ديوانية البحرين - دردشة حوامل البحرين - البحرينيات

[معنى الوفاء]

شسوي لازم اطبخ او ماراح آكل... انا ساكنة في بيت عمي بس استحي اقول لهم حسبونه معاكم فشلة

شمس الصباح
صباح الخير وصح النوم
الحمدلله بخير دامج بخير

[فلونة]

معنى الوفاء ،، انا كنت نفسج بداية حمللي ماكل الا السمج بس ابي احد يطبخ لي
هاذي حملج الثاني؟؟

بنت الاياويد،، امس كنت احااتيج ،، تدرين انا يوم الي عندي امتحان من زود التوتر يصيدني اسهال وانتي بكرامة ،، يله الحمدلله ان يابوه سهل وننطر الحلاوة
وعن الطباخ سوي شي يفوح على الفرن لا اتعبين روحج وايد ،،

شموووووسة،،، تدرين رفيجتي موعدها 30 من هالشهر وامس ولدت.. بس ابي اعرف اي موعد فيهم الي اعتمد عليه،، اتهقين موعد السونار اهو الي يكون مضبوط؟
عجيب شهر 3 احب رقم ثلاثة.. بس جنه مواليد شهر 1 يتأخرون سنة دراسة؟

[بنت الأياويد]

هلا والله فلونة منورة حبيبتي ، انا نفسج يصيدني من التوتر اسهال الله يعزج وبطني كله يعورني ، معكرونة مايبي لها شي طلعت الدياي برع والحين موصية البرادة اييب طماط قلت بصلي وببتدي عاد ان شاء الله ماتعب واكمل الطبخه وعقب اريح ، اي هذاني احاتي الدرجة مايندرى لازم تطلع لج اخطاء مني ومناك وخبرج دكاترة جامعة البحرين مايعطونج حقج لازم فيه ظلم شويونه يالله ربج كريم

[فلونة]

وي توني احين كتبت لستة خضرة حق ريلي كل شي ماميش لا بصل لا آلوو ولا شي ،، يقول لي بنروح نشتري الاشياء الي قاصرتنه وانا مابي اروح ،، ماقدر افتر وايد نفس قبل .. وعن الامتحان لكل مجتهد نصيب وان شاء الله ما بيضيع حقج
انا سويت ريش لحم وباحط خضرة تفوح معاها ويا صلصلة طماط والبهارات وبس خلاص اسررع واريح

[بنت الأياويد]

خوشي عليكم بالعافيه ، تشترينه جاهز الريش صح؟ بس انا سمعت اذا تخمرينه من فليل يطلع طعمه الذ جربي هالمرة ، انا خاطري اسوي ريش لحم بس الحين وين مافي وقت وكله دايخه بروحي احاتي اشلون بسوي المعكرونة الحين واذا تعبت بهون وبقوله اييب من برع كالعاده، اي انا ماقدر على السوبر ماركت مو نفس اول وايد اتعب وكله احس جنه ريولي بروحه بطيح في الارض ودورة ودقات قلبي بسرعه بس يوم نزل راس الياهل شوي خفيت عن قبل بس نفس الاعراض يعني

[معنى الوفاء]

هههههههههه
جان زين في أحد يطبخ لي>>> يازعم تستحي

اي ولله الحمد هذي حمالي الثاني
وعندي بنت عمرها سنتين و10 شهور
الله يعنكم دايخين الا في الأشهر الاولى دايخين والا في الاشهر الاخيرة دايخين

[بنت الأياويد]

انا احاتي من الحين اقول اما احمل على بنتي بسرعه احس بموت من الصياح يعني بينعاد كلشي مرة ثانية الشد والنساه والتعب الله لايقول ان شاء الله لين كبرت احمل عليها اذا الله كتب لي،
معنى الوفاء شنو مفكرة تسوين غدى؟

[فلونة]

لا ماحب الريش جاهز كله افكر يمكن الهندي حط اليهارات ويوده بيده بدون قفاز مادري ليش اتييني هالأفكار السخيفة ،، انا خمرته في الليل وحطيته في الثلاجة .. ترى الريش يستوي بسرعة ومب ثقيل نفس اللحم ..
انا اول ما تزوجت احب اروح بداية كل شهر نفتر نشتري وخصوصا يم الخرابيط الكافي والبستووق كلشي احطه في هالجاري ... بس احين ويين وانا كل ماجوف حالتج اقول الله يعينج والله يستر بعدين اذا دشيت الثامن ..

جوفي المعكرونة باقولج طريقة سريعة انا اسويها اذا اعجبتج جربيها علشان نقوم نصلي ...افوووح المعرونة عادي ويا الآلو مقطع مربعات واذا عندج خضرة مثلجة خليها تفوح بعد معاهم.. احط الطماط والبصل في الخلاط .. ووبعدين احط فوقه ماجي مكعب واحد لانه اسوي نص جيس معكرونه واخليه على الفرن ونص قوطي صلصلة طماط احط البهارات الي ابيها ( فلفل اسود ، فلفل احمر، ليمون، بهار دياي، وكمون ) واذا تبين تحطين الدياي حطيه معاه .. خليه لين يستوي الدياي .. وجوفي طعمه اذا يحتاج زيادة ملح وبس احط عليه المعكرونة و اخليه 10 دقايق الى 15 دقيقة لين تاخذ لون الصلصلة .. واذا ريلج في الشغل بس حطي المعكرونة على الصلصة ونطري اذا رجع علشان تصير صاخنة ومو جافة وايد .. وبالهناء والشفاء
بس حاسبي على المعرونة لا تغلي وايد

[معنى الوفاء]

هل الحملة ماكنه مخططين لها بس الحمدلله الله أنعم علينا فيها
أنا اطبخ من قبل بيوم لأني دوام
اليوم غدانا دجاج مقلي مع عيش ابيض على اصفر يعني طباخي كله اشياء خفيفة لأن ماقدر على الوقفة ولا على الريحه...

فلونة
ان شاء الله بجرب طريقتج في المعكرونه مره ثانية

[rose soul]

باااك سريع وبرد اقوم عنكم خخخخ
معنى الوفاء.. هلا وغلا فيج اختي..

فلونة..ترا السوناريطلع مزبوط اكثر من الدورة..وحجم البطن..ماله دخل ..
انا يوم سويت سونار اخرتني يومين يعني 25-2
اشوه مافي فرق الا يومين بس ..بس انا بحسب على23 كيفي خخ..اتفائل

بنت الاياويد..ههههه انا بعد افكر ماحمل بسرعة..باخذ احتاياطاتي خخخ
مافيني شدة صراحة..خصوصا ايام النساة ماساااة من قلب

ام حماني ما يندرى شخبارها مع الموعد؟؟؟


يلا برب خخخ