تجمع حوامل سوريا-دردشة ورود سوريا-دردشة الغاليات

[رنووومة]

هدولة يا قلبي كيفك ويبدوا اني نسيتك مع اني ضليت افكر مشان ما انسى حداااا ههه بيعن الله مخي عايف حاله من قلة النوم

طمنيني عنك وكيف الحمل ان شاء الله الوحام خف وسيلا كيفها كمان نسيتها ههههههه يبدوا عم نحشش جايكي الدور عنجد انا بشتهي انااااااام ولو ساعة متواصلة ما في نووووم بعد اليوم ما في نوم

الله يتمملك على خير يا قلبي ولكل الحوامل ويرزق كل المشتهين

[ميآر [ مهند حيآتي ]]

مسا الخير ع الصبايا ..

كيفكن يا حلوات ...

الله يعينكن رح اكتبلكن جريدة ههه

هدولة :يا عمري انتي الحمد لله ع رجعتك ع التجمع بالسلامة

كيفك وكيف الحمل ...؟

لا والله ما عملت السلطة ولهلا نفسي فيها ...

هلأ بخبرك بتطورات الامور معي بس خلينا نسأل عن الصبايا ...


رنومة : كيفك يا حلوة والحمد لله ع السلامة ...

كيفهن الاميرات .. نشالله بخير ...

كيفهن مع لولو ... ما خبرتينا كيف عم يتعاملو معها ..يعني حبوها ^^

واذا كان ع النوم يا ستي الام وهي حامل وبعد ما بتولد لازم تودع كلمة نوم


سيلا : كيفك يا حلوة وكيف الحمل معاكي ....

شتئتلك كتير كتير

جوري : كيفك وكيف يزونة ... بوساتي الكن انتو التنين ^^

بسيطة اذا كان ع المي الانسان بيتحمل ههه

زهرة & وردة كيفكن اليوم ... شو اخر اخباركن ... الله يرزقكن الحمل عن قريب

آمين يا رب العالمين ..

أم ملاك: وينك يا قمر كيفك وكيف ملوكة يخزي العين عنها ...

بانو : نورتي التجمع يا غالية الله يكون معك ويسهلك حملك يا رب...

سروءة يا قمر كيفك ... شو اخبار جود ...


وهلأ بيجي دور الثرثرة هههه

بداية انا اليوم عملت مجدرة وهلا عملت كيك بس ما عرفت كيف رح نزل الصور عم دور

وبعد شوي نشالله بنزلهن ..

بالنسبة للي عم يصير معي انو انا هلا عم مر بمرحلة صعبة ومهما حاولت ما عم يمشي الحال

أنا امي ما بكون معها لطيفة اد ما عم كون مع حماتي وزوجي ...

الي كم يوم انا وابو الشباب ما عم نحكي متل اول انا كتير زعلانة منو ...

وبآخر موعد مع الدكتورة ما اخدتو معي ليشوف هنودة لحتى يعرف اديش زعلانة ...


كل يوم عم يروح لعند اهلو ما بيرجع لوقت النوم ...

انا هيك اريحلي ... بصراحة لان تعبت من الجدل ...

وكلو ع حساب اعصابي وصحة جنيني ...

الله يهديه ويهديها المفروض هيي تكون اكتر انسانة بتحس فيني لانها كانت ام من قبل ما كون

الله يهدي الجميع ...

اليوم تحممت ولفيت شعراتي وعملت الاكل ودرست شوي وهلا معكن احلى خوات ...

[hadeel al rouh]

ههههههه حبيبتي ولايهمك والله حاسة فيكي ومقدرة وضعك الله يعينك ياقلبي ويسلملك لولو شكلها عبتعذبك
اي الحمد الله خفت اللعية من دخلت التالت هلأ اناباالاسبوع 12 مبارح كنت عند الدكتورة كنت متفائلة تعملي ايكو واعرف شو معي هههههه مستعجلة كتير بدي اعرف شومعي
بس قالتلي بجوز مايبان والافضل مايتعرض الجنين كل شهر للاشعة واجلتلي ياه لبعد شهر بتعملي ايكو مهبلي وانشالله خبرتني ببان اكيد شو معي بس مدري ليش دايما بتقلي ام عبدو .. انا رح سمي عبودة انشالله اذا صبي .. واقلها بلكي مو عبدو بتقوم بتضحك وبتسكت
ستي انشالله خير

سللولة منيح ولي علي الله يعينها صارت بالسادس ماشاء الله بس خايفة ماتقدر امها تجي لهون ويمكن ماتقدر تنزل متخيلي شو بتكون زعلانة الله عينها ويخفف عنها

[رنووومة]

هدولة حبيبتي تسلميلي يا قلبي طبعا مبكرة لتعرفي ان شاء الله ما يصير معك مثلي ولدت ومو عارفة شو معي ههههههه
بالنسبة للايكو المهبلي انتبهي حياتي الافضل ما تعمليه خصوصي اذا ما له دداع هو فيه خطر على الحمل لما البعيد عنك راحلي البييبي عملتلي الدكتورة ايكو مهبلي وبعدين بكم يوم بلش النزف وطلق واجاني التهاب شديد بالبول مع اني لما كنت عندها كانت تحاليلي سليمة ديري بالك يا قلبي
ونصيحة اذا ما له داعي لا تعمليه

[hadeel al rouh]

ييييي يارنومة والله خوفتيني معقول خطير هيك لاسمح الله يصر معي شي حبيبتي الدكتورة عملتي ياه قبل بمرة عشان كان عندي كيسة على المبيض مابينت بالايكو البطني كنت خايفو منو كتير وخجلانة وبعدين قالتلي احسن عشان نتاكد من حجم الكيسة فوافقت عليه وايدها كانت كتير خفيفة ماحسيت بشي ومن تحت الشرشف طبعا ...كنت بوقتها بالاسبوع السابع والحمد الله كانت الكيسة بحجم طبيعي وخبرتني بتروح بنهاية التالت بس شو اعمل هلق احترت... اهئ

[رنووومة]

هايدي يا قلبي الله يكون بعونك ويحنن قلبه عليك شوفي انتي حصني نفسك دائما بالمعوذات ولما يفوت على البيت كمان اقرأيها والله يهدي بالك يا رب

وصحة وهنا على المجدرة انا كنت بدي ساويها بكرة بس خفت من العدس يعمل مغص للولو من الرضاعة ومنهيك جبلي فاصوليا خضرا بدي اطبخها بدل المجدرة هههه

وانا حكيت عن البنات طول الوقت بدن يحملوها ويبوسوها ويلمسوها حالة تجنن وكل ما تنام نسرين بتفيقها ونسرين من الغيرة رجعت تعملي بأواعيها ما عم لحق غسيل حالة تعبانة ولهلأ كتفي ما خلص وجعه بخف وبيرجع على التعب بعن الله

[ميآر [ مهند حيآتي ]]

يييي الله يعينك ...

انا ابن اختي ضل لصار عمرو 3 سنين يعملها بتيابو وعذبها كتير كتير لنضف

وهوي اول ولد الها ضلت 3 سنين لحملت وجابته ...

بئا كتير مدللتو ومتل ما بئلك 3 سنين بالحفوضة ...ههههه امي كانت تئلا انتو من عمركن

شهور عودتكن ع النونية هههههه ...

ايام زمان كانت الام عندها صبر لولادها ...

واصعب مشكلة هيي الغيرة .. انتو حاولو تفهمو البنات انو لما بتكبر بتصيرو تحبوها اكتر

ولولو بتحبوها عادي لان كتير زغيرة ...

ما بعرف انا ما جربت وجع الراس لسا

الله يكون بعونك هههه

[رنووومة]

هو المشكلة انها نظفانة يعني كانت ما احلاها وقالولي ما لي غير الصبر الله يكون بعوني ويلا عقبال ما تجيبيلنا مهند وتفرحي به يا رب

هدولة انتي ديري بالك اذا ما في ضرورة بلاه الايكو المهبلي والله يخترلك الخير يا رب

[رنووومة]

نسرين من اكثر من سنة ونص نظفانة على الاخير بس شو بدي ساوي قالولي عادية ورنيم كان في فرق بينها وبين نسرين 7 سنين ونص منهيك ما مريت بها لصعوبة

[مع الله]

الســـــــــــــــــــــــــــــــــــــــــــــــ ــــــــــــــلام عليكم يا حلوات كيفكن وشو اخباركن اشــــــــــــــــــــــــــــــــــــــــــــــــ ــــــــتقتلكن كتيـــــــــــــــــــــــــــــــــــــــــــــــ ــــــــــر
رنومة حبيبتي ان شاء الله ما بنحرم منك ومن سؤالك كلك ذوق يا حلوة كتير اشتقت لك
ومع اني باركتلك قبل بس مو خسارة بباركلك مرة تانية كرمال خاطر لولو الامورة ان شاء الله الف الف الف مليون مبروك والله يجعلها من الصالحات ويقر عينك فيها وباخواتها ولا يضيع لك تعب معهن ويقويك على تربايتهن
بعتلك على الماسنجر اطمن عليك وقت ولادتك بس ما رديت قلت يمكن صاير حوليكن شي مقطوع النت او انك مشغولة , وبعدين تعبت شوي وما عدت فتت عالنت ابدا سامحيني على تقصيري
رنومة انا عندي حساب فيس بوك بس بخاف عليك ضيفك لان صفحتي اندساسية بحتة وبخاف يصرلك مشاكل ههه بوسيلي الامورات ولا تنسيني من دعائك وسؤالك يا اغلى اخت

سروءة الف الف الف مليون مبروك والله يجعلها من الصالحات ويقر عينك فيها
وربي ما يحرمني منك يا غالية ولا من سؤالك علي
اشتقت لك كتير وقلبي دايما عندك صار معك متلي ولدت بالغربة وما معك حدا - معليش حبيبتي لاتزعلي الله احن واحسن من كل البشر - ربي يكرمك بكرمه معليش حبيبتي كله بثوابه وان شاء الله عقبال الولادة التانية تكوني بين اهلك وحبايبك
بوسيلي الكتكوتة الحلوة وديري بالك على حالك

هدولة يسلملي الرايق ابو قلب طيب اشتقت لك كتييييييييير وفرحت بسؤالك عني يا غالية تسلميلي يا قمر
الله يتمم لك على خير يا ام عبودة ويفرحك بشوفة النونو بكامل الصحة والعافية ويهون عليك حملو وولادتو يا عسل

عبورة الامورة كيفك وشو اخبارك واخبار البيبي ولدت ولا لسا ؟ ان شاء الله تكوني بخير وعافية والله يهون عليك ويتولاك ويكرمك بكرمه
اشتقت لكلامك وحديثك الرايق الراقي ربي يكرمك بكل اللي بخاطرك

سلولة الحلوة شلونك وشلون الحمل معك ان شاء الله كلو تمام وان شاء الله استقريت وصارت اوضاعك احسن هلق
الله يكرمك ويهونها عليك ويشرح صدرك ويعينك يا عسل

دكتورتنا الحلوة هايدي كيفك شو اخبارك واخبار مهند البطل ان شاء الله تمام .
الله يكون بعونك حبيبتي ويفرجها عليك ويطول بالك ويشرح صدرك معليش حبيبتي كلو بثوابه طولي بالك وان شاء الله الغلبة الك لان المعروف مستحيل يروح هباء ,, عامليهن باصلك وطيبتك ومتل ما امر الله ورسوله وتوكلي على الله وكل ما اتدايقتي وقفي على السجادة وحاكي رب العالمين بكل اللي مدايقك وصدقيني الله مالح يخيبك يا قمر

جوري ام يزونة البطل كيفك وكيف الحلو ان شاء الله ما عم يعزبك الله يحميلك ياه يارب متل الملاك ما شاء الله لاقوة الا بالله - مبروك سنوناتو وعقبال ما تفرحي فيه وهو عريس
الله يجعله من الصالحين الراضين المرضيين ويقر عينك فيه يا غالية

ام عائشة كيفك ان شاء الله بخير وكيف الكتاكيت ان شاء الله تكوني بخير وعافية والله يحميلك ياهن ويجعلهم من الصالحين

نادو ونهال كيفكن ان شاء الله بخير وين هالغيبة عسى المانع خير ربي يكرمكن بكل اللي بخاطركن ويسعدكن سعادة الدارين

وردة اهلا وسهلا فيك يا احلى وردة سورية ربي يكرمك بالحمل السليم المعافى عاجلا غير اجل يارب ويفرجها عليك ولا يحرمك من قرب زوجك ابدا ويحل الامور على خير ويلم شملك مع اهلك وتفرحي بقرب الاهل والزوج معا
العوض بسلامتك حبيبتي بعصفورتك بس يا حبيبتي ما بيصير تتطيري وتعلقي عمرك بعمرها لان الطيرة شرك والاعمار بيد الله وعمرها هي خلص بس انت ان شاء الله الله يمد بعمرك ويديم عليك الصحة والعافية ويكرمك بسعادة الدارين ويكرمك بكل اللي تتمنيه يارب

زهورة ميت اهلين فيك بينا - يمكن انا هلق صرت الجديدة وبدي ترحيب مو انت ههههه-
ما شاء الله عليك متل الزبدية الشامي من وين ما رنيتيها بترن - بعرف انو المتل متل الزبدية الصيني بس التجربة اثبتت جدارة السوري على الكل - الله حيوووووو ههههه
ربي يكرمك بالحمل السليم المعافى عاجلا غير اجل ويعطيك كل اللي بخاطرك ويتولاك ويكرمك بكرمه
ان شاء الله ما كون نسيت حدا
الله يخليلي ياكن يا غلى اخوات بالله
بحبكن في الله هاااااااااااااااااااااااااااااااااالقد
استودعكم الرحمن