بنات شلونكم ؟ انا امس رجعت متأخره وهلكانه حيل ،، فيني نوم مو طبيعي ،، اشتريت كم غرض للبيبي واشتريت طقم نفاس من فينيسيا ،، عندهم شغلات روعه ،، وبعدها رحنا طابا واخذت كم شغله من هناك ،، واليوم بنروح الشاليه مع اهلي ،،
سيدرا ،، تسلمين حبيبتي ،، فديتج والله ربي يسلمج ،، ايوه وهذا اللي سويته اخذت ملابس الوانها محايده ،، واكثر شي الاصفر الفاتح ،، لما رجعت البيت اكتشفت ان كل اللي اخذته اصفر هههههههه ،،
دلع ،، ربي يسلمج ياقلبي ،، طابا حصلت ملابس المواليد تجنن ،، وحتى البطانيات حلوة ،، اخذت شباكيات كم قطعه ،، الوان محايده واخذت اطقم البدلات الكامله مع القبعه وكل شي الوان محايده ،، كان ودي اخذ ملابس بنوتات ،، لكن كنت اغض النظر هههههه للحين شاكه ،،
وهذا حالنا بعدين بيكون ،، نطهر ونبدل حفاض ونسهر عشان الاولاد ،، بس هذا كله اجر لنا ،، الحمدلله والشكر لك يارب انك رزقتنا هالاجر ،،
وعن سالفة التجهيز ،، حتى امي نفس الشي ،، دوم تقول لي هالجمله ،، وتقول اصبري مو زين الحين !! بس انا اشوف نفسي بصير ثقيله بعدين ما اقدر اخذ راحتي بالسوق ،، اشتريت شغلات بسيطه وان شاء الله اكمل لما ادخل السابع بعد رمضان ،، دام انج بتكونين تدرسين حزتها ،، حاولي تقضين شوي دام الحين انتي بالخامس والشغلات الضروريه ابتدي فيها بالاول ،، من طقم النفاس والاجهزة وبعض الملابس،، خلي الشغلات الخفيفه لبعدين ،، الله يتمم علينا يارب ،،
عيش الحياة ،، ماعليه شر ولدك ،، خذيه للمشفى ،، حاولي تعطينه موز شوي ،، ممكن يوقف الاسهال ع الاقل ،، ربي يحفظه لج ويحميه ،، وهذا كله اجر من رب العالمين والله يعيننا على تربيتهم ،،
انا المستحيل ،، ربي يعطيج الصحه والعافيه ،، على الطريقه الحلوة للاسهال ،، واول مره اعرف بها ،، ممكن تنفعنا بالمستقبل ،، ربي يهدي لج زوجج يارب ويسخره لج ،،
جنان ،، ياهلا فيج يالغلا ،، ربي يتمم لج على خير يارب ويقومج بالسلامه ،، ويقر عينج بالمولود في حضنج يارب ،، ويعوضج كل خير ،،
روح الورد ،، ربي يعطيج العافيه ،، حاولي تريحين نفسج شوي ،، والحمدلله انج تطمنتي على البيبي ،، وكل شي بخير ،، جربي عصير البقدونس مع الليمون ،، ينفع للدم كثير ،، وماعليج الا العافيه ،،
ام جنى ،، عليج بالف عافيه اللاب توب الجديد ،، الله يعطيج خيره ويكفيج شره ان شاء الله ،، وياهلا فيج بيناتنا ،، ربي يتمم لج على خير يارب وتقومين بالسلامه ،،
اعز الناس ،، انتي اكثر وحشتينا يالغلا ،، شخبارج ؟ وشلون البيبي ؟ وصدقتي يا مكثر الكراسي ،، انا كل ما امشي شوي زوجي يخليني اقعد ارتاح ،، وحتى بالسياره مريحني ،، انام واصحي وانا بالسياره ،،
ملكة بعيون زوجي ،، ترجعين بالسلامه يارب ،، وربي يعطيج الصحه والعافيه يالغلا،،
نوقا ،، ربي يسلمج يالغاليه ،، الطبق خطييير شكله لذيذ ،، صار بخاطري ،، عطينا طريقته يالغلا لو ماعليج كلافه ؟؟
شولولي ،، صباح الورد ،، شخبارج يالغلا ؟ وشلون البيبي ؟؟
اللهم سترك ،، ماتقصرين يالغاليه ،، فديتج والله خيرج سابق يالغلا ،، الحمدلله استانست كثير ،،
06-29-2012, 02:23 AM
رد: .·¤ تجمع الحوامل اللي ولادتهم في محرم¤·.
روح الورد 
جديد منتدى إستفسارات مرحلة الولادة
العرض العادي
