دردشة حوامل أهل الخرج - دردشة بنات الخرج - تجمع حوامل الخرج

[حجابي عفافي]

السلام عليكم بنات انا من اهل الخرج وان شا الله ابي اولد عند اهلي لاني متزوجه بعرعر ابي أسألكم سؤال لازم افتح ملف حمل عشان اولد بمستشفى الملك خالد ولا بدون ملف ردو علي عشان اخذ احتياطاتي
ومشـــــــــكـــــــــوريـــــــن
وجزاكم الله خير

[اسومه القموره]

حجابي عفافي ماعندي خلفيه ياعمري انشاء الله الصبايا يفيدونك

[عاشقه الجنان]

مو لازم ملف ياقلبي بلخالديه بس اخذي صوره لملفك اللي بعرعر ووديه معاك وبطاقه العائله بس لان يشوفون كل شي مايبهذلونك من جديد

[ام علاوي99]

مراحب بنااااااااااااااااااات
وحشتوني ياحبي لكم ولسواليفكم
لطوووووووووووف ههههههههههه والله تخيلت شكلك مسجونه ومربطه بسلاسل
خخخخخخخخ بسم الله عليك وسعي صدرك وخلي ابوك او اخوك معك يعطيهم بطاقته مو لازم زوجك
ومن ناحيه تطلعين صدرك لين جيتي ترضعين حطي جلال او طرحه او اي شي ومايشووفوه انا من بكريتي لين ولدي 3 ولاعمري رضعت لو عند امي الا لفه على صدري
حجابي حياتي عادي ادخلي عن طريق الطواري بس اهم شي ملفك اللي تابعتي فيه حملك لازم يكون معك عشان يعرفون وضعك
الله يسهل عليكم يارب وتولدون بسلامه

[دلوعة سعد]

اهلين صبايا كيفكم تمام .......ابشركم انا تمام ورحت مع زوجي للشرقيه وريحت عمري بالسياره والحمدالله ما تعبت ولا شي ...جلسنا اربعا والخميس والجمعه العصر رجعنا وناااااااااااااااسه


عاشقة الجنان قصدك التهابات بالمهبل ...انا كان في وعطتني عبير تحاميل 3ايام والحمدالله بعدها تمام

لطوف حياتي توكلي على الله واذا حسيتي بشي ابوك معك ..حمواتي يجون عندنا وابوهن يدخلهن ويطلعهن بدون وجود ازواجهن خلاص خذي معك كرت العايله وابوك معه كرت العايله حقه ولا يصير فيها سجن ولا شي ...بس ريحي حالك ولا تتعبي نفسك بالتفكير الله يسهل عليك يارب وعلينا جميعاً
وسالفة الرضاعه ههههههههه والله حتى انا مقلقتني احسها فشله قدام اهلي

حجابي عفافي حياك الله ..حبيبتي تعالي عن طريق الطواري

[دلوعة سعد]

بنات على طاري الرضاعه ...بصراحه انا ودي ارضع طبيعي بس يقولون انك تتأخري ما تدري هذا صحيح او لا ؟؟؟؟؟
متى البكر تدر

وانتم وش تحبو الرضاعه الطبيعيه وا الصناعيه ؟؟؟؟؟؟؟

[ام علاوي99]

هلا والله دلوووعه الحمد الله على سلامتك
اليومين الاولين مايدر الحليب على طول بس حاولي الطفل يرضعه لو مايطلع شي بس يساعد في در الحليب
بنات اخباركم
اسومه وينك وش اخبارك
الله يحفظ ام فهد معاد طلت علينا

[اسومه القموره]

هلا انا طيبه ولله الحمد عندي مراجعه الثلاثاء يابنات وخاااااااااااايفه من اللحين،، نفسي اعرف وش معايه بنت او ولد.. كروشات انا نزل صدري حليب ومررره مقلقني الموضوع طبيعي هالشي والا لا؟؟ تخيلو اقول لزوجي بيخلص الحليب قبل مايجي النونو فطسسس يضحك علي ::
دلوووووووعه الحمد لله على سلامتك ..عاشقة الجنان كيفك وكيف النونو .. ام علاوي شنو اخبارك ياعسل وماشاء الله كم عندك عيال؟؟

[ام علاوي99]

هلابك اسومه عادي الب يطلع من صدرك بس حافظي على نظافته
انا عندي الحين ولد وبنت وقدماتت بنتي البكر الله يجعلها شفيعه لي ولبوها

[عاشقه الجنان]

بساللكم تكفوووووووووووون انا حامل على دخول الشهر الثالث ماحس شي ببطني ثقيل والله اني خايفه متى احس فيه احد نفسي بس الماغص ذبحني طمنوني الله يطمنكم