هنا تجمع حوامل الشهر (الرابع والخامس والسادس)

نـــــــارا · 05-04-2010, 09:58 AM

شلونكم حوامل... انا توني دخلت الرابع

صار لي يومين الوحام موقف وقلت الحمد لله خلصت
أمس رد علي الوحام والترجيع!! أف!! الغريب أني رجعت بالليل العشا والغذا!!! الغذاء ما انهضم بالمرة!

أحياناً يعورني قلبي على البيبي كله احسه جوعان وما ياكل لأني ما آكل وايد وتلوع جبدي من كل شي! وبعد ترجيع

لا بستوك ولا ليمون ولا موز ولا شي.. كل شي في الدنيا يخليني أرجع!

angel_nanour · 05-04-2010, 11:59 AM

نارا .. الترجيع بعد الثالث يصير يروح و يجي انتي مثلي .. مافي شي نفع معي ..
جربي خذي الدواء حق الترجيع اللي تكتبلك ياه الدكتوره و اعتقد انه الدواء اللي يوقف الترجيع يفتح الشهيه و يخليكي تاكلي و يخلي البيبي يشبع اكل

ام عبودي 615 · 05-04-2010, 12:20 PM

الله يعينكم جربتو الزنجبيل اشربوه الصبح اول ماتصحون والعصر جدا ساعدني وخفف الوحم

angel_nanour · 05-04-2010, 12:43 PM

زنجبييييييييييل ؟؟؟؟؟
بس يقولون الزنجبيل حامي على الطفل ... الوالده اللي تشربه علشان يسهل النفاس عليها ..؟؟؟
لا تكثري منه والله انه يسرع الولاده و يسهل خروج الدم

angel_nanour · 05-04-2010, 08:56 PM

LooLoo ... وينك مختفيه
لك وحشه ,, طمنينا عنك ياريت قريب

عسولة زمانها · 05-06-2010, 02:01 AM

يعطيكي الف عافيه انجل بجد من اليوم الصبح بديت احس بثقل والدوخه بدات ترجع غير المغص كانو سكين فجاه يجي ويروح حسبت الوحم رجع و كنت شايله هم ودحين قريت كلامك وارتحت والحمد لله اطمنت ع النونو ويارب تكون هيا دي الاسباب بس الثقل

بيخليني اروح الحمام كل شويااا <-- احراج بس اكيد بيصير مع الكل مشاءالله مع كبر النونو شكلو بيضغط ع المثانه وكرامتكم .. صح ؟
الله يهون علينا

LOOLOO · 05-07-2010, 10:34 PM

اقتباس:

المشاركة الأصلية كتبت بواسطة angel_nanour

LooLoo ... وينك مختفيه
لك وحشه ,, طمنينا عنك ياريت قريب

وانااااا كماان اشتقتلك كيفك ؟؟؟وش اخبارك وكيف البيبي؟؟؟ عساه مايتعبك والله انا مثل ماعلمتك رحت الريااض عندك والسيووول لاحقتني بجده وبالرياااض اهلي يضحكون علي يقولون جااايبه سيول جده معااك بس من جد جوو خيااااااااال

انتي وين سااكنه باي حي<<<<تمون

راضيه بالواقع · 05-04-2010, 09:09 PM

السلام عليكم اخواتي الحبيبات

انا حامل بالشهر الرابع توني داخلته وولادتي ان شاء الله 13\11

ادعولي ان يرزقني الله بالولد الصالح كامل الخلق والخلقه وييسر حمله وولادته
بحاجه لدعواتكن لاني مره تعبانه وانا ام ل3 بنات الله يحفظهن وعندي نزول بالمسشيمه ونقص كالسيوم والحمدلله بالرخاء والشده

حزن الزمان · 05-04-2010, 09:22 PM

هلا كروشات يسعدني انظم لكم أنا بالرابع موعد الولادة 3/11 م
يارب يرزقنا ويقومنا بالسلامة ........

angel_nanour · 05-05-2010, 11:41 AM

راضيه بالواقع .. الله يكون معك يااارب و يسهل حملك و ولادتك و يرزقك ربي مثل ما تبغين ولد جميل الخُلق و الخًلق سليم معافي من غير زياده ولا نقصان يارب امييين

حزن الزمان ... اهلا و سهلا فيكي في المنتدى و في تجمعنا و في الرابع :)