دردشة حوامل مصر - دردشة بنات مصر - تجمع حوامل مصر

ام يحيي 2011 · 04-06-2011, 03:03 AM

روحتى فين يا جوجو الجمبرى بتاع رانيا اخدك مننا ولا ايه

رنا خالد · 04-06-2011, 03:05 AM

اجبلك طبق او اقولك طشط رز باللبن ياساره هو احنا نطول ياباشا نأكلك ونزغط يحي
بصي يارانيا نبدا ياستي
اسلقي المكرونه تلت اربع سلق عشان لو سلقتيها اوي هاتتهري في الفرن
نيجي للباشميل بعمله روووووووووووووووعه
بجيب معلقتين دقيق مع معلقتين زبده بلدي واشوحهم ع النار لحد مايبقي لو اللون ذهبي وبعدين بطش بكوبايتين لبن واقلب لحد مابيقي متماسك بس مش اوي يعني يبقي عامل زي الكريم شانتيه هش وسايح بس مش صايص
وبعدين بحط قالب ماجي بيديله مزازه اوي وبيخلي البشاميل مميز
وقلب لحد مايدوب االماجي وسبها تبرد خالص وبعدين اكسر بيضا عليها واحط شوية فلفل اسود
عشان زفار البيض
خلصت البشاميل
نخش علي اللحمه اشوح البصل وانزل باللحمه وفلفل اخضر حراق متقطع صغنن وتوابل وميه لحد ماتستوي وبس
واحط نص البشاميل بتاعي علي المكرونه كلها واقلبهم وارص الصينيه عادي وفي النص طبعا احط اللحمه المفرومه وابشري شوية جبنه رومي
وعلي الوش برضه ابشري شوية جبنة رومي وبعدين غطي بطبقة بشاميل كثيفه
واكسري بيضه خدي بياضها وحطي عليها حبة صلصة طماطم وربيهم ووزعيهم علي الوش هايطلعلك وشها وردي ومحرمش بجد هاتدعيلي والله محدش اكلها عندي غير واتهبل عليها اصلي شاطره في الاكل قشطه عليا هههههه

ام يحيي 2011 · 04-06-2011, 03:06 AM

روحتوا فين يا عيال

طب رانيا وبيت الراحه باين نادى عليها

رنا وجوجو اين ذهبتم يا شبااااااااااااااااااب

رنا خالد · 04-06-2011, 03:10 AM

انا هنا ياساره
بصي انا روحت بيتي تاني يوم الولاده وبصراحه كنت تعبانه اوي بس بعد الاسبوع الاول بدأت اتعافي واللي كان مهمن عليا الالم المسكن كان رائع بصراحه
بصي ياستي من الاسباب الرئيسيه اللي خلتني اولد قيصري هي وزن البنت
كان وزنها ماشاء الله اربعه كيلو الا ربع
فقولت هاتبهدل في الطبيعي لأن الوزن لما بيزيد عن تلاته نص بيبقي صعب الطبيعي شويه
بس صدقيني كله تعب وكله جرح واللي في الخير يقدمه ربنا خليها علي الله واللي كاتبه ربنا هاتشوفيه

ام يحيي 2011 · 04-06-2011, 03:11 AM

يا الله ريقى جرى يا رنا جوعتونا يا جماعه انا بحب المكرونه الباشميل اوى الا الحاجات دى تنفع مع الرجيم عادى عشان برده بأذن الله هنضملكم بعد الولاده

وتسلمى يا رنوش على الطشط بتاع الرز بلبن اصلى مره جبته جاهز من بره وكان طعمه وحش جدا ما أعرفش ليه

وما قلتليش قدرتى تصلبى طولك كده بعد اد ايه من الولاده وعملتى سبوع ولا عقيقه ولوجى كانت كام كيلو اعترفى

dr.princess · 04-06-2011, 03:12 AM

صباح الصباح واللى جاى احسن من اللى رااااااح

رنا خالد · 04-06-2011, 03:12 AM

هي هدير مش بتدخل ولا ايه وايه اخبار المغص اللي عندها طلع حمل ولا لا
وام رودينا عامله ايه وبنوتتها عامله ايه

رنا خالد · 04-06-2011, 03:15 AM

لولتي يالولتي صباحك قشده ورز باللبن
تعالي بس بس بس
ايون هابشك علينا بقي ومتطلعيش
وحشتني ياعتريس فينك؟

رنا خالد · 04-06-2011, 03:17 AM

انا ياستي عملت سبوع واجلت العقيقه لأني ملقتش غير الخرفان التعبانه موله اصلي ولدت بعد العيد الكبير علي طول فكل الخرفان اللي كانت موجوده كانت معاقه وبتعرج ههههههه
هاعمل العقيقه قريب اوي ان شاء الله

ام يحيي 2011 · 04-06-2011, 03:18 AM

طب يا جميل الفتحه راحت دلوقت ومش باينه يعنى بتعرفى تلبسى لأنجيرى كده ودلع وبطنك خست عادى وركبت اللولب بعد اد ايه رفيده بخير الحمد لله بس تعبانه يا عينى ومش بتقوم من السرير ورودى احسن الحمد لله كانت بتقول تعبانه بس اخر مره كلمتها قالت انها احسن دلوقت الحمد لله بس عياط بقى انتى عارفه ودودى لسه عندها مغص بس لسه ماعاد البريد فضله3 يام ربنا يفرحها يااااااااااااااااارب

ازيك يا لولو لسه فاكره تجى يا بنتى نورتنا والله