دردشة حوامل الأحساء- تجمع بنات الأحساء - الحسآويآآت

[Miss YoYo]

المشاركة الأصلية كتبت بواسطة اعشق همساته

انا بس حفيت و زوجي جلس ينصح
يقول تحاريم ما يجوز اذا بقصد الزينة واذا بنية النظافة ماعليه
وانا محتارة شسوي

والله شوفي
مدام زوجك بعد موب مرتاح حيل لفكره التغيير
يعني من حف قعد يقول لك كذا
لاتفتحين لك باب تخلينه ياخذ في خاطره عليك حتى لو ماقال لك
ماقلنا شي كشخه له ، هذي اول طلعه من 40 لك
بس ماله داعي تغيرين واجد
الزهرا تستاهل انك تواسينها في هالشهر
ماتسوى والله انك تغيرين لوك الحين

بالنسبه لي اشوف هذا يكفي ماله داعي الزياده
بس انتي شاوري نفسك وسوي اللي يريحك

[نغم]

والله أنت اللي ماعليهم منك تبينها ترجع عجوز ها على الاقل كم لبسه جديده وحافه صج لا تتحنين ولا تصبغين الحين بس لبسي وحفي وكشخي

[عذبوك ياقلبي]

اي بس مو تصبغ ولا تحط مكياج هذا مايصلح
انا ماقلت تروح بسود بس بحدود

[اعشق همساته]

انا ودي اصبر الى ربيع افضل
يوم 6 يصادف ذكرى ملكتي
يوم 9 عيد ميلادي
حاليا بس حفاف والباقي بعدين
قلبي مو مطاوعني اسوي شي احسه ما يصلح بصبر الى ربيع

[نغم]

أي عذوب هاذا اللي أقول على الاقل تلبس بزوجها كم لبسه حلوه وتحف مو تروح حالتها حاله

[اعشق همساته]

احنا ما تعودنا نتزين في ربيع كثير
حفاف ولبس حلو اي عادي
بس مكياج وغيره ممنوع
مع ان في هالبرد ما تقدرين تلبسين على كيفك

[Miss YoYo]

المشاركة الأصلية كتبت بواسطة نغم

يؤيؤ عكس الرجال زوجك بس شوفي عذوب أجل أجلس بقرشيعي شهر ولا شهرين مستحيل على الاقل تشتري لها ملابس جديده لزوجها وتحف جسمها مو تروح كأنها محادد أسم الله عليها

ههههه
احنا ماقلنا محادد
تحف وتتنظف وتلبس لبس مرتب واذا تبي تحط مكياج خفيف
بس مو تروح تقص ولا تصبغ
وتلبس لك فستان سهره وتحط مكياج كأنها رايحه عرس
وتحط حنا
مهمها كان لازم تحترم هالوقت
وفي ربيع تسوي اللي تبي

[نغم]

اي مس قصدي انا انها ترتب حالها انا الصراحه احس مو حلو وحده متزوجه وتبقى شهر ولا شهرين ماتحف جسمها وبالاسود شنو ذا

[Miss YoYo]

لا عاد مو لها الدرجه
انقرضو الحريم اللي يسسون كذا
وحف الجسم خلي دائما القصد منه نظافه موب زينه
واحنا ننظف طول السنه مب بس عشان ازواجنا عشان نظافتنا احنا
بس اللي نفهمه من تغيير لوك شي ثاني
انتي تشوفين الحريم اذا طلعو من الاربعين
بتروح لك مشغل وبتحجز لك حجز خطوبه ولا ملكه وتحط طبقات مكياج
وتلبس اكبر فستان وتتحنى وتقص الشعر وتصبغه

أما الزينه العاديه ، حف وتنظيف هذي لازم منها

[عذبوك ياقلبي]

وهذا قصدنى بعد بس انتى مافهمتى علينا نغوم