دردشة بنات ليبيا , دردشة حوامل ليبيا , تجمع بنات ليبيا

أم أجنادين 80 · 06-09-2013, 09:18 PM

سوسو بالنسبة لموقفك
راي شموسة وامولة كويس وانتي حسب علاقتك بيها المرأة
بس انا صارلي موقف خلاني معادش نمشي الا لما نتأكد فيه لمة او مفيش
لو فيه نستني لغاية اللمة لو مفيش نمشي بعد اسبوعين حتي تكون النافس ارتاحت وجهزت نفسها لأستتقبال الضيوف

أم أجنادين 80 · 06-09-2013, 09:30 PM

حتي انا بنستشيركم
عندي عرس ولد عمتي قريب وطبعا بنمشوا لما بيرفعوا الكسوة
مش عارفة شن بنلبس نبي لبسة حلوة وفي النفس الوقت مااتعبنيش في الحركة
في الاول قالوا في الليل قلت كويس انصدر ونمشي في الصدرة وبعدها قالوا هكي
بتلخبط الكسوة علي نجمتنا والضيوف يلوا بيجوا
مش معقولة بنصدر من العشية ونقعد الي غاية الليل
وهما قالوا عرس بسيط مش كبير ...
انفكر نلبس رداء حرير وعليه بلوزة جوبير بسيطة واخدتها في العرس الحق معنديش قفطان خليجي لانهم مايطلعوش عليا
انا مش طويلة هلية ورقيقة ,,
ولا نلبس بدلة رسمية باهي لو لبستها شن بنلبس لما بتجي العروسة ونستقبلوها ؟؟؟؟؟؟؟
نشري قفطان مانفكرش نشري مش وقته عندنا امور حايا اهم

أم أجنادين 80 · 06-09-2013, 09:33 PM

هدا شبيه بقفطاني بس انا الكرستال علي الصدر فقط امركبتله جاكيت
لونه سكري صح في من قال زي الفيلوا بس انا كسرته بالأكسسوارات علي الأحمر والكندرة حمرا
وكنت صابغة شعري اشقر فاتح
وظلالي كانت ذهبي وعنابي واسود والشفايف احمر فاقع
مشيت للمزين بس اتشحورت هلبة لانه كان غبرة ودرجة الحرارة مرتفعة وانقطعت الكهرباء

أم أجنادين 80 · 06-09-2013, 09:41 PM

أم فراس خليك علي قناعتك
هدوا فكروني في البنات ايام كنت نقرا في الثانوي طول السنة لابسين حجابهم
ولما اتصير رحلة مدرسية اتشوفي العجايب الشعر مستشور والبنطلونات والنظارات كأنه ربي مش موجود في الرحلة
او يلي يسافروا لتونس اتغير لبستها كله

dr.loly · 06-09-2013, 09:54 PM

هلا جنووودة ...بم ان الفرح زي ماقلتي مش كبير البسي بدلة رسمية للأفراح افضل من الردا هذا رأيي وبعدين العربي او الصدارة تبي لف وقنط وذهب يعني اثقل في الحركه والجو صيف ف نفس الوقت ... واللبسة الاخري خليها فستان مثلآ شيفون هك وغيري استايل شعرك اللي درتيه ع البدله ...
وبالنسبة للناس اللي تتغير سبحان الله حتي ايام ثانويتي شفت نماذج هكي حتي المدير نذكر انصدم فيهن خخخخخ

dr.loly · 06-09-2013, 10:01 PM

أم أجنادين 80 · 06-09-2013, 10:02 PM

ام فراس فهمتيني
انا بنمشي الاربعاء للكسوة العصر يعني بنرفعوا للعروسة ملابسها وذهبها وبنروح وبنرجع في الليل
وبتكون نجمة في الليل يلي يجوا فيها الصدارة
ويوم الخميس المغرب قبل مايجيب العريس عروسته

أم أجنادين 80 · 06-09-2013, 10:07 PM

ام فراس لو عندك مواقع لتعليم اللغة الأنجليزية كويسة
بالله عليك حطي روابطها
حتي نستفيدوا منها

dr.loly · 06-09-2013, 10:23 PM

اقتباس:

المشاركة الأصلية كتبت بواسطة أم أجنادين 80

ام فراس فهمتيني
انا بنمشي الاربعاء للكسوة العصر يعني بنرفعوا للعروسة ملابسها وذهبها وبنروح وبنرجع في الليل
وبتكون نجمة في الليل يلي يجوا فيها الصدارة
ويوم الخميس المغرب قبل مايجيب العريس عروسته

اوبس..النجمه مافهمتش بجد... رفع ملآبس العروس فهمته وممكن هنا تلبس رسمي افراح..
النجمه عادة شن يلبسوا فيها هل العريس؟

أم أجنادين 80 · 06-09-2013, 10:30 PM

النجمة او الحنة الكبيرة عند العروسة او السهرية يوم الأربعاء في الليل اليوم يلي قبل مايجيب العريس عروسته

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM