دردشة حوامل الأحساء- تجمع بنات الأحساء - الحسآويآآت

[نفيخه]

يماا اكيد خفتي زهور
كيف صارت حالتج يوم شفتيها راحت على جنب

[حمرة الورد]

هلا زهور كيفك
الحال من بعضه لي 6 شهور من ولدت والشهر هذا جاتني مرتين مرا 3 ايام ورجعت نزلت بعد اسبوع ايام وظلت معي 10 ايام وخايفه حدي بس ان شاء الله لخبطه هرمونات

[نفيخه]

شووفي حمره روحي المستشفى
لاانه يوم رحت قاعده يمي ووحده وتقول كل ماخذتت اسبوع ولا اسبوعين تنزل عليها
ووتعبت قالت لها الدكتوره ذا خراب النفاس الله يستر
بس ان شاء الله مو خراب

[زهور.]

نفوخ طليت اصيح على الصامت وارجف من حالتي دخلوا غرفه الولاده ابوي وامي الدكتوره انكسر خاطرها علي وزوجي يمي تعب يومين بالمشفى وياي ماطلع تخيلي ابوي دخل والسرير مغرق ماي وعفسه بس لصرتي تعبانه ماعليج حرج ابوي يمسك ايدي ويقرا علي ويصيح وامي تصيح من الجنب الثاني

[زهور.]

انقهرت انه الطلق زلزل ظهري وخواصري اقولها حطي صناعي قالت مااقدر فيج طلق ليش احط صناعي واتعبج زياده وظليت اتلوى الله ياجرنا

[نغم]

هلا انا جيت ها السهره صباحي ها شو الاخبار والله عديتو واجد صفحات مالي خلق أرجع ورا

[حمرة الورد]

الله يستر المشكله جميع ولاداتي لازم يصير شئ المرا اللي قبل صابني نزيف بعد الاربعين 3 شهور تعذبت رحت المستشفى قالت لي انا بطانه الرحم لساتها سميكه وهي مسببه النزيف وكمان فقر الدم لانه دمي 8 تقول المفروض يرتفع بعد الولاده بس المشكله المرا هذي ماجاتني بعد الاربعين الاهذا الشهر

[زهور.]

هلا نغم شخبارك .."

[حمرة الورد]

زهور
يمكن انك رحتى المستشفى بسرعه انا مثلك الطلق ظل يومين وماكان فاتح عندي وفجاه اختفى عني الالم كم ساعه ورجع ويوم رحت دخلوني على طول ما طولت

[نغم]

هلا هلا زهور شنونك وشنون البنوتات الحلوات أحس مالي خلق شي الليله اول ليله زوجي يداوم فديته وعاد ويع أبتدا اسبوع الشقا