ديوانية حوامل البحرين

[حروف عاشقة]

يا هلا أم حماني

الله يعينش ما بقى عليش شي راح الوااايد وظل القليل الله يسر ليش ويسهل عليش يا رب وتشيلين حماني على أيدش ويتربى في عزش وعز أبووه ..

على النفخ إلي صاير معاش احس اني الحين قاعد يبدي فيني اشوف عروق حمرة في رجولي هذه هي البداية يعني ؟

[أم حماني]

ماظن يصير بالشهر الرابع ... انا توه مبتدي علي وانا بالثامن وممكن بالسابع ... اختي لاتسكتين عن نفسج يمكن هذي دوالي .. بس ممكن اعرف هل هذا اول حمل لج ..؟

[حروف عاشقة]

لا خيوو هذه ثالث حمل لي .. بس ابد ما حصل لي في حملاتي السابقه مثل الحين يمكن من الثقل بدى علي من الحين ؟؟

[أم حماني]

المشاركة الأصلية كتبت بواسطة حروف عاشقة

لا خيوو هذه ثالث حمل لي .. بس ابد ما حصل لي في حملاتي السابقه مثل الحين يمكن من الثقل بدى علي من الحين ؟؟

زين هل اني من النوع الي يوقف ويمشي وايد ... ؟؟ اذا رحتي موعدج هالمره قولي لهم وان شاء الله مافيج الا العافيه

[حروف عاشقة]

على الحركة ما يحتاج شقتي في ثالث طابق يا نازله يا راكبة يالله الحمد الله على كل حال وإن شاء الله اشوف الدكتورة بعد كم يوم لانه عندي موعد تاريخ 4\8 وأسألها صراحة خفت لما قلتي دوالي

[أم حماني]

حبيبتي انا مااابي اخوفج بس الوحدة لازم تحتااااط ... واذا الامر في بدايته يسهل معالجته بس اذا غفلنا عنه بيزيد وبتتعقد المشكله ... ان شاء الله ماتطلع دوالي والله يعينج على التعب في شقتج ومع الصغار الله يخليهم لج ان شاء الله

[حروف عاشقة]

معاش حق خيو وإن شاء الله ما يصير إلا الخير .. برب صلاة وراجعين إن شاء الله

ونسيت ابارك لكم بيوم الجمعة (( جمعة مباركة على الجميع إن شاء الله ))

[rose soul]

السلام عليكم جميعا

[حروف عاشقة]

عليكم السلام والرحمة

شخبارش انتين وشخبار الحمل وياش ؟

[rose soul]

الحمد لله مازلنا مقاومون هههه
وانتي شخبارج؟؟