الجزء الثالث والعشرون
ناظر ليث عتاب وهو واقف من غير اي كلمه
ليث:عتااب البنيه رااحت ودك تتركها؟
عتاب التفت لليث:راح اتعاااود الحالها
ليث:للا ماهقوتي
عتاب:هي تدري ان الطريق الي رايحه فيه نهايته جبال ومابه اعربن اهناااك
قماد:يا خوووي البنيه تمشي وهي ماتدري وييين رااايحه ودموعها مغرقه وجهها شوف عيني وهي تدعس الشووك بطريقها من غير ماتنتبه
سكت عتاب وظل يناظرها وهي تبتعد وتبتعد
ليث توجه لفرسه ولحقها حاول معها لاكنها ظلت تمشي وماتعطيه فرصه يكمل حجيه لين ماحس انه غضبان عليها واخذيقولها ان طريقها ماهو بالطريق الصحيح
حااول وحااول وماقدر ورجع لجل ايشوف ان كان عتاب يقدر يعاااود بيها
لاكن عتاب سكت وظل واقف وحينها تركووه وراحو لجلستهم الي يجلسون فيها
تلاقت عيون قماد بعيون شوق وهو رايح يجلس وصدو اثنينتهم بالنظر لمكان ثاني
عبله:يا ويييلي راااح تتركوها تروووح لحااالها زيين وين ودها تروووح؟؟
ليث:راسها ياابس ومارضيت تعاااود هوو وش الي صااار لهم وش الي قلب حااالهم؟؟
سمع ليث صوت بكا راكان ودق قليبه
ليث:ودي اشوووف راكااان
عبله:اجييبه لك يا خووووي
ليث:للا ما ودي اياااه يطلع من المغاااره بعده صغير
مشى عتاب متوجه لاعلى الجبل وعينه كل شوي تلحق قوت الي صارت بعيييد وهو يتحرطم بخاطره ان هي وييين ودها تروووح
تلاقى بسعد الي كان واقف ويناظر لها وهي تبتعد
سعد:من الحرمه الي راااحت؟؟
عتاب وهو يعاااود يناظر ناحيتها:قووته
سعد:حرمتك؟
عتاب:كاااانت
سعد:طلقتها يا خووووي؟؟
سكت عتاب ومارد عليه
سعد:يا خوووي ووين تاركها تروووح انت طردتها؟
عتاب:للا هي بحالها راااحت
سعد:زيين وودك تتركها للا يا خوووي هذي حرمه ضعيييف والطريق الي هي ماااشيه فيها طريق خطيره وفيها كثير من وحووووش الجباااال
عتاب وهو يناظر بضيقه للصخور الي قدامه ولفراش سعد:وكاد تعاااود لحالها وييين ودها يعني تروووح وقماد وليث لحقوها مير هي عندت
سعد:لزوووم انت ياعتاااب اتعاااود فيها
عتاب:محس حااالي اني قااادر اعااااود بيها من عقب الحجي الي قلته لها ترااني يا خوووي اعتقدت انها نهبت الذهوب وهي كانت بديرتهم تنهب ذهوب الحريم ويومن رحلنا من الديره انشبت بحلوقنا وما رضيت تتركنا وش راااح يجي بخاااطرك على وحده تسوي كذا الا ان ودها شي كبير
سعد وهو يناظر عتاب:زيين وطلعت هي الي نهبت الذهوب؟
عتاب:للا
سعد:وما ودك اتعاااود بيها؟
عتاب:قلتلك ماقدر
سعد:اجل احاااااول انا معها
نزل سعد من على الجبل وطلب من قماد يعطيه الفرس ولحق بقوت
عبله:من ذا الرجاال؟
قماد وهو يناظرها بنظرات غريبه:رجاااال وش اترييييدي منه
عبله بابتسااامه:وليييه قاااعد لحاااله فوق الجبل حسبت انه رجال كبير
قماد:ايييه مير طلع رجال صغير ومزيوووون
عبله هزت اكتافها:مدري مخذت ببالي
تركها قماد وهو مبتسم ومشي لجهه ثانيه
وكانت شوق تناظرهم وتسمع حجيهم"وش ذي غيييره الله يااااخذك انت ووجهك
وقف سعد قوته واخذ يحاول معها لين ما اقنعها انها راااح تكون بحماااه هو وانه يوم راح يعاود لديرته رااح يامن لها مكان اما بديرته او باي ديره تريدها ورضيت بعدها قوت تعاود ومن وصلت راحت للمغاره ولزمتها وهي جالسه بمكان معزول وحاسه ان ضييقه كااابته على صدرها
خبر سعد عتاب بالي قاله لقوت وظل عتاب ساكت صارت بحمى رجال غيره حتى هو حس بضيقه مايدري كيف جته وزادت ضيقته اكثر
سعد خبر ليث وعتاب ان وده يعاود لديرته وبالاوله لزوم يعرف وش صاااير بالديره قبل لا يعاااود ليها وبعد وده يعرف وش صاااار للمها بديرة الشيخ ابو طايل قمااد قاله انه يوليه المهمه ذي وانه باذن الله باكر رااح يعااود بكل لعلوم الي يريدوها
جلست عبله قريب من قوت:ودج تظلي على هالحال يا خيه
قوت:اتركيييني تراااني موجوووعه كثييير
عبله:زييين انتهى كل شي لييه تضيقي على حااالج كذا... ترااانا ماتعودنا نشوووفج بالحااال ذا
قوته:مقدر مقدر ارجاااج تتركيني تراااني بالغصيبه رضيييت اعاااود
قامت عبله وتركتها وطلعت لخااارج المغاره
قربت شوق من البدور من بعد مانااام راكان وحطته قدامها كانت متمده وهي سرحااانه بفكرها
المكان صار هااادي من بعد لحركه الي كانت قوت تسويها وهي تامر وتجهز الغدا والعشى لهم
شوق اخذت تناظر للمكان وهي تفكر ان عبله من طلعت ماعاااودت يا ترا هي وييين راااحت؟؟
طلعت لخارج المغاره وشافت عتاب وليث جالسين سوا وكاد ان عبله راحت مع قماد لمكان... حست بالضيقه تعاااود ليها ورجعت للمغاره
ومر اليوم واليوم الي بعده وقماد بعده ماعاااود وسعد ينتظر على نااار
طلب ليث الي اضناه الشوق لراكان وام راكان من عتاب انه يدخل معه للمغاره لجل يشوف راكان
خبرت شوق البدور الي صارت تتضايق منه يوم يطلب الاذن لجل يشوف العيل
قامت وراحت وجلست قريب من قوت من الناحيه الثانيه
دخل عتاب وليث الي سارع ناحية راكان وشااله واخذ يحب بيديه ووجهه
عتاب عيونه لحالهن راحن للي احرمته النوم من يومين ..جالسه وبعد ملامح الحزن واضحه بوجهها
"انا وش سووويييت لها ما هقيييت من معرفتي لها ان يكووون زعلها كاااايد كذا..هي زعلااانه ولا وييييش"
التفتت البدور ناحية قوت:تجي نطلع للخارج
هزت قوت راسها وقامت معها
ليث كان وجهه ناحية راكان ومشغول معه اما عتاب فنظره تعلق فيها وهي تمر من جنبه من غير ماتناظر ناحيته.."للا للا هذي مهي بقوته ......ظل يناظر لطرف المغاره لين ماقام ليث وهو يشير له على ركان ان كان يريد يشوفه
بخارج المغاره كان قماد للتو واصل وهو ينادي على عبله وقوته وكان شايل صراير كبيره
عبله:وش ذا يا قماد؟
قماد:لقيت وانا جاي بالدرب تاجر يبيع على حمارته واشتريت كل الصرااار الي عنده
وناظر ناحية البدور:كوود يكون فيها ملابس لراكان
ابتسمت البدور ومشت بخطوات سريعه ناحيته ودها تشوف ان كان في ملابس لراكان
ترك قماد الصرارات على الارض وتوجه لاعلى الجبل عند سعد لجل يعطيه لعلوم كلها
كل وحده اخذت الملابس الي تحتاااج لها الا قوت الي جلست على صخره وما رضيت تشاركهن
كان عتاب يناظرها ويرجع يناظر البقيه حتى شوووق انضمت لهن واخذت تشوف وش يناااسبها
ابتسم وهو يتخيلها لو كانت مثل لاول وشلون كان ردة فعلها مع الثيبان كان بس يتخيلها واقفه وتصارخ عليهن وتقول للا هذا لي وهذا لي وذا مايجوووز لج وودي ذا لجل كذا ويمكن انها بالاخير تكوم على كل حاجه
التفت ناحيتها"لاكن هي ذالحيين وش بلاها ؟؟....ماهقيت انها تحس ولاتعطي للي صار اهميه اعتقدت انها تجاهل كل شي وتعاااود مثل ماكااانت...وشلووون يا عتاااب تعااود مثل ماكااانت انها تكون حرمتك؟؟
نفث عتاب نفسه والتفت طالع لاعلى الجبل يمكن انها يوم اتكون بعيد عن عينه ترجع على حالها الاولي
مشى وهو يحس انه افتقد صوتها وكل حاجه تسويها حتى هو يحس ان في شي مقيد كل حاجه كان يسويها كان دايم يتقصد ينقرشها ويخليها تجلس تصارخ عليه وتعاااتبه ....اشتاااق لخدودها الي تولع من كلمااته لكل شي فيها اشتاااق له"وش الي قاااعد يصير لي ...يا جهد البلا
باعلى الجبل كان سعد يرتج من الغضب للعلوم الي وصلته عن حال اخته
سعد:خسييييس والله انه خسييييس
فهم عتاب السالفه والتفت لسعد
عتاب:ياشييخ سعد الشيخ فهاااد رجال ابيض الوجه مير الي صااار
سعد وهو وااقف:وش الي قاااعد تقوله بعد كل الي جاها منه يقتل له رجال يعتقد انه هو الي قتلني ومن بعدها يطلق اختي ومن ثم يعرس هووو وده يقهرها للا وانا سعد اخو المها والله اني اطلع كل قهر خيتي من عينه ما حشمها من الاوله وجاي يقهره بالاخره
عتاب اخذ يقنع سعد انه يهدا ويحاول معه لجل يمنعه من انه يتهور باي شي يريد يسويه لين ماهدي سعد ورضي يجلس ووعده
سعد انهم معه وانهم ماراااح يتركونه لحاله لين ماتقر عينه بشوف اخته وكل شي يعاااود لاحسن حااال
على المسا طلعت شوق لخارج المغاره ولقيت ليث جالس عند باب المغاره لحاله والبقيه كانو فوق عند سعد باعلى الجبل
شوق:وش فيييك
التفت لها ليث :ودي بمي وملح الجرح الي بصدري بعده ينزف
شوق دورت بعيونها على عبله الي اعتقدت انها تكون قدام المغاره وقامت رايحه لجوا المغاره
شافتها البدور تدور على الملح:وش اتدورين عليه
شوق:الملح
البدور:لجل ويييش؟؟
شوق:الليث يريده وده يطهر الجرح الي بصدره بعده ينزف
البدور وهي تنزل راكان على فراشه:وعبله وييين عنده؟؟
شوق بضيق:للا مدري عنها وييين الله ياااخذ روحها
البدور ابتسمت وقااامت:لييه تدعي عليها؟
ارتبكت شوق:هااه للا انا ما ادعي عليها مير هي مدري وييين والرجال وده من يطهر جرحه انا مقوا اشوووف لجرووح
البدور:زين ظلي عند رااكان وانا اروح اودي الملح والمي
هزت شوق راسها بالموافقه وراحت ناحية راكان
طلعت البدور الي لبست لها ثوب من لثواب الجديده والي يناسب لحجمها الي رجع مثل لول ولافه شال بلونه وحاطه شوي من الكحل
شافته وهو متساند على الصخره وكاشف عن صدره وين الجرح وكان مغمض عيونه وده بغفوه قربت وجلست قريب منه وحطت الطاسه وغمست قطعة لقماش الصغيره في المي واو ل ما مدت بالقماشه على جرحه فتح عيونه ولثوااني كان يحاااول يستوعب من هي وعيونه رااافضه تصدق انها هي
ارتجف بعدها وقام بسرعه وااقف ملتفت عنها للجهه الثانيه رفعت نظرها ناحيته محتاااره وش فيييه
ليث:قووومي وعاااودي للمغاااره انا قااادر لحااالي اطهر الجرح
حست البدور بغضب يمتلكها وهي تناظره
البدور:ودك بعبله هي الي تداااوي الجرح؟؟؟؟
التفت ناحيتها وكانت عيونه منسحره من زينها بالثوب الجديد الي على مقاااسها قرب منها خطوه وهو يناظرها
ليث:انتي ودج تذبحييني؟؟
البدور:خايف اني اذبحك ...انا ماجيييت اذبحك كنت جااايه لجل اداااوي الجرح
ليث:اتركي الجرح الي تداوينه ...انا مقصدي الي ساكن اهنيا
واشار لقلبه
ليث:هووو الي ودج تذبحينه بقربج وانتي حره ومهب حلييلتن لي
اكتساها الخجل وهي تناظر بكل مكان لجل تبعد عينها عن عينه
البدور:وهي يووم انها تجلس تلااامسك بصدرك ما كنت تقووول شي
ليث:ليييه ما ودج تفهميين ...انتي الي جرحتي
البدور:وهي المداااويه
ابتسم ليث"هذي وش قصتها تكون غيراانه صحيح
ليث:زيين ان كااان ودج تداوييني ودي احتمل الوجع
جلس ليث الي كان يتمنى انها تقوم وتروح وتعتقه لله لاكنها قربت واخذت تداوي الجرح وهو روووحه تنزف من غير ماتدري ...اذبحته من قربها ومن لمسة ايديها
ليث:ترااني احترقت
البدور:ماااني بجمره
حبس انفاااسه ماوده يحجي معها اكثر من كذا لجل اتقوووم وتتركه لحاااله
كانت تطهر الجرح وعيونها على جروووحه الي كانت منها بالمره الي فاااتت
بعد ما انتهت لامست يدها لجرووح الي كانت من قبل وهي تمرر رووس اصابعها عليها
ليث:ودج تفتحي لجروووح كلها
ارتجفت البدور وسحبت يدها وقااامت:لزووم تخلي الطبيب يشوف الجرح او يكوييه لك
هز راااسه وهو يناظرها
ظلت تناظره اشوي ومن بعدها التفتت لجل اتروووح للمغاره داخل
بالصباح الباكر كان عتاب رايح للغدير وتفاجى بقوته جايه منه الي مشت مكمله طريقها من غير ماتلتفت ناحيته كان مقرر وهو يمشي بالطريق الي جايه منه انه يوقفها ويتحجى معها لاكنها مرت من جنبه وماقدر يحجي معها وش صااار للساني احس اني ابد مهب قااادر احجي معها
كمل طريقه وهو يحس بالضيقه تعاااود له
ظلو بعد يومين وهم يتفقو وش راااح يسوو لجل موضوووع سعد والشيخ فهاد واتفقو على كل شي وكان الحال على ماهو عليه كل يوم ضيقة عتاب تزييد وهو يفتقد لقوته الي يذكرها رغم انه يشوفها قدام عينه الا انه يحس انها انسااانه ثانيه
البدور بعد كانت تحترق من بعد ليث عنها وقررت بعدها انها لزووم تعاااود لديرتها
عتاب قرر انه اليوم ياخذ شوووق ومعه عبله لجل يعاااودو فيها لديرة اهل امها من بعد مادري انهم بعدهم ماعاااودو للديره
كان قماد جالس قدام المغاره من قبل مغااادرتهم طلعت شوق والتفت ناحيتها عتاب
عتاب:وييين عبله
شوق وهي تناظر ناحية قماد:عبله موجووعه من راااسها وتقووول انها ماتقدر تجي
عتاب:ايييه لزووم تكون معج حرمه لجل ابوووج يكوون باله مرتاااح لجلج
وكانو هم متفقين انهم يخبرو اهلها انها من بعد مارحلو قامت هي ولحقت فيهم وضيعت بالطريق ولقيها رجال وحرمته
شوق من غير ماتنتظر منه جواب:اجل اقووول لقوته يمكن هي تجي معي
وقبل لا تدخل المغاره وقفها عتاب وهمس لها انها تقول لها ان قماد هو الي راايح معها
وبكذا وافقت قوت انها تروووح معها
طلب عتاب من قماد انه ياخذ الحريم وينتظرونه باسفل الجبل واول ماشاف عتاب انهم ركبو خيولهم ومشو نااازلين من الجبل لحقهم وطلب من قماد يعاااود
كملو طريقهم من غير مايحجي حد منهم واتجهو لديرة اهل ام شووق كانو يوم يوقفو يتريحو تظل قوت ساكته وهي تناظر لتحت اما شووق فاخذت تبكي وهي تقول انها راااح تشتاااق لراكاان
شووق:يا ويييلي والله اني ماهقيييت اني راااح اشتاااق له
بعدها كملو طريقهم وكان عتاب يريد كسر الحاجز الي بينه وبين قوت وطلب منهم انهن يسابقنه للجبل الي قدامهم شوووق تسابقت معه اما قوت كانت تلحقهم بسرعه محدوده
طلعت البدور من المغاره وشافت ليث وقماد جالسيين
قام ليث:ترييدي شي يا ام راكاان
البدور وهي تنزل راسها:ودي اعااود لديرتي
ليث انصدم من الي قالته وظل واااقف يناظرها
ناظرته ورجعت تناظر لتحت قرب منها ووقف قبالها
ليث:انتو وانتو اهنيا قريب مني احس بالمووت وشلووون ودكم تبعدو عني
البدور:لزوووم اعاااود للديره ما ودي اظل اهنيا
ليث:زييين الي ترييديه خلي بالاوله عتاب يعاااود وانا اخذج للديره لحاالي
التفت عنها وطلع لاعلى الجبل
......................................
وصل عتاب وشوق وقوت لديره وتوجهت شووق بالحااال للبيت الي تدري ان امها وابوها فييه
شوق كانت تركض للبيت وتلقت لها امها واندفعت لاحضااانها وهي تبكي والام متفاااجئه وشلووون بنتها جت من الديره
من بعد ماضمتها وهديت شوووق اشوي
وشلووون جيييتي وم الرجال والحرمه الي معج واقفيين بالخااارج
شوق:يمه انتو ليييه رحتو عني وتركتوووني
الام:كان بالي مشغووول يابنيتي بالعمه وودي اصل لها بالسرعهمن بعد مادرييت انه بفراش الموووت وانتي يا بنيتي مارضيييتي تقووومي لجل كذا تركناااج
شوق:يمه انا من قمت ماصدقت انكم رحتو وتركتوني وبالحال ركبت فرسي وقلت لزووم الحق علييكو مير يمه انا ضيعت بالطريق ولولا الاجااود ذولا هم الي حمووني وخذووني معهم
الام وهي تخبط على صدرها:يا وييييلي وش اتقووولي انتي انجنييييتي يا بنت
شوق:كنت اعتقد يمه انكم يمكن تكووونو قريب من الديره
الام:وما خبرتي حد من الدييييره
شوق:للا يامه هم يعتقدو اني يمكن اكووون معكم مير انا يمه ضعت والحمدلله اني لقيت من يهتم بي
انصدمت الام حيييل واخذت تانبها وتعاتبها ومن بعدها قامت وضيفت قوت وعتاب الي استسمحو منها انهم لزوووم يمشو مستعجليين
الام :لزوووم تبقو وتااخذ جزاااتكم على الي سويتوووه لبنيتي
عتاب:حنا ما سوينا الا الواجب والحمدلله على سلاامة بنيتج وهالحيين ارخصيلنا قدامنا درب طويل
الام:مواااافقين خييير موافقييين خيير وجزاااكم الله خييير
راحو خارجين من الديره وعااودت شووق للبكا من بعد ماراااحو
الام :يا بنيتي حلفتج بالله انج تقولي لي انتي بخييير صحيح
شوق:اييه يا مه مير انا ابكي على عيل صغيير كان معنا حبييته يامه حيييل وهو صغييير حييل
ارتااحت الام وهي تسمع من شوق سوالف العيل وهي مش متخيله ان الي يصير ذا كان بالمغاره
خبرت بعدها الام االشيخ طايل عن بنيتهم وعاااتبها بالبدايه على الي سوته ومن بعدها قال لهم مايجيبو طاري انها سوت الي سوته لجل يجنبو انفسهم القال والقيل
رجع عتاب وقوت وهم ساكتيين من غير مايتكلمو سوا وذا الشي ضايق عتاااب كثير حاول بكم مره انه يفتح ثمه يحجي معها غير ان صدودها عنه منعه يتحجى
كانو بنصف الطريق يوم طلعو لهم قطاعين طرق والتفتو حواليهم وعتاب وقوته يناظرونهم متفاجئين
!! !!
!! !!
!! !!
05-20-2011, 07:42 PM
رد: (فرسان على جمر الغضى -للكاتبه وديمه العطى)
حبيبت حبيبي 
جديد منتدى ملتقى عضوات حوامل
العرض العادي
