دردشة بنات مصر , دردشة حوامل مصر , تجمع بنات مصر

[om arwa]

محدش صحى ؟؟؟؟؟؟؟؟

[رنا خالد]

ابدا ياسما مضايقه شويه
اتخانقنا انا وجوزي ده غير الاحداث اللي بتحصل في البلد
الواحد بقي عنده حالة من الضيق رهيبه مابتنتهيش
حتي النهارده الصبح احمد صالحني وكنت فاكره اني المفروض انبسط
بس برضه لسه مضايقه
انا بدأت اكره التليفزيون والاحداث والمشاكل والموت
صعبان عليا اوي حال البلد واللي بيحصل
يارب اخرتها ايه بقي
انا بقيت اخاف انزل حتي ولو تحت البيت
وخايفه علي اخواتي البنات
وعلي كل الناس اللي اعرفها
واللي معرفهاش كمان والله
ربنا يستر بقي
مبقاش في امان خالص
امتي نهدي والحاله الامنيه تستقر
امتييييييييييييييييييييييييي

[رنا خالد]

بما اني بكلم نفسي فأخش انام احسن بقي

[malak ahmed]

رنا هوني علي نفسك يا حبيبتي هو الموضوع صعب ايوة بس ادينا صابرين لما نشوف هترسي علي ايه .. ربنا يفك كربك يارب


مين هنا يا بنات ؟؟

[malak ahmed]

انا زعلانه اوووووووووووووووووى امبارح اختي عملت الاشعه لبنتها والدكتور قالها ان الثقب في البطين مش الاذين وعشان كده الموضوع هيطول معاها مش لغايه 3 شهور زي ما كان متوقع بيقولها لعمر سنه وتحافظ عليها اووووووى من نزلات البرد وخصوصا الكحه لان ده هيخلي الموضوع يطول اكتر

يارب يشفيها يارب عاجل غير اجل شفاء لا يغادر سقمااااااااااا

[نيهال]

الله يشفيها يا رب و تشوفوها عروسه بالفستان الابيض امين يا رب

يا رنا انا كمان صاير فيني هيك حاسه حالي رح اختنق عم خانق زوجي بدون اسباب بس زوجي و الحمد لله عم يتفهم وضعي و عم يبعد عني لما بكون متوتره امس من الصبح لليوم الفجر و انا عم ابكي حتى مرضت من كتر الزعل قال بهل يومين بدون يقصفوا مدينة حماة اهلي فيها الله يسرنا يا رب

[نيهال]

و تخيلوا قال الشباب يلي عم يهربوا من الامن حتى يطلعو مظاهرات هربوا من بيوتهم صار الشارع مقواهم زوج بنت خالتي هربان من الامن لانه عم يقاتل مع الجيش الحر من يومين هجموا على بيت خالتي الامن بدون زوجته او اولاده خالتي اخدت بنتها و هربت باعجوبه

[malak ahmed]

ربنا يخليكي يا نيهال تسلمي يارب

ربنا ينصركم انا واحده قريبتي متجوزة في سوريا من واحد سوري الجنسيه وخايفه علي بناتها اوى ومامتها بتقولها تعالي اقعدي في مصر علي ما الامور تهدي بس مينفعش عشان مدارس البنات وكده .... هي بتقول انها بعيده شويه عن الاحداث اللي بتحصل متهيالي عايشه في طرطوس

كل يوم بشوف ف التلفزيون الاخبار والقصف والجرحي في سوريا اعصابي بتتعب اوى ,, ربنا ينجيكم وينصركم ويحمي شبابكم وينجي كل البلاد العربيه

[نيهال]

امين يا اختي طرطوس امان شوي احسن من حماة و حمص الله يحمي هل عالم والله النظام يلي عنا كافر الله ينتقم منه انا خلاص تعبت نفصيتي على شان هيك زوجي بدو ياخدني العمره الشهر يلي جايه ان شاء الله

[ام منة المصرية]

بسم الله اولا السلام عليكم اخواتى اختكم ام منة المصرية يسعدنى انى انضم لمنتداكم الغالى اذا سمحتولى والله اسالكم الدعاء لمصرنا حفظها الله واعاد لها امنها ولسوريا الحرة اللهم انصر الاسلام واعز المسلمين واحفظ شباب وبنات المسلمين وامنا فى بلادنا وولى علىينا من يصلح واصلح به حال البلاد والعباد وارفع عنا البلاء انك على كل شيئ قدير