديري لروحك جو

[اوشي]

كيف حالكن كلللللللللللللللللللللللكن ياحبيبات القلب

اثورة ... فروسة.. هدهد ... جيجي .. سوسو ... جنودة ... مامت فطومة ..

ام معاذ .. ام ورد .. ام نوزة ... ..

سامحوني كان نسيت حد .. هذا حد الذاكرة

[اوشي]

ام سعد ..

مرحبا بيك وانستي من جديد ومبروك الحمل وربي يتمملك علي خيروسلامة

انا جيت بعدك ماتعرفينيش وعموما تشرفت بمعرفتك

[fefe93]

السلام عليكم
كيف حالكم كلكم
سوسو
انشاء الله الشهر الجاي تحملي
هدهد
الف مبروك لاختك و انشاء الله ربي يهانيها
ام سعد
اهلا و سهلا بيك وربي يحفضلك صغارك و انشاء الله يكمل حملك علي خير
اتري و جيجي و اوشي
انشاء الله تكونوا بالف خير
وشكرا لكل من ادكرني المدة الي فاتت انشغلت شوية سامحوني
كان عندي موعد المدة الي فاتت و الدكتورة قالتلي كل شي كويس الحمد الله