دردشة بنات ليبيا , دردشة حوامل ليبيا , تجمع بنات ليبيا

[أم ورد]

السلام عليكم كيف حالكم اليوم

[ليبياقلبي]

السلام عليكم اول شي ام روفيدة قلتي مافقدك حد انا لما نخش ديما نفقد فيك الحق ياحبيبة
مروسة خيرك العفو ساخنة علا المنتدى عادي وقت ويمر اهم شي انت نبوك معانا واحنا منقصديوش لما نتكلموا علا بني وليد احتى ليبيا شعب واحد ومنبوش زي ايام الطاغية بس انا عندي صديقة في بني وليد امس كلمت اهلها قالولها الهم الاخضر يرفرف بالله عليك قوقوللي كيف هي شن يبوا من القدافي وهو يبس كلنا نغلطوا مش ورفلة بس انا اهو خمسية والخمس فيهم الشحاحة يسلموا في الاسرى لمصرتة اولهم شيبانيه ملوح من رمضان لاىتحقيق لاشي

[ليبياقلبي]

سوسو شن اخبارك وكلامك لي قليته فعلا كلا صح وانا معاك بالله عليك يبو حال الببلاد يتغير طول بالله عليك هو الواحد لما يبغير حوايج من دولاب لي دولاب يبي وقت مش بلاد بحالها40 سنة جهل وتخلف بيطوروا انا اهو نعتبر مضررة بعد التورة شيبانه شادين التوار ومحققيوش معاه وبابا كان عنده منصب ماسك عميد كلية حولوه ورمى الاستقالة عليهم بس عمري مانقول البلاد خيرها لانا شميت هواء الحرية وربي يهدي البلاد

[ام قصى محمد]

انا توا قريت شويه صفحات متفرقه
وتوا انرد على الى قريته والباقى توا نقرا ونرد عليه
المهم مروسه حبيبه قلبى وسعى بالك انتى الاصل والله بجد
الله بنصر ثوارنا فى ورفله يارب ويثبت اقداهم وينجيلك اهلك كلهم يارب
ميمونه حبيبتى الله يوفقك وعافيتك اهل الذوق كله
لازم تدخلى تطمنى عليك
ام وسونه شن اخبارك كل سنه وانتى طيبه حبيبتى
سالى شن صار معاد مشيتى عاينتى عند الدكتوره
سوسو اسم عائشه حلو عادى سميه انا مسميه فايزه والله الاسم على صاحبه وبالعكس ام راجل توا تفرح بيك وبيها
الا بعيد السو على بنيتك
طمنينا عليها تبى تشيليها لدكتور او برد عادى شنى فهمينى

رغوده مبروك طهور وليدك لك زمان مغطسه

ام ناريز الله يرجع عمك عن قريب
وتفرحو بيه ويهدى سر البلاد

[ليبياقلبي]

ام سعودذي شن اخبارك ام ورد وام معاد والاء وراية وينها زهورة رغودة ميمو عيون وام ورفيدة وساليتو وايوتة ويارب مانسيت حد
حقا تسلم عليكم يقونة هيا حالها باهي توا اتصلت اطمانت عليها بس النت مدايرها فيها

[sosolibya]

السلام عليكم
كيف حالكم جميعا
والله ريحتينى يا ليبيا قلبى لانى حسيت ان فى حد فهمنى
هدا انتى المضررة ومعارضة مانا شن انقولوا على يللى ما وصل فيهم شىء وقاعدين خضر
والله انا مانبي انقول هدا الكلام كله
دوة المعارض والمؤيد يعنى المفروض خلاص خلاص ياسر صفحة سودة وراحت لحالها

[ليبياقلبي]

كيف حالك ام قصي

[sosolibya]

شنو شكله حبيبتى ميراس زعلت منى هدا لاش متعقدة والله ماهى مستاهلة حبيبتى والله لايجيب زعل
صحيتى يا ام قصى والله شجعتينى بالنسبة للاسم بارك الله فيك
بس قاعدة نبى تشجيع اكثر اكثر
شن ياحبى يا سالى مغطسة وينك شورك عطلتى بالمستشفى شن صار وشن قالولك انشاء الله خير
ويارغودة يارغودة كيف حال ولدك توا انشاء الله راقبتيه زى ما قلتلك ماتهزيش ع الموضوع
شج يا ام ورد كيف حاللك
وينك ياميمونة شورك لاهية فى الاقنعة معادش فاضية صدقينى حتى هكى حلوة
وين زهرة يا زهرة وينك والله فقدتك ولا شوره البيبي ينخس فيك

[أم ورد]

(الأخلاق والسير في مداواة النفوس ) لابن حزم ص 31

(( لم أر لإبليس أصيد ولا أقبح من كلمتين ألقاهما على ألسنة دعاته:
إحداهما: اعتذار من أساء بأن فلاناً أساء قبله.
والثانية: استسهال الإنسان أن يسيء اليوم؛ لأنه قد أساء أمس، أو أن يسيء في وجه ما؛ لأنه قد أساء في غيره؛ فقد صارت هاتان الكلمتان عذراً مسهلتين للشر، ومدخلتين في حد ما يعرف ويجمل ولا ينكر)).

[أم ورد]

تسلمي ليبيا قلبي بارك الله فيكي شيني أخبارك وكيف حال بنيتك
إنتي من الخمس صح