تجمع حوامل سوريا-دردشة ورود سوريا-دردشة الغاليات

[وردة سورية]

حبيبتي هايدي قريت قصتك بالتفصيل
انا من اول ما تعرفت عليكي كنت حاسة انو انتي حزينة وفي شي مدايئك
حبيبتي الله يعينك ويصبرك على عمتك وعلى زوجك
ما بعرف شو أقلك
حبيبتي ما تقولي انو بس حماتك هيك
انا بشهد انو ما في حماية منيحة
بس هلاء اذا هي كانت هيك نحنا ضروري نكون متلهن يعني
انا اول ما تزوجت حماتي كان ما في منها
وكانت تعتبرني متل بنتها والله كل الناس تحسدني عليها بس لما تغربت ورجعت على سورية كم شهر
كانت حماية غير ما بعرف شو صرلها انقلبت من فوق لتحت حكيها معي بلا نفس تعاملها كلو غلط والله لمدة شهر ونص على هالحالة وزوجي متغرب ما خبرته شي دائما يسئلني شو بكي كنت دايماكارهة حالي وحزينة بس ما اقدر اقلو شي لانو ما راح اقدر اشرحله عالتلفون وخصوصي انو بحب امو كتير فانا متاكدة انو ما راح يسمعني من اصله
بس انا ما صرت متلها انا بالعكس اتقرب منها اعمل قهوة واشرب معها وهي تنبسط وواقعد اسولف معها وهي تنبسط بس ترجع للاول تنقلب
انا ما قدرت اتحمل هالشي لمدة شهر
صار موعد سفري وما بعرف حماتي ليش هيك لساتا
بس قعدت معها وقلتلها يا امي شو مزعلك مني تخيلوا هي منظرها حسيتها بتبكي ما بعرف ليه
قلتلي ليه ازعل منك وقعدنا نتعاتب وبالاخير ضمينا بعض وقلتلها سامحيني اذا زعلتك قالت انتي ما زعلتيني بس انا كننت تعبانة شوي
عاد انا مرقتها ولما سافرت خبرت زوجي بكل شي وهو قرر انو ما يرجعني عسوريا ويخليني معه
هلاء قلتلك قصتي لانو ما في حماية منيحة
بس عاد احنا بدنا نعمل المستحيل كرمال بيتنا ما ينخرب وبدنا نتحمل
عارف انك كتير مدايئة وحماتك وحدة كتير متسلطة بس لا تخافي اذا عندها بنات والله ليصير فيها متل هي ما عم تسوي فيكي كما تدين تدان
حاولي انك تكابري عحالك اجلسي معها وحتى لو كانت صعبة عليكي كلميها ليش تعاملها معك هيك قليلها امي بعيدة عني ومالي غيرك وغير زوجي حنينها عليك
انا بقلك انو المفتاح بيدك وفيكي تملكي حماتك وزوجك تقربي منها عملي متل ما بتحب ارضيها وارضي زوجك امدحيها قدام زوجك حبيبه فيك ممكن تغيريه بتعاملك هاد
وراء كل رجل عظيم امرأة ممكن تكوني بسبب تركه للمشروب وتبعديه عن المعاصي على الاقل كرمالك مهند شو ذنبو يجي على دنيا فيها مشاكل وما فيها استقرار
لسى معك فترة اعملي المستحيل كرمال ابنك صدقيني
وبس تحسي انك مقدمة على مواجهة معها سوف تؤدي الى مشكلة قولي كما كان يقول رسول الله صلى عليه وسلم
كان إذا خاف قوما قال اللهم إنا نجعلك في نحورهم ونعوذ بك من شرورهم

طولت عليكي الله يسهل امورك ويهدي بالك ويكفيك شر حماتك

[وردة سورية]

رنووومة يا عمري منورة بطلتك الحلوة
مبروك ان شاء الله لا خوكي
عقبال ما تفرحي ببناتك ياقلبي
ربي يحميلك بناتك

[وردة سورية]

سيلا حبيبتي ما شاء الله شو هالنشاط كلو
ربي يسعدك يا قلبي
زهورة حبيبتي ان شاء الله تكوني حامل يارب
ام ملاك كيفك وكيف بنتك والببو ربي يقومك بالسلامة
سروءءة حبيبتي ربي يقويكي يلا ارجعي انا بتنشط لما شوفك بينا
جوري وهديل وين غاطات
يا بنات انا ما عم قدر فوت كتير زوجي شغله خفيف ودايما عندي
بس كتيييييييييييييييييييييير عم اشتئلكن

[hadeel al rouh]

صباح الخير للكل كيفكن حبيباتي اخواتي في الله يارب الجميع بخير ومن في بطونكم بالف خير ياكريم
انا صليت الفجر وقلت رح ادخل سلم عليكون بس مالحقت اقرا الي فات علي لاني داخلة من الموبايل بس فهمت انو هايدي واقعة بمشكلة كبيرة مع زوجها ‏

انشالله خير يارب ماحدا متهني لسا فوق تعب الحمل اوووف الله يعين

كيفكن سللولة ووردة وزهرة انشالله مااجت الدورة ‏
وعبورة وجوري ورنومة وام عاشئة وام ملاك انشالله يارب كلكون بخير

انا كنت عبشتهي كتير على لبن الغنم يلي متل تبع سوريا يابنات وحتى شوفو بنومي بس لما فيق مااتذكر طعمو انزعج لانو هون مابيلتقى الا نادر متل بضاعة سوريا بس الحمد الله رب العالمين اليوم خالي وجوزي جابولي لبن كتير بيشبهه لبن سوريا وحامض وفيه لسعة بجنن اكلت منو لشبعت الحمد الله منيح الله هداهون لمحل منتجات سورية والله كنت خايفة الولد يطلعلو شي وحمة ههههههه بيضة على كتر مافكر باللبن السوري وخصوصي البلدي ‏
هففففف الحمد الله فضيت شهوتي ‏
يلا تصبحوا على خيييييير بشوفكون بكرا وبقرا قصتك هايدي وانشالله يارب مايكون فيكي الا الخير

بامان الله حبيباتي

[hadeel al rouh]

مرحبا سللولة روحي شلونك اليوم ياترا اكيد انبسطي على رجعة الخطوط والنت بادلب ‏
اي لكن لان في زيارة متوقعة للمراقبين بقا بجيبهون كم يوم ‏
حسبي الله ونعم الوكيل
الله يهدك يابشار

[silla]

اي الكل كاشف اصلا هالقصة الله لا يوفقن رجعوهن كرمال جية المراقبين

بس هلئ كنت بدي احكي معك قلك انو في لبن متل السوري ولما كملت شو كاتبة اطمنت عليكي ههههه
انا صايرة مابطبخ غير فيه شيخ المحشي او الشاكرية
قال كنت جيب من هاد المحلون هههههههه

يلا ياستي ... المهم اكلتيه وصحة ومية هنا

[silla]

وردة شايفة نشاطي بس دايما عم كون لحالي بحكي وبيطلع صدى ع قد مو فاضي التجمع
واااااااااااااااع

[silla]

وليييييييييييييي هايدي بدي نتفك
بدي موتك واقضي عليكي

عاملة كبب ياااااااااااااالله فارط قلبي ع الكبب رح مووووووووت ع مااكلن
بس ماعندي الماكينة وااااااااااااااااااااااااااع

ابعتيلي والاااااااااااااااااااا مابتعرفي شو بصيرلك هااا

[زهرة الحب]

مسا الخير يابنات كيفكن؟
رنوومة الف مبروك خطبة أخوكي والله يتممله على خير
أنا ساكنة بالسيدة زينب من فترة انتقلت عليها وبصراحة مالي حابة المنطقة بس شو بدي اعمل هون صار شغل زوجي مطرة انتقل
كيفها لجين الله يعطيكي العافية يارب ويقويك جسمك ويخليلك بناتك
هدولة كيفك ياحلوة ايه والله اطيب شي لبن الغنم أنا بحبه كتير بحب كمان الشايط
هايدي انا جيت شفتك عم دوري علي قلت بلاماأعذبك ههههههههه
وصحة والف هنا على كبب
وردة ياعمري كيفك الله يسلمك وانتي يارب تكوني حامل شهر الجاي
سيلا كيفك ياقمر أنتي النشاط بحد ذاته الله يحميك ويقومك بالسلامة
جوري يمكن صارت بالشام الله يسرلها طريقها وتوصل بالسلامة
سرووءة كيفك وكيفها جووود الحلوة الله يحميها والله يشفيلك جرحك بسرعة مشان ترجعي تدخلي عالتجمع
أم ملاك وينك غاطة ياعسل اشتقتلك
أم عائشة شو ولدتي ولا لسا الله يسرلك ولادتك وطمنينا عنك
أنا اليوم فقت الصبح وعملت تحليل منزلي وطلع خط واحد والدورة لسا ما اجت والله احترت ومالي عرفانة والدكتورة اللي بتابع عندها ماتت وهلأ بدي اشوف غيرها بس ماعم ألاقي وحدة قريبة علي شو بتنصحوني يابنات؟

[ميآر [ مهند حيآتي ]]

هههههه سيلا يا عمري تكرمي ههه

يلا رح ابعتلك كل الطبخة ههههه

زهورة يا عمري كيفك

مشتااائتلك

يلا ياااا رب تكوني حامل ستني لتتأخر وحللي وبشرينا ^^