حبيباتى سيدات ليبيا تفضلو لأعرف ما حالكم

[هدية الخالق]

الساعة عندنا واحد إلا تلت بعد منتصف الليل
سوما كيف رقدت واني خلاااص منلحقها
شكلي منمرض اليوم الجو صقع ومطر ماشاء الله تقول عز الشتي
واني فاتحة الرواشن ومدوشة بديت نعطس شكلي منصبح واكلتها
يستر الله

[هدية الخالق]

غدوة عندي جمعة نساوين من كل الجنسيات
من لبنان ومصر وسوريا والأردن والسعودية جاراتي
اللبنانية بتنتقل لمدينة تانيه دايرين جمعة وداع
طبعا مش مجتمعين عندها لان دايريلنا امتاعين العمارة غرفة للمناسبات
اللي يبيها يأجرها وطبعا بما أننا هلبة وزحمة منأجروها
لكن أني الحق غضوه مش فاضية الصبح عندنا موعد في العياده لسما
مراجعة عاديه بيديرو عليها تشيك أب بس
وبعدها منروح منلهي في تحضير الفطور لان فاطرين عندنا أصحاب أسامة
فا مش عارفه الحق نمشي والا لا مرات نقول نمشي ربع ساعة عالسريع نسلم عليها
ونعتذر منهم ونقولهم صايمه وعندي عزيمه ونروح

[هدية الخالق]

منرقدددددد خلاااص
السلام عليكم

[dr.loly]

السلآم عليكم ورحمة الله وبركاته

[dr.loly]

اثـــري ضحكت ضحك ع مغامرات مستر ماوس ههههههههههههههههههههههه

لاني الفوبيا اللي عندي انا من الفئرااااااااااااااااااااان مانحسبهش عند غيري .. فوبيا يعني خلآص رهاب الفئران خخخخخ... حتي جسمي اتقشعــــــــــر بعد حكيت عليه



المهم توا خاشه ع السريع ... المره الجايه توا نحكي ع قصصي معاهن ..
بعد الزواج بالذات

لآن الهيلث فيزيتور... زائرة الاطفال جايتني اخري اليوم وبم اني ننسي واجد قاعده نحضر ف الاسئله والاستفسارات ف اوريقه
عشان ماننسش شئ..


واليوم جاية بتوزن العيال وتكشف عليهم وتشوف الولي وهل تحسنت مع علاجهآ او لا بالنسبه لاكزيميا خدودها ...

وبتعطيني نصائح ع طريقة اكلها لان خلاص لازم تاكل ... وبتشوف هل قبلت الرضاعه اللصناعيه
لان المره اللي فاتت قالت لازم بوها يعيطيها لها ... انتي تشوف فيك كصدر خخخخخ وفعلآ مسمية روحي زجاجة الرضاعه كل ماتحقني تقعد اترجي وتدلع ههههههه ادمان الرضاعه الطبيعيه .

طبعآ مارضعتهش انشوف شن في حلول اخري










شمــــــــــــــــــــــــــــــــــــوسة ....
واخيرا اشرقتي ..............


وينك ووين ايامك؟
ان شاء الله شموسه وعبسي امورهم تمام وفيها خيره ان شاء الله وقدر الله ماشاء فعل
شكلك من النوعية اللي اتندمي في روحك ف قولة ياريت مابعنا شقة ...>>>> ع اساس انتي ماتندميش ف روحك خخخخخخ جوي الجو هذا نا ههههههه
بس خلآص الخيره في ما اختاره الله ... وان شاء الله خير

[sosolibya]

سلمك هدية
الله يبارك فيك
كيف حالكم انتم

[sosolibya]

أهليييييييييييييييييييييييييين وسهلين بنور العين شموسة الغالية

[sosolibya]

بعض ألأسرار يجب أن لا يعرفها زوجك عنك وأسرار العلاقة الحميمة.(موضوع مميز).







كيف حالك فروسة

[sosolibya]

فكر شنو ندير غداء قلت لزوجى ماعندش نية ندير حتى حاجة قاعدين عيانييييييييين
قالى توا نجيب بيتزا ووصانى نطل لو فيه حاجة فى الفريز خايفين الضر يهرب الجهة المقابلة هرب عليهم الضى وأكثر مافى الفريز فسد

يارب إصلح ألأحوال

[sosolibya]

أخر ألأخبار
الحكومة عاطية مهلة لغدوة الصبح لو لم تسلم منطقة ورشفانة (المطلوبين)

سيتم التدخل والتمشيط يللى قداش ليهمي أجلو فيه

ولو صار الدق إحتمال ننزحو من جديد

ربى يستر

راهو والله ماتسحابونا من الوعية يللى ساهل عليها النزوح ولا يللى امتى تصير أبسط حاجة يطاعو يجرو لكن المرة هذه تعبنا هلبة

رصاص وجراد وراجمات وقنابل صوتية وقناصة وحياش ثقبت بالصواريخ ربى يهدى ياااااااااارب إصلح الحال ولم الشمل والله ورشفانة والزاوية خوت وماعندى غيظ على حد