دردشة بنات ليبيا , دردشة حوامل ليبيا , تجمع بنات ليبيا

[شمس الزمان]

صحيتي اختي ميمونه

[ميمونة]

اهلا وسهلا بيك نورتينا

شمس خشي غدوه الصبح خلي نهدرزوا عليك وتلقي باقي القروب اوكي

توا تصبحي علي خير نتلاقو

[شمس الزمان]

ان شالله حبيبتي تصبحي على خير فرصه سعيده

[ام وسونة]

السلام عليكم

[ام وسونة]

اللهم ألف بين قلوبنا، وأصلح ذات بيننا، واهدنا سبل السلام، ونجنا من الظلمات إلى النور، وجنبنا الفواحش ما ظهر منها وما بطن، وبارك لنا في أسماعنا، وأبصارنا، وقلوبنا، وأزواجنا، وذرياتنا، وتب علينا إنك أنت التواب الرحيم، واجعلنا شاكرين لنعمتك مثنين بها عليك قابلين لها وأتممها علينا.

[ام وسونة]

مجرد رأي

بعض الرجال...ينسى ان صغاره ياخدوا في وقت مرته..وانها اكيد حتقصر معاه..لانها ماعندهاش الا زوز ايدين..ولو ساعدها حيخفف عليها ويخليلها وقت تهتم بنفسها وبيه..


وبعض النساوين..تلقى وقت للطلعات والتهديرز عند الجارات ..وللنت والمكالمات..ولما راجلها يطلب منها حاجة يركبها ستين عفريت وتتفكر التعب كله..وحتى لو دارتها تديرها من غير نية..

الحياة مسايرة..وكل واحد مفروض يساعد التاني بش يطلع احسن ماعنده..ولما الراجل يقدر تعب مرته ويقول مسكينة تعبانة من الحوش والصغار..خلي ندير حاجتي بروحي..

والمراة تنوض حتى وهي تعبانة بش تدير الحاجة لراجلها من غير مايطلب..لانها تقول حتى هو مسكين تعبان يوم كامل وهو يحرث ويخدم..

حتكون الحياة الزوجية احلى واسهل..

[ام وسونة]

الــــــريـــجـــيـــم

معاناة من الصعب ان يتفهمها اغلب الرجال..

لما يضربك الجوع والماكلة قدامك وتعذب روحك على خاطر لبسة ماتجيش عليك !!

لما تشوف للشكلاطة بعين القهرة وماتقدرش تاكلها على خاطر عندك مناسبة قريبة وتبي تطرح فيها!!

لما ترعش مع بعضك على خاطر طرف كيكة يسفه وتقول كان ناكلها تو نزيد كيلو على طول !!!

لما تحس بالفقراء والمساكين والناس اللي ضاربتهم المجاعات..وتحس انك صايم وانت مش صايم!!

لما تبدا طول اليوم عصبي وخلوقك في حكة..لانك انت مش انت وانت جيعان!!

لما تكره صنة الدحي المطبوخ..وتقرف من التفاح وتكره الخيار وكل الخضروات..وتسفهك كل المقليات والمشقشقات..

لما تتمنى في يوم وليلة تتغير الدنيا وتبدا الرشاقة ضعف و خيبة والسمن حلاوة وهيبة..

وقتها حتفهم احساس اللي مدايرة ريجيم..سواء كانت امك ولا اختك ولا حتى مرتك..لما تشوفلك وانت تلهط في الاخضر واليابس ومايبانش عليك وماتزيدش حتى كيلو..

مقتطفات من خواطر الكاتبة : سمونية والفخر ليا.

[ام وسونة]

في البيت الليبى فقط

|
|
|
|
|
|
|
|
|

كان حطيت حاجة فالثلاجة أنوييييييييها صدقة لوجه الله

[ام وسونة]

دعاء الهم و الحزن

اللهم إني عبدك ابن عبدك ابن أمتك ناصيتي بيدك ، ماضِ في حكمك ، عدل في قضاؤك ، أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي.

اللهم إني أعوذ بك من الهم والحزن ، و العجز و الكسل و البخل و الجبن ، و ضلع الدين و غلبة الرجال.

[أم أجنادين 80]

صباح الخيرات يانايمات
الساعة 7:43 توا واتيه بنمشي للعمل
حاسدتكم في النومه