حبيباتى سيدات ليبيا تفضلو لأعرف ما حالكم

[هدية الخالق]

شن الجو
شن في عندكم في طرابلس ؟
حسيت انكم تسألوا علي بعض بطريقة مش زي قبل
كأنه في حاجة صايرة
قولولي شن في ؟

[أثري في مدادي]

هديـــــــــــــــــــــــة
مبارك على سليفتك الوليد ،،،،،،،،،،،،،
وأشجعك وبقوة على الحمـــــــــــــــــــــــل
وربي يسهلك أمركـــــــــــــــــــــــــــــــــ ~~~~~~~~~~~

جي جي
ربي يعطيك صحيحتكــــــــــــــــ
وطيب ،،،،،،،،، إنك مشيتي للعرس وأجبت الدعـــــــــــــــوة ،،، مأجورة إن شاء الله
والحج منو بيمشي ؟؟؟
مش عارف ما ركزتش عليها هذه المعلومة ؟؟؟
عجوزتك وسلفك وسلفتك ؟؟؟

أم فروســــــــــــــــــــــي
شكرا على الاهتمام والرد ،،،،،،،،،،،،،،
ولاباس على السمحة لولو ،،،
أنصحك أيضا برقيتها ،،، فأغلب العين تأتي على الوجنتين ،،،
إقرأي عليها المعوذتين وآية الكرسي
أو إقرأيهم في كفيك وانفثي في كفيك وهما مضموتان ثم امسحي بهما على ما أقبل من جسدها ، بداية من وجهها

أوشـــــــــــــــي
اللهم بارك النس زايطـــــــــــــــة ،،، زرادي ودهوير
ربي يدوم هناكم ~~~~~~~~~
وين مشيتوا ؟؟
ومتى مشيتوا ؟؟؟
وشن رفعتوا ؟؟؟
خخخخخخخخخخخخ قصقصة
نبي نعيش معاك الزردة ~~~

[أثري في مدادي]

لا إن شاء الله مهناك إلا الخيــــــــــــــــــــــــــــر

مناوشات بين الزاوية وورشفانة

أني نفسي
نلقط في الدوة تلقيط

وما علينا إلا بالدعااااااااااااااااااااااااااااااء

[أم أجنادين 80]

والله كل يوم بخبر مفزع

[أثري في مدادي]

الإستقامة ليست لحية و قميص، حجاب و نقاب فقط ..

وإن كانوا غلاف للجوهر

ولابــــــــــــــــــــد منهم ،،،،، ولكن .........................

الاستقامة عندما تسكت و النّاس يغتابون ..
تغضّ بصرك و النّاس يحدّقون ..
تتألّم و النّاس يضحكونً ..
تتعلّم دينك و النّاس يُفتون ..
تتبع و الناس يبتدعون ..
تُبيّن و النّاس لا يفهمون ..
تنصح و النّاس لا ينصحون ..
تقترب من الله و النّاس يبتعدون ..
تخاف الله والنّاس في غيهم يعمهون ..
صامد و النّاس بالواقع يتأثّرون ..
أي في غربة و النّاس من حولك مجتمعون .

منقول

[أثري في مدادي]

طمنينا ماذا هناك ؟؟؟؟

جنووووووووووووووودة

[أم أجنادين 80]

والله علي اعصابي

حارقني هالشباب اللي يضيع في عمره علي مناوشات مافيش منها الا الدم

وترجيع البلاد للخلف

ربي يهدي ولاد الزاوية وورشفانة

[dr.loly]

السلام عليكم ورحمة الله وبركاته

[dr.loly]

بارك الله فيك اثري ع النصيحة وان شاء الله خير..
واخدودها تةا هدن شوياا..بس يزيدن فجأه..

[أم أجنادين 80]

من بكري صوت رصاص
وقبل شوية اصوات قوية قوية

طبعا من يوم الخميس سمعت بمناوشات بين الزاوية وورشفانه

والقصة حول مستوصف والله اعلم من الغالط

انا نسمع في الأخبار ونلقط تلقيط

وعارفين وسطنا الليبي في نقل الاخبار مرات صح او غلط

يوم الخميس انقتل ولد من الزاوية وحتي اليوم مشيت لحوش عمي القيت عمتي

كانت تعزي واحد كان مار بالصدفة جت فيه رصاصة

وسمعت ان قذيفة وقعت علي شخص

والله اعــــــــــــــلم