دردشة بنات ليبيا , دردشة حوامل ليبيا , تجمع بنات ليبيا

[أم أجنادين 80]

ماشاء الله جيجي صاحبة واجب ربي يعطيك صحيحتك

[أم أجنادين 80]

ان شاء الف الف لاباس علي خوك سوسو
ان شاء الله غير بسيطة
الحمد لله ربي طمنكم عليه

[أمل ليبيا]

الحمد لله كملت طاجين جبنه وامبطن والبيتزا فوتها ندير نوعين سلاطه ومخلل وخلاص ودرت البصله كملتها وتوا قريب الكسكسي يطيب ونطفي عليه يقعدلي نحوس حوسه بسيطه ونبخر الشقه ونبدل وخلاص طبعا توا الساعه 2 وثلت قايله نبي نرتاح شويا

وووووووينكم ياحلوات

[أمل ليبيا]

ام جنوده اهلين حطيتلك طريقة البكلاوة ع خاطرك شوفيها

[أم أجنادين 80]

صحة الحنه جيجي
امول ان شاء الله انسترتي مع ضيفتك
كنت راح نقترح عليك سويسرول حار ههههههه اكيد كرهتوه من كثر ماذكرته
او اصابع الكبة المقلية او انواع من المعجنات او امبطن او هامبرغر

شموسة كيف حالك وحال شموسة وعبوده
ان شاء الله خير معادش طليتي علينا

سوسو معليشي الحديد يتعوض المهم سلامته

[أم أجنادين 80]

شفتها يسلموا ايدياتك
انا توقعتك انت صانعة الورق بروحك

يااعطيهالك ام فراس شن هالصفرة كل وحده احلي من الثانية
طبعا انا اليوم ماكليتش هلبة من فترة انعاني من الألام
كل ماناكل انحس في شي حاصل في حلقي اسفل الرقبة وتوا ليلتين لما بنرقد انحس كبدي دارهة وبنرجع
ماتقولوش حامل ؟؟؟ اكيد مش هدا السبب
فاليوم مافطرتش والغدي حاجة بسيطة وتوا جــــــــــــــــاعانة
والقيت ام فراس حاطة حاجات اتسهف
وجيجي وامولة حتي هيا عزومتهم سيلت لعابي

[أم أجنادين 80]

ام معاد الحمد لله علي سلامة غاليك
وسلمه جياب وعليه حجاب ياحنة

[أم أجنادين 80]

ان شاء الله تمشي وتروح امك سالمة سوسو
وعقبال الحجة

وان شاء الله بالنجاح ومن الأوائل

[أم أجنادين 80]

سخفتني شموسة
هيا مفروض تضربي مرة مرة بس مش علي الوجه

[شموسه 88]

المشاركة الأصلية كتبت بواسطة أم أجنادين 80

سخفتني شموسة
هيا مفروض تضربي مرة مرة بس مش علي الوجه

ماتزيديش عليا يا جنوده برغم قلبي مازال يوجع فيا عليها اصلا ما نضربش فيها من قبل هذي اول مره انتوحش عليها وان شالله اتكون اخر مره

لاني انقهرت عل العربه وحاجات لي فيها اصلها الوحيده لي فاضتلي من دبش عرسي الباقي كلا تكسر ولي ايشوفها ضروري ايتعجب اويسالني عليها "اعويته هههههههههه"