عضوة جديدة
اهلين يا صبايا كيفكم انا برضو زي ماستفدت حابه افيد ولا تنسوني من الدعوات الحلوه امانه....
اليوم جايه وجايبه معاي نظام رائع للنفاس ,طبعا اول ماتدري الوحده انها حامل تفكر بالولاده وش راح يصير من تغيرات بالجسم وخصوصا الكرش وتمر الايام بسرعه والا انتي ماشاء انتي جايبه اروع مخلوق في العالم لكن انتي الحال الله العالم فيها ................
لكن طيعي شور مجرب واتبعي الخطوات اللي جايه والله انك ترجعين عروس من جديد وراح تدعون لي :
1- اول ماتولدين اربطي بطنك بشماغ او طرحه لينه ........بالعربي حطي الشماغ مع اغراض المولود المجهزه مسبقا او اطلبي من اللي يبي يزورك من اهللك يجيبه معه.
2-اذا وصلتي البيت لازم تاكلين شئ دافي حتى لو مالك نفس لو شي بسيط لانك ترضعين واحذري السوائل البارده وكثري من شرب الماء بسبب الرضاعه
ولا تصدقين الكلام ان السوائل او الماء يخرب بالعكس جسمك محتاج يعوض كل ا للي فقده من سوائل ..قال تعالى <وجعلنا من الماء كل شئ حي >
3-اول ماتصحي الصباح الهمي (كلي)م حلب مطحون يعني على الريق والفائده منه علشان يجبر ظهرك زين وما يقعد يطقطق بعد الاربعين تستمري عليه لمده 20 يوم بس
4-الفطور اول شي كلي التمر المعبوط اللي مايعرفه يتكون من (تمر منزوع النوى +م ص حبه سوداء -حبه البركه_ +م ص رشاد كلها كامله +سمن بري الكميه اختياري يعني ا للي يخلي المعجون متماسك )
الفائده من التمر المعبوط يريحك من الامساك وخصوصا انك مسويه خياطه بالفتره هذه ............ نرجع للفطور بعدها اشربي قهوة وحطي بفنجالك م ص جدا من المره و المحلب و النانخه كلها مطحونه زين هذه علشان الشمم مدري اذا لها اسم ثاني علشان نفيد الجميع ؟؟؟؟؟؟؟
5-ريحي نص ساعه او رضعي البيبي بعدين كلي فطورك اللي يكون اختياري بس بعدي عن الخبز الابيض والخمائر علشان ماينتفخ بطنك ممكن يكون بيض مسلوق اومقلي _عدس _مراصيع مع سمن اوعسل بالاضافه اي كوب حليب دافي واختمي فطورك باكل اللهوم حقك الذي يتكون من (فنجان حلب + ف حبه سوداء + ف نانخه + ف قرفه +ف شمر + ف كمون +ف يانسون + ف رشاد واشياء ثانيه مااعرفها ........... استمري عليه لمده 35 يوم فقط
6-الغداء مرقه لحم اول مايستوي اضيفي عليه حلب + ماش كامله بعدها اشربي شاي مطبوخه تجيبينه من عند العطار او انتي تجمعينه بنفسك يتكون من زعتر +كمون +يانسون +كراويه +شمر +قرفه +ماش +سكر نبات
7-نجي لفتره العصر كلي مره ثانيه من التمر المعبوط والقهوه بنفس الطريقه الي شرحتها لكم في الصباح .....ولوجاكي ضيوف وزوار لاتكثرين من الحلويات والقهوه والله يعينك على الدندره واحكلي لنا كيف ولدتي وشلون الولاده هاه تبين تجيبين مره ثانيه او انهم يبون يتطوعون ويحكون لك بطولاتهن ومغامرتهن عن الولاده بس وسعي صدرك وجامليهن واتحداكي اذا قدرتي تغيرين الموضوع
8- العشاء مرقوق اومطازيز مع قطع خضروات (بطاطس+كوسه +فليفله +جزر ولاتكثرين الطماطم او الصلصه ولو تستغنين عنه احسن لك) او قطع لحم
:نصائح خلال هالفتره :
1- لاتهملي نفسك مااحد راح ينفعك انتبهي من الجوع حتى لايصيبك الخواء عباره وجع مستمر ماينفع لابنادول ولا غيره
2- اشربي ماء بكثره
3-اهتمي بالنظافه الشخصيه اول اسبوع بس توضي بملح وماء بعدين سوي مايلي هاتي علبه عايدين احمر بتاع الجروح وصبيه في علبه ماء فاضيه اصغر حجم واضيفي اليه مره مطحونه ناعم م ص ........... واستعمليه كمطهر مرتين باليوم ص+م وابتعدي عن الديتول والله انه يحرق ولا يسوي شئ واذا وصفلك الدكتور اي مطهر وانتي طالعه من عنده قطيه باقرب زباله على يسارك
بعد عشر ايام سخني زيت زيتون بعد ماتطفي النار اضيفي عليه شوي خواجواء +مره وكلها مطحونه وعبيه في علبه ماء فاضيه
نجي للاستعمال :
كل ماغيرتي امسحي منه على الفوطه الجديده والبسيها ............الفائده
يحميك ايضا من الشمم ويسرع في تخياط اللحم ويلين الخيوط علشان تذوب او انها تطيح
4-اهتمي بستعمال الخلطات الطبيعيه ووضع الماسكات وكذلك لاتهملي الزيوت بالنسبه لشعرك والمنتدى مشاء الله مليان منها
5-يووووووه نسيت اقول لكم الكبو في ناس تمدحه وناس تسبه نصيحتي شئ ماتعرفينه لا تجربيه
6-النفاس ماهو مرض علشان يخليك طول الوقت متسطحه بالفرشه يعني عشر ايام كافيه بعدها خوذي جوله داخل البيت بس لاتشيلين الثقيل ولاتجهدين نفسك
7-بالنسبه للحزام فكيه كل ليله لاتنامين فيه واول ماتصحي اربطيه
8-الملابس الحلوه اللي انتي ناويه تلبسينه بعد الاربعين اشتريه بعد 30 يوم لانه ممكن يتغير وزنك .........على فكره الرجيم بالوقت يضرك اكثر من انه ينفعك والله انه يجيب لك امراض انتي في غنى عنها ..........
واخيرا دمتم بصحه وعافيه
منقووووووووووووووووووووووووووو وووووووووووووووووووو ول
__________________
موضوع اخر للامساك و التضيق..
قالت تاخذين على الريق الآتي تخلطين (ماش +فلفل أبيض +زنجبيل )طبعا كله مطحون وبنسب متساوية !
ثم تاخذين قد ملعقة صغيرة من تلك الخلطة مع حليب حار وتخلطينهم مع بعض +سبع تمرات وبسسسسسسسسسسسسسس!
طيب انا سألتها عن كل واحد منهم بالضبط وش فايدته ؟
قالت التمر +الحليب حق الإمساك راح يكنس معدتك كنس ويشيل الالتصاقات اللي فيها !
والماش معروف فوائده للظهر وجبر الكسور يعني مثل الحلبة والزنجبيل معروفة فوائده أيضا والفلفل الأبيض يا عيني عليه !كيف ما نعرف فوائده ؟قالت لي تعرفين ليش الاندونسيات زينات من تحت علشان الفلفل الابيض علشان كذا قلت لك شغالتك لا تعرف بالوصفة والله لو تدري انك تاخذين فلفل ابيض ان تصكك عين لانهم يقدسون شيئ اسمه فلفل ابيض !يعني اللي فهمته من الممرخة انه ممتاز للخوا (صوت يطلع من الفرج )وقالت هو بشكل عام مفيد للمرأة ولازم تاخذه على طول تراه مفيد مفيد مفيد بكل ما تعنيه الكلمة من معنى وراح تشوفون فوائده واضحة عليكم !
..ملاحظات هامة ..
_الفلفل الأبيض يختلف عن الفلفل الأسود اختلاف جذري ولونه بهد ما تطحنينه سكري أو بيج !وتراه اشد حرارة من الفلفل الأسود !
_الحليب اللي ما تبغى السمنة تاخذ قليل الدسم او منزوع الدسم !
_التمر اللي ما تبغى السمنة تاخذ السكري حق الثلاجة !
_انا بصراحة في البداية ما تحملت الفلفل الأبيض والزنجبيل فقللت مقاديرهم يعني (كأس ماش _نصف كأس زنجبيل +نصف كأس فلفل أبيض )وخلطتهم مع بعض وحطيتهم بثلاجة غرفتي !
_استمريت على هذه الخلطة اربعة شهور والكل لاحظ التغييرات وأولهم ابو الشباب والكل يسأل لكن كنت اقول سمنة لا أكثر !
..
"""""منقول للفائده من العضوه ام رغد و امل ورابية جزاهم الله خير """""
خلطات للحامل
يوميا دلكي جسمك بالزيت مثل زيت السمسم
واستخدمي زبده شيا من بودي شوب
وافركي جسمك بالليمون وملح الحليب كل اسبوع
واستخدمي ليمون مع عسل للوجه والرقبه
او ماسك الحليب مع الشوفان والعسل
واهتمي بانك تشيلي الشعر الزائد من الجسم
وابتعدي عن التعرض المباشر للجسم وقت الظهر وتعرضي لها وقت العصر لانها مفيده
واستخدمي واقيات الشمس للوجه
وكمان زيت جنين القمح للوجه والايدي
وممكن خلطه خل تفاح مع عشبه لسان البحر اذا كنتي تسمعي فيها تدلكين فيها ايديك وفخوذك لانها تنحف وماتضر بالبيبي وكمان تساعد على التخلص من لشعيرات الدمويه اللي بالافخاذ
وممكن تستخدمي ليمون مع الجلسوليد يوميا على الجسم
ورح تلاحظي النتيجه لما تولدي تكون بشرتك متوهجه وتصفى بسرعه
وكمان لا تنسي التغذيه مهمه جدا
كثري من شرب المويه واكل الفواكه والخضار والاسماك
وفي الشهر الثامن والتاسع كلي النشويات والكربو هيدرات لانها تسمن البيبي وتحافظ على وزنك
ولا تنسي تشربي مابين اربع كاسات من الحليب او اللبن او زبادي عشان ما ينقص الكالسيوم
والله يحفظك وتقومي بالسلامه
وهذي خلطه زيوت للشعر تطول وتنعم وتقلل من التساقط
http://*****************.com/showthread.php?t=543710
- بعد الولادة
أولاً : العنايه بالبطن
بعد الولادة المرأة تحتاج الي عنايه مستمره من أجل ان تعود لرشاقتها ويبدأ بالاسهل , وخصوصاً من ناحية البطن وترهله , بعد الولاده يجب ان لا ترهقي نفسك كثيراً لكن بأمكانك ان تقفي مستقيمه وتشدي بطنك الي الداخل وحتي وأنت جالسة , اجلسي باستقامه واشفطي بطنك الي الداخل وأيضاً وأنتي تمشين قومي بنفس العمليه ستلاحظين ان عضلات البطن تشتد وستشعرين بذلك , ولا تلبسي المشد الخاص للبطن لانه يسبب الترهل ولكن بامكانك ان ترتديه لساعتين تقريباً علي ان يكون في الوقت الذي تمشي أو تقومي بعمل رياضه , وتجنبي تناول الأطعمه مثل ( النشويات – والجبن القديمه – والأصناف المطهوه بالصلصه المسبكه ) .
تناولي الفواكه وأيضاً الفواكه المطهوه علي ان تكون محلاه بالسكر وأيضاً الخضروات والخضروات المطهوه والزبادي الخالي من الدسم .
أسهل تمرينين للبطن :-
حاولي ان تقومي بهذين التمرينين وهذا لا بد منه من أجل شد البطن حاولي فبالإصرار سوف تصلين للمراد
• أجلسي علي الأرض ويداك عند خصرك وركبتاك عند ذقنك ثم أحني أعلي القامه الي الخلف دون الوصول الي الأرض عودي الي الوضع الأول ببطئ وخذي شهيقاً .
• تمددي علي ظهرك ويداك علي الأرض وساقاك مثنيتان وأرفعي أسفل الظهر وشدي ساقيك وهما مفرودتان الي رأسك راعي ان تتم هذه الحركه ببطئ شديد وكرري هذا التمرين عشر مرات دون توقف ولو تملكين أي اَله للتمرين ستكون مناسبه لشد العضلات وتخفيف الأرداف والأفخاذ لأنها ستكون عمليه , وحركيه في ثواني تحرك لكثر من عضله ولا تاخذي منك سوي عده دقائق , ايضاً لاتنسي ان تختاري الملابس الداخليه المشدوده لتساعدك علي إعطائك قوام مناسب , عند أستيقاظك من النوم تناولي ماء دافئ ويمكنك أضافة الليمون معه كل يوم ومع التمارين , وايضاً خلال هذه الفتره يمكن تناول مغلي الحبه فهو مفيده لما بعد الولاده .
المواضيع هادي من تجميعي كت اند بيس يعني منقولللللللللللله ها مستنيه الدعوات.
07-18-2011, 07:44 AM
رد: تجمع الكروشات اللي موعد ولادتهم شهر * رمضآآن * 1432
deme 
جديد منتدى إستفسارات مرحلة الولادة
العرض العادي
