تجمع حوامل سوريا-دردشة ورود سوريا-دردشة الغاليات

[زهرة الحب]

آمين يارب ترجع متل ماكانت واحسن
هههههههه لا عم اطبخ امبارحة عم انتقل والبيت قايم وقاعد ولحقت صينيتين بطاطا بالفروج بالفرن
كتير طيبات تفضلي

[jorri sham]

صحه وهنا على الدجاج والبطاطا بالفرن

والله يعينك ع نلقة لوين نتقلتي .

[jorri sham]

هدوولة وسرووءة على ئلبكن ياارب وو صلو بوساتكم ليزوونة تسلموولي ياارب ..

[jorri sham]

هدديل اي جربيها كتير لزيزة .. بس برجر كنج كتير طيب في ناس كتير بتحبوو ناس لا ..

[jorri sham]

زهرتي حبيبتي يزن تماام بخير
الله يخليكي ويخليلك اهلك يارب اي والله بتسلى عندن كتير . .

[jorri sham]

صحي زهرة مبرووك النقلة والله يجعلو اية الرزق عليه ويعطيكي الف عافيه
هلئ نتبهت ع الرد انك انتقلتي ع بيت لي جنبكن وكمان انا نسيانة انو بدك تنقلي على البيت لي جنبك هههه سووري محشششششة انا ههههههه

[jorri sham]

انا ليووم قشطت بيتي قشطة ظريفة بس بالاخر انكسر ظهرييي
فكيت الجلايل وغسلتن من الغباار وزحت الكنبايات وشطفت البيت كلوو وعدت ترتيب خزانتي انا وجووزي ..
وطبخت كبسة دجاج بالزبييب يميي بتشهي ..
انتو شو عاملينن ؟؟؟

[سرووءة]

كيفكم بنااات
زهرة مبروكة النقلة
انشالله بتشوفو عوجهو الخير يارب
ويعطيكي العافية عالبطاطا بالفروج صحة وهنا
انا طبخت مبارح سمك مقلي وبطاطامقلية

جوري الف صحة وهنا عالكبسة
ويعطيكي العافية
انا هاليومين راح ابدا اعمل تنضييف كاما لبيتي
لام حماتي جاي اخر الاسبوع
بس انشالله اقدر لحق من جود خانم

[أم ملاك ومالك]

سيلا
كيفك ياعسل وكيف كرومة ؟؟ يارب تكونوا بخير .. إن شاء الله خلصتي تجهيزات الله يقومك بخير وسلامة وتفرحي بشوفة كرومة ويلبسهم بالعافية يارب .. يلا صوريهم ونزليهم خلينا نتبادل الافكار ياقلبي .. بالنسبة لرباعي الابعاد اناعملتوا الشهر الماضي ع اساس كنت بداية السابع ههههههه بس طلعت دكتورتي مخربطة فراح اعملوا هاد الشهر وقالتلي دكتورة الاشعة أنه احسن فترة هي بداية السابع وبتعطيكي صور وسيدي .. إن شاء الله بتشوفي كرومة وبيفرح قلبك حبيبتي .. طمنيني بس تعمليها .. اشتقتلك

هايدي
وين هل غيبة حبيبتي عسى المانع خير ؟؟ ويارب تكوني انتي وهنودة بخير الله يسعدك ويوفقك بامتحاناتك يارب ويسر ولادتك يارب وتولدي عند أمك يارب .. الله يسعدك حبيبتي ويحميكم بجاه الحبيب المصطفى .. اشتقتلك

رنوومة
أنتي كمان صرلك فترة غايبة عنا ياقمرعسى المانع خير يارب ؟؟ كيفك وكيف بنوتاتك الله يحميكم يارب ويبعد عنكم كل شر .. اشتقتلك

وردة سورية
نورتي التجمع عن جديد حبيبتي الله يحميكم يارب وإن شاء الله تكونوا بخير وترجعي لعند زوجك بخير وسلامة يارب .. اشتقتلك

زهرة الحب
كيفك ياقلبي ؟؟ يارب تكونوا بخير والله يحميكي انتي وزوجك يارب ولايفرقكم عن بعض حبيبتي وإن شاء الله تروحي لعند أهلك بخير وسلامة وألف مبروك النقلة إن شاء الله تكون وجه خير عليكم وتطلعي الشهر الجاي حامل بإذن الله .. اشتقتلك

جوري الشام
كيفك حبيبتي ؟؟ وكيف يزونة العسل ؟؟ يارب تكونوا بخير ..أبوسوا انا ماشاء الله الله يحميه هالامور .. الله يسعدك يارب ويعطيكي مراد قلبك طمنيني رحتي ع الدكتورة وشو صار معك ؟؟ الله يخليلك أهلك ومايحرمك منه أبدا" يارب ياكريم وصحة وهنا يارب .. ديما" بتنسيني هههه عم امزح معلش ماشاءالله صرنا كتار ..اشتقتلك

وردة حلب
كيفك ياعسل ؟؟ يارب تكوني بخير .. وماشاء الله عليكي الله يسعدك يارب وأكيد دايما" وجهك أبيض حبيبتي الله يعطيكي ألف عافية .. وماشاء الله ع هل القطاقيط إلي عندك الله يحميلك هنا يارب ويسعدهم ويبعتلهم أيام حلوة متلهم يارب .. اشتقتلك

شام الهوى
كيفك ياعسل ؟؟ يارب تكوني بخير .. بسم الله وماشاء الله الله يحميلك هنا يارب بس احترت اي واحد بدي اعملوا صهري بيمشي الحال ال2 هههه بس بنوتك الله مصلي ع النبي عليه افضل الصلاة والسلام ماشاء الله الحجاب لابقلها كتير .. هي بتتحجب ولا بس بالصورة هي حبيبتي الله يسعدهم يارب ويبعتلهم أيام حلوة يارب .. اشتقتلك

سروءة
كيفك ياقلبي ؟؟ يارب تكوني بخير .. وكيفها الامورة جود؟؟ يارب تكون بخير .. ابوسها انا ما الذها يلا بدنا صور جديدة إلها الله يحميها يارب .. اشتقتلك

هدوولة
كيفك ياقطة ؟؟ يارب تكوني بخير .. وكيف أهلك ؟؟ يارب يكونوا بخير الله يحميلك هنا يارب .. وكيف البيبي يارب يكون بخير حبيبتي إن شاء الله بتشوفيه ع خير وبيكون كاملة الخلقة لا زيادة ولا نقصان بجاه الحبيب المصطفى يارب ويكون بار إلك ولابوه حبيبتي .. عادي الي عم يصير معك بيصير معي ع طول هاد سببو التفكير والقلق والعصبية حبيبتي حاولي ماتفكري كتير وريحي حالك بس يصير معك هيك غيري وضعيتك الي انتي فيه وحاولي تشربي مي ع دفعات صغيرة حبيبتي اذا بيجيكي مغض خفيف خدي باسكوبال هو آمن ع الحامل خديه كل مابتحسي بمغص آحسن من بنادول أنا وصفتلي هو دكتورة باول حملي وكل مابحس بمغص بأخدوه لاني المغص والتقلصات مو منيحة للجنين .. إن شاء الله تكوني بخير وصحة وعافية وتقومي بسلامة يارب .. اشتقتلك

أم عائشة
كيفك حبيبتي ؟؟ يارب تكوني بخير .. وكيف البيبيات يارب يكونوا بخير الله يحميهم ويسعدهم يارب وتفرحي فيهم ويكونوا بارين إلك ولابوهم .. بدنا صورهم هااااا هنا وأخواتهم كمان .. الله يسعدهم .. اشتقتلك

عبورررة
كيفك ياحلوة ؟؟ يارب تكوني بخير .. وكيفوا حمودة العسول يارب يكون بخير الله يحميه يارب وإن شاء الله ماعم يعذبك .. طمنيني عنك حبيبتي .. بدنا صور عم ننتظر هاااا .. اشتقتلك

زهرة سورية
كيفك ياحلوة ؟؟ يارب تكوني بخير طمنيني عنك وين غبتي خليكي ديما عم تنوري لتجمع حبيبتي .. اشتقتلك

مع كل الود
تحياتي (^_*)

[وردة حلب]

سلام يا حلوات

مشغوووووووووووووووولة كتير بس دخلت اطل عليكم واطمن

جاييني ضيوف على غفلة ما دريت فيهم الا الصبح ورح يوصلو المغرب اتخيلو اهىء اهىء
عاد ابشركم انا دكتوراة في استقبال ضيوف الغفلة ههههههههههههههههه
الله يهديه جوزي كتير بيحب الضيوف وانا دوبي الحق
عم برتب البيت وجهزة اطبخ فريكة ورز وملوخية والمقبلات متبل وكبة نية وسلطة
ومحمد المزعج ماعم يسكت
ادعولي الحق وما يسود وجهي قدام الجماعة اول مرة بيزورونا
وبوساتي الكن كلكن