تجمع حوامل سوريا-دردشة ورود سوريا-دردشة الغاليات

[أم ملاك ومالك]

هدوولة
أنتي كمان غايبة عسى المانع خير .. كيفك ياقطة ؟؟ يارب تكوني بخير .. وكيف أهلك ؟؟ يارب يكونوا بخير الله يحميلك هنا يارب .. وكيف البيبي يارب يكون بخير حبيبتي إن شاء الله بتشوفيه ع خير وبيكون كاملة الخلقة لا زيادة ولا نقصان بجاه الحبيب المصطفى يارب ويكون بار إلك ولابوه حبيبتي .. عادي الي عم يصير معك بيصير معي ع طول هاد سببو التفكير والقلق والعصبية حبيبتي حاولي ماتفكري كتير وريحي حالك بس يصير معك هيك غيري وضعيتك الي انتي فيه وحاولي تشربي مي ع دفعات صغيرة حبيبتي اذا بيجيكي مغض خفيف خدي باسكوبال هو آمن ع الحامل خديه كل مابتحسي بمغص آحسن من بنادول أنا وصفتلي هو دكتورة باول حملي وكل مابحس بمغص بأخدوه لاني المغص والتقلصات مو منيحة للجنين .. إن شاء الله تكوني بخير وصحة وعافية وتقومي بسلامة يارب .. اشتقتلك

مع كل الود
تحياتي (^_^)

[أم ملاك ومالك]

أم عائشة
عسى غيابك خير ..كيفك حبيبتي ؟؟ يارب تكوني بخير .. وكيف البيبيات يارب يكونوا بخير الله يحميهم ويسعدهم يارب وتفرحي فيهم ويكونوا بارين إلك ولابوهم .. بدنا صورهم هااااا هنا وأخواتهم كمان .. الله يسعدهم .. اشتقتلك

مع كل الود
تحياتي (^_^)

[أم ملاك ومالك]

عبورررة
عسى غيابك خير .. كيفك ياحلوة ؟؟ يارب تكوني بخير .. وكيفوا حمودة العسول يارب يكون بخير الله يحميه يارب وإن شاء الله ماعم يعذبك .. طمنيني عنك حبيبتي .. بدنا صور عم ننتظر هاااا .. اشتقتلك

مع كل الود
تحياتي (^_^)

[أم ملاك ومالك]

سيلا
حبيبتي كيفك ؟؟ يارب تكوني بخير .. الله بيعلم شقد بحبك وتأكدي بإذن الله راح تكون ولادتك سهلة حبيبتي ربنا كريم ومارح يضرك وانتي بالغربة وماعندك حدا إن شاء الله وأمانة أمانة أمانة برقبتك وهي عم حلفك وأمنك وحياة القرآن اذا بجي لعندك وبشيلك بعيوني حبيبتي نحن خوات بهل غربة والله العظيم عم احكي معك جد واذا جربي وشوفي صحيح مابتعرفيني بس والله العظيم عند كلمتي وزوجي بهيك مواقف ماعندوا مشكلة ابدا والله بجيكي ولو مشي حبيبتي الله يقومك بخير وسلامة يارب .. وبالنسبة لسؤالك عن رباعي الابعاد انه مو عملتوا الشهر الماضي حبيبتي وقت عملتوا ع اساس كنت اول السابع بس تفأجئت اني اول السادس ودكتورتي مخربطة بالحساب فلذلك كان البيبي كتير كتير ضعيف وزوجي صار يقلي شو جاي من الصومال هههههههههه وكانت المي حواليه قليلة والمشيمة عندي نازلة شوي فقالتلي الافضل تعيديه اول السابع لاني بيكون ملامحوا اوضح من شآن هيك وبطمن عليه اكتر .. الله يطمني ويطمنك ويطمن الجميع ع البيبيات ويارب هدولة تشوف البيبي وتفرح بشوفته .. الله يقومك بخير وسلامة حبيبتي

مع كل الود
تحياتي (^_^)

[أم ملاك ومالك]

زهرة سورية
كيفك ياحلوة ؟؟ يارب تكوني بخير طمنيني عنك وين غبتي خليكي ديما عم تنوري لتجمع حبيبتي .. اشتقتلك

مع كل الود
تحياتي (^_^)

[زهرة الحب]

مرحبا يابنات كيفكن وشو اخباركن هلأ سمعت انو في 12 انفجار بحلب بالفرقان وحلب الجديدة وسيف الدولة وصلاح الدين والحمدانية وانا قلبي متل النار لا فوق كل هاد كلهن خارج التغطية
اذا حدا بيعرف شو صار يقلي الله يوفقكن ماعندي دش لسا ماركبته والتلفونات مقطوعة والنت عم يقول عن انفجارات بس ماعم يقولوا شو صاير وقال كمان سيارات اسعاف صارت بكل شارع الله يستر يارب

[jorri sham]

بسم الله اﻷه يستر انشالله حبيبتي متل ماقلتيلي مبارح صار اليوم انشالله يكونو اهلك بالف خير انالله
ازا بدك فتحي نت كتبي قناة الجزيرة او عربية او اﻷخباريةرالسورية مباشر بيطلعلك هيك اعمل كنت زمان وطمنينا شو بصيييير معك

[jorri sham]

ام مﻵك يسلمو حبيبتي ع ردك ﻵ ابدا بلعكس عطيتيني فايده ونصيحه ونحن هون منتعلم من بعض عادي
بدي كل يوم حاكي ولع هيك متل ماقلتي ماشالله ع بنتك الله يحمبها ويجليلها يترب


شام صحه ع الﻷكل والله جايه اتعشى معك جعت جوزي ماكان يجي ههههه

وام مﻵك صحه ع لمعكرونة

[شام الهوى]

المشاركة الأصلية كتبت بواسطة زهرة الحب

مرحبا يابنات كيفكن وشو اخباركن هلأ سمعت انو في 12 انفجار بحلب بالفرقان وحلب الجديدة وسيف الدولة وصلاح الدين والحمدانية وانا قلبي متل النار لا فوق كل هاد كلهن خارج التغطية
اذا حدا بيعرف شو صار يقلي الله يوفقكن ماعندي دش لسا ماركبته والتلفونات مقطوعة والنت عم يقول عن انفجارات بس ماعم يقولوا شو صاير وقال كمان سيارات اسعاف صارت بكل شارع الله يستر يارب

يا قلبي عليهن الله يحميهم بتعرفي خوالي بصلاح الدين وكمان بالحمدانية وسيف الدولة الله يستر يارب

[silla]

حبيبتي زهرة طمنينا عن اهلك والله قلقت معك ... الله يطمن قلبك وبالك عليهن يارب عاجلا غير اجل
يارب دخيلك يكونو بخير ....
الله يخليك اول ماتتواصلي معن وتتطمني عليهن خبرينا