ديوانية البحرين - دردشة حوامل البحرين - البحرينيات

[معنى الوفاء]

مشكوره أختي Rose Soul

[شمس الصباح]

المشاركة الأصلية كتبت بواسطة بنت الأياويد

هلا والله شموسة انا تعبانه والله مع الثقل وريولي الحين ثنتينهم يصير فيهم شد امس كان موعدي عند الدكتورة والحمدلله طمنتني كلشي تمام بس ماسوت لي سونار مادري متى بتسويلي يمكن في التاسع، ليش لازم يسوون فحص عقب الولادة شمس؟ وشلون يكون يكشفون تحت بعد؟

هلا بنت الأياويد بخصوص الفحص يسون علشان يعرفون اذا عندش التهاب او اي مرض لا قدر الله وتقدرين بعدها تنظيم النسل عندش يعني لما تروحين للنتيجة ممكن تتكلمين مع الدكتورة عن تنظيم النسل
الفحص يسون مثل ما قالو بوز البطة يدخلون شي مثل بوز البطة وياخذون عينه مثل القطن من عنق الرحم ويسون لها زراعة هو الفحص ما يعور ويعتمد على حسب الدكتورة واهم شي انج تأخذين نفس وقت اللي تدخل بوز البطة وما ياخذ وقت وايد بس السالفه ان الوحده تتفشل يعني وقت الولادة انتي من الألم ما تحاتين فشيلة او لا بس تبغين تولدين اهني شوي في احراج وعلى فكرة هذا الفحص في ناس تروح تسويه بفلوس لان الوحده من تتزوج لازم تفحص بين كل فترة افضل لها والي صحتها

المشاركة الأصلية كتبت بواسطة فلونة

شموووووسة،،، تدرين رفيجتي موعدها 30 من هالشهر وامس ولدت.. بس ابي اعرف اي موعد فيهم الي اعتمد عليه،، اتهقين موعد السونار اهو الي يكون مضبوط؟
عجيب شهر 3 احب رقم ثلاثة.. بس جنه مواليد شهر 1 يتأخرون سنة دراسة؟

انه بعد اقول ان شهر يناير تروح سنة بس اسمع ناس وايد تقول لا ما تروح سنة كل بمشي علشان اولد نهاية شهر 12 تدرين احاتي هالسالفه وايد لان اولادي احاول انظم متى احمل ومتى اولد بس هذة الحمله كانت ظروفي كلش غيرررر من جدي ما اهتميت بالأشهر كان اهم شي احمل واتفك من الدورة لانها عدمتني عدام بعد الأجهاض كل نزيف وما انظف منها الا بطلاع الروح

[بنت الأياويد]

مشكووورة ماقصرتي ، انا الي سويتها تقريبا نفس وصفتج بس ماخذتها من منتدى وسويتها وريلي وااايد اعجبته لان تصير نفس المخمخه اذا فهمتي قصدي نفس اللينة بس عجيبة ان شاءالله عقب الولادة اجرب طريقتج لان الحين معكرونة وتعبت الله يعين لو كل يوم اطبخ وقفة المطبخ تكسر الظهر

[بنت الأياويد]

أم حماني شكلها مابتدش من مساعه انطر دشتها امس فقيرة ابي اسولف وياها من زمان ماسولفت معاها بس الوقت كان متأخر وكنت دايخه ان شاء الله تدش وتطمنا ، انا بخلي النت مفتوح

[rose soul]

باااااااااااك مرة 2

[rose soul]

اي ما يندرى ياريت تدخل تطمنا..وتخبرنا شصاارمعاها

[شمس الصباح]

رحت اعسعس في النت على قولت ام خليل الله يذكرها بالخير وشفت موقع وزارة التربية مكتوب انه يقبلون مواليد شهر يناير بس بشروط



تسجيل الأطفال من مواليد شهر يناير في الصف الأول الابتدائي

1. 1. بعد الإعلان عن بدء مواعيد التسجيل لمواليد شهر يناير على ولي الأمر مراجعة المدارس الابتدائية التي بها مقاعد شاغرة ويعرف ذلك بمراجعة المدارس القريبة أو بمراجعة إدارة التعليم الابتدائي مبنى رقم 8 الكائن بمقر الوزارة بمدينة عيسى, علمًا بأن تسجيل مواليد شهر يناير لا يتم وفق المجمعات السكنية وإنما وفق المقاعد الشاغرة المتاحة في المدارس، وتعطى الأفضلية في التسجيل للأسبقية في تاريخ الميلاد ثم السكن. وعلى ولي الأمر توفير الوثائق التالية:
   
   
   • ملء استمارة التسجيل والتي ستسلم له عند تقديم الطلب
   • شهادة الميلاد الأصلية للطفل
   • البطاقة السكانية الأصلية للطفل
   • صورتان شمسيتان للطفل

واذا لا قدر الله ما قبلو المدارس الخاصة ما تقول شي اول شي خفت وقمت ادور بطني عورني من الخوف هههههههه بس الحين ارتحت

اقول فلونة الدجاج اشلون ينظج بس مع الطماط والبصل ممكن تفصيل اكثر علشان اسوي لان صاير خاطري في معكرونة

[rose soul]

شموسة..الحين عادي يقبلون اللي شهر واحد بس يقدمون لهم امتحان اول..بس اذا كلش مثل ما قلتي الخاص ما يقولون شي

[rose soul]

اففف سكتو صار خاطري في معكرونة من كثر ماتكلمتو عنها..دبرو لي مالي شغل هههههههه

[بنت الأياويد]

ولكموووو روز ، انا توني مكمله غداي مسوية معكرونة دياي ، جربي الطريقة الي سويتها ترى كلش عجيبة ، فوحت الدياي قصصته اول شي وفحته وعقب قصيت بصل وحمسته شوي وقطيت عليه الدياي وفوقه طماط فريش وثوم وكزبرة ولين نضى شوي كتيت فوقه ماي غطيت فيه الدياي مع البهارات بزار وفلفل اسود ومعجون طماط وماجي وملح والي تبين تحطينه ، جود انتي مخلصة فايحه المعكرونة وخضروات مثلجة ولين طبخ الماي الي كتيتيه وصار لونه احمر شوي من الطماط تكتين فوقه المعكرونة وتغطينه لين ينشف الماي لكن صج طعمها روعة زوجي وااايد عجبته ماخذتها من المنتدى الطريقة