تجمع سيدات ليبيا الغاليات..

[جوهرة ليبيا]

اصلا مبخرات ليبيا كلها من الخليج هذا ليش فيه تشابه

تو انصورها ونوريهالك حتي خدوها 12 جنيه بس بعد رمضان هههههههههه ومتينه حسيتها واختي خدت حتي هيا منها

[جوهرة ليبيا]

وليلتك اسعد

((تصبحوا علي الف الف خير ))
***************
**********
*****
**
*

[هدية الخالق]

السلام عليكم ورحمة الله وبركاته
صباح الفل وينك ياسوسو الكسولة اليوم فتحت التجمع اني

[هدية الخالق]

شموسة آنسيتنا أهلين وسهلين بيك من جديد ماتصدقيش قداش فرحت لما لقيت مشاركتك ماصدقتش عيوني نحسابه النوم مأثر عليا هههههههههه كيف حالك وكيف حال شموسة وعبسي والبيبي وألف لاباس عليك ان شاء الله بالشفاء
سوسو الحمد لله علي سلامة ولد عمك كيف حاله توا ان شاء الله أحسن
جيجي تسلم ايدياتك علي هالاكلات الحلوة ربي يحفظك لزوجك وبنياتك
فروسة كيف حالكم وكيف حال لولي توا ان شاء الله احسن
شن جو الحضانة ؟
اثري كيف حالك وحال عويلتك خيرك اليوم ماكتبتيلي شي؟؟زعما نسوة وإلا قسوة وإلا أنا في نظرك ماأسوى ههههههه

[هدية الخالق]

ام وسونة كيف حالك وكيف جال البنوتات وخصوصا الصغيرة ربي يحفظها ويعينك عليها
اوشي كيف حالك وكيف الصغار ودراستهم
امولة وجنودة وينكم وحشتونا ان شاء الله تكونوا بخير يارب
خولة ربي يعاونك والله ماعندي فكرة دوري طرقهم من قووووقل اكيد تحصلي ان شاء الله
ام معاد كيف حالك وكيف حال الصعار وكيف حال ام ورد جابت والا لا؟

[هدية الخالق]

تي كيف ياسوسو وينك لاتواهذا كله نوم الساعه10 ونص بالعادة انتي تنوضي بكري
اني عيوني ببتغمضوا خلاااااص وسوما راقدة ليها نص ساعه
طبعا رقدت بعد جهد جهييد عند بوها اني ماتبينيش قلتلها احسن ريحتيني هههههه سادني في النهار اني معاها في الليل دور بوها

[هدية الخالق]

جارتي البنقلاديشية اللي حكيتلكم مرة انها بتجيني جابت اليومين اللي فاتوا ولد بالعملية وامبارح طلعت من المستشفي
امس ماكانش عندي علم انها بتروح ماعبيتش بيها في العشي امشي كلمني راجلي قبل مايجي بشوية قالي حطيلهم شوية من عشانا وخلاص اني مدايرة مكرونة وطاجين حطيتلهم منهم واليوم درتلهم رز بلاو وشيش طاووق درته حاااار ومعبي بهارات علي خاطرهم جي يهبل وغضوة محتارة شن انديرلهم هوا الراجل قال لراجلي معاش تجيب احني نطيبوا لكن قلت يالله نديرلهم حتي غضوة ونكمل عالعالتلانة ايام وخلاص هيا مسكينة عملية واعر عليها غير بيحصل الراجل في التطيب

[هدية الخالق]

سلااااااام الليلة خلاص كلا اني معاش نشوف في الحروف زين وزيادة خاشة من التيليفون عيوني خلاص بيتسكروا
سلامات في امان الله

[dr.loly]

المشاركة الأصلية كتبت بواسطة جوهرة ليبيا

اصلا مبخرات ليبيا كلها من الخليج هذا ليش فيه تشابه

تو انصورها ونوريهالك حتي خدوها 12 جنيه بس بعد رمضان هههههههههه ومتينه حسيتها واختي خدت حتي هيا منها

جيجي عطك الخير من قال انك مش صادقــهبتصوري .. وقتي سعر بخار هــلكـ

به حصلوه ارخيص ..رخصن البخارات شكلهن والا انتم عندكم رخاص نحن ف بنغازي اقلها بخار ب 15
والزغيرونات ب 10 وهكـي ..

لان مره جت جارة هلي ولدها يجيب ف بضاعه م الصين وجايب من ضمنها بخارات

والحق تشكيله حلوة واغلبها ف سعر 10 الي 15
لذلك صدقيني اغلب بخارات من الصــين مش م الخليج..خخخخخخ اغلبهن اقلبي البخااار تلقي مكتوب عليه
made in china



ونا قت هذا بخاري البريطاني ووضحت اني شاريتــه من هنا لان بريطانيا معروفه ..مافهش جو هذا
لذلك قت من بيت العود والعنبر... منعا للخلط


وهو وبخار حامل المسك كانن أجمـل مافي المتجر,,


وسعره بالاسترلينــي .. يمكن يساوي اربع مرات السعر لي قتيــه..


هذا الفرق ف الاسعار لي ديما نحكي عليه .. بين هنا وبلادنــــا

[dr.loly]

اهلا هدوووووووو

اليوم ماعدينش

لولي جتها حراره وهك برده يستر الله هالايام عويلتي مش عارفه كنهم