ديوانية حوامل البحرين

[حروف عاشقة]

بخير الحمد الله نسأل عنكم :)

اهم شي تكونون صامدووون هههههههههههه

[rose soul]

سألت عنج العافية

اي لازم نقاوم لأخر نفس فينا..
يلا شنسوي...الحمدلله على كل حال
كل يوم قاعدة احس بقيمة الام اكثرررر

[حروف عاشقة]

ذكرتيني بأبوي كل ما يشوفنا نتألم يقول زين عشان تحسون بقيمتنا شلون تعبنا في تربيتكم
وهو صادق كل ما اشوف هل الآلام اقول الله يساعدهم امهاتنا الاول يقومون ويقعدون ويشيلون البيت وحملة ورى حملة ولا يتأفأفون وحنا اي ألم بسيط نصيح ههههههه دلاعة بنات هل الزمن :)

[rose soul]

ههههه
اي والله
بس بيني وبينج امهات اول عندهم قوة ما شاء الله عليهم
واكلهم غير عنا
مو احنا كله ناكل خرابيط هههه
من جذي مافينا شدة واقل شي جنه بنموت

[حروف عاشقة]

اي والله .. اكلنا غير اكلهم الحين كله خرابيط

الله يعينا ويسهل علينا

[rose soul]

ويسهل على الجميع يارب
يسهل عليهم اول شي النساة بعدين الولادة ههه
يلا خيتووو
انا اخليج الحين
لازم امشي الحين ...خبرج اليوم الجمعة...وتجمع الاهل
^_^

[حروف عاشقة]

اذنش معاش خيو معذورة ..
اصلا اني بعد بقوم الحين كلهم قاعدين يسولفون واني قاعده على الاب توب نشوكم بعدين :)

[حنين للماضي]

الله يكون في عونش اخت حروف
وعسى ربي يسهل عليش ان شاءالله ويخليهم ليش

تتوقعون متى يبين جنس الجنين اكيد؟؟؟

[الفتاة الذهبية]

المشاركة الأصلية كتبت بواسطة حنين للماضي

الله يكون في عونش اخت حروف
وعسى ربي يسهل عليش ان شاءالله ويخليهم ليش

تتوقعون متى يبين جنس الجنين اكيد؟؟؟

الله يسهل الولاده على الجميع يا رب

يبين جنس الجنين الخامس

انا الي اعرفهم معظمهم ما بان الا في السادس

لانه كلما يجيكون يطلع مسكر رجوله او مغاور عنهم

يعني في بعض الاطفال يعاندون الام شوي ويشوقونها

[الفتاة الذهبية]

بنوتات انا مطيحه في الصبار الهندي

وابي اعرف هل مضر للحامل اولا

لانه انا اذا تجيني لوعه اكل شي حامض انا مخليه لي صبار حق اللوعه لانه فيه حموضه