تجمع الحوامل الي بيولدون في شهر ذو القعده ^_^

[ام محمـــــد]

صباح الخير ياحوامل ذو القعدة
للحين ماستفتحنا الولادات
انا لي كم يوم بردت الطلوق و اعراض الولادة
ماشاء الله شكلنا بنولد بيوم واحد عشان قاعدين ننتظر
مو يقولون اللي تنتظر تعوشر
خلنا نغير سالفة الاعراض و نحول على سواليف ثانية يمكن نتسهل وحدة ورا الثانية قولوا آميييين

[جمره غضى]

اليوم باذن الله انزل الصيدليه واشتري بيتادين

لان مرهم ميبو يقولون المستشفى راح يعطوني ... عشان كذا ماشريته

بس معليش سوال ..؟؟

في كل مره ادخل فيها دوره المياه ( الله يعززك و يرررفع قدرك ) .. اطهر بالبيتادين واحط ميبو ... والا لااا
وكمان الى متى استخدمه لين تطيح الخيوط والا فتره النفاس كلها ..

معليش ياقلبي كثرت اساله بس مو عارفه شي :)

[كوينات]

بسم الله الرحمن الرحيم

السسلآم عليكم ورحمة الله وبركآته ..|~

كيف الحآل كرووششآإت الفرآششه



اليوم حبيت اعرض لكم مشتريآتي من الصيدليه لي وللبيبي
في فترة النفآس ان ششآء الله ,,

صورت لكم الآغراض كآمله ان شاء الله

عششآني وعدت البنآت بالتجمع انزل موضووع عن اغراضي للصيدليه بالصور
ويآإرب تسستفيدون من مووضووعي ومايصعب عليكم شيء
لأن كتبت واشتريت الأغراض المهمه

نبدأ


* أغراض البيبي



1/ حليب الطفل



حسب بحثي بالمنتديات لأني بكريه ومن تجارب الأمهآت لقيت هذا الأفضل واخذته

::


2/ مجموعة الأستحمآم (شامبو - بودرة - لوشن - زيت الجسم)





::

3/ مناديل جنسون المبلله

4/ فازلين أطفال



::

5/ حفآظات للبيبي



بحثت في النت ولقيت كثير يفضلون بيبي جوي على بآمبرز عشآن ريحة بامبرز ..

::

6/ رضآعتين بيجون صغيرة الحجم زجآج (للحليب - والمويا والآعشاب)

7/ لهآيه
اذا كنتي بتعودين طفلك عليهآ يفضل استخدامها من فترة الأربعين وتأكدي اثناء الشرآء انها تناسب الشهور الأولى

8/ حلمات سيلكون



::

9/ كرآت قطن من جنسون

10/ مسحآت طبيه
عششآن سرة البيبي



::

11/ بودرة لسرة البيبي



::

12/ مقسم الحليب



::


13/ أعوآد اذان



واللي تحب تضيف مقص اظافر للنونو .. بس انا مآشتريت

وزيت النآرجيل او زيت الزيتون عشآن اذا كان ولد وطهرتيه بتحتآجين لواحد من الزيوت ..

بقولكم نصيحه خذو اغراضكم من الصيدليات وليس من المحلآت التجاريه
لانهآ ترفع السعر وبالصيدليات افضل جودة وتاريخها طويل يكفي انها بصيدليه
انا اخذت رضاعات بيجون من سنتر بوينت حجم صغير الوحده بـ25 لقيت بالصيدليه الحجم المتوسط بـ23 ريال
صح الفرق ريالين بس شوفو الأستغلال
والله في اشياء غاليه بسنتر بوينت ولقيتها بالصيدليآت أرخص بكثثثير






* أغراض الأم

1/ مطهر بيتآدين

2/ كريم ميبو
أخذت حجم كبير




::

3/شفآط الحليب
من بيجون




::

4/ فوط للصدر




::


5/ منآديل مبلله كير فري (واحد بالصبآر - والثاني بالبابونج)




::


6/ ديتول

7/ صابونة ديتول للبشره



::

9/ فوط صحيه
مايحتآج أصورهم انا اشتريت كوتكس عشاني بحثت وكثير مدحوها ..

::

10/ بآقي أغرآضك الشخصيه
(شامبو- بلسم- مزيل العرق -فرشآة اسنان - معجون)

::

11/ مناديل كلينكس العآديه

أتوقع كذآ مآبقى شيء ..



اللي تسفيد من المووضوع
تدعي لي أن الله يسهل لي مآبقى من حملي ويسسهل ولآدتي وييسرها
وتكون ولآده طبيعيه ..
وان الله يسخر لي زوجي ويحفظ لي والديني واحبآبي



منقووووول للفايده وخصوصا البكريات

[مرهفة حس]

جمره بما انك بكريه
كنت اخاف لما اشطف انها تنفتح وضيعت نفسي دايم تلتهب علي ويطلع منها صديد
المهم مرت اخوي ماشاء الله عليها تقول اغسل بمويه عاديه وانا واقفه
طيب وتجيب كوب مويه دافيه وملعقة ملح خشن وتذوبه وتشطف الجرح موتتنقع بعدين تشطف بمويه عاديه برضو وهي واقفه

وتنشف المنطقه زين من البلل بربت على الجرح كذا مره لين تحس انها جفت
والي احس انها جريئه فيه تقول احط المرهم باصبعي وادخل في فتحت المهبل علشان الخياطه الداخليه تتعقم واحط من برى والبس الفوطه وبس تقول والله عشرين يوم الا الجرح تمام التمام
انا اقول لها انا يالله يالله اتجرئ وامسح الجرح بشويش كيف ادخل اصبعي
معليش احس تجرئة على الموضوع قلته علشان البنات يستفيدون والي عندها معلومه غير تنورنا نفيد ونستفيد

[كوينات]

وأعلمك طريقتي بالبيتادين اول ماتصحين من النوم خذي لك طشت صغير او غضار وعبي فيه مويه دافيه مره وحطي شوي من البيتادين وجيبي لك من الشاش قطعه صغيره او قطنه وغمسيها بالبيتادين الين تتشرب وبعدها امسحي على الخيوط بشكل خفيف
من قدام الين ورى وغيري القطنه وكذا مره مرتين كفائه وبعدين تنشفي زين على طريقة التربيت بدون لاتوجعين نفسك وتضرين الخيوط وبعدها اعصري المرهم على إصبعك وامسحي فيهاىالخيوط ع الخفيف وشوي حطي بالفوطه يعني مسحه
وفعلك ان شاء الله طيب
ومره لين جيتي تنامين وبس للأكثرية على نفسك علشان ماتخربين
وحبيبتي بما انك بكريه انتبهي من الإمساك لانها تخرب الخيوط حاولي تعالجينه اول باول
واذا تبين تعرفين ويلون تعالجينه عطيني خبر واقولك اما اذا تعرفين فماله داعي اقووول*

[مرهفة حس]

من شربت الحليب بالقرفه خف الالم الي معي شوي

[جمره غضى]

كوينات
ربي يسسسسسعدك استفدت من اللي كتبتيه عن اغراض الصيدليه ..

وكمان عن البيتادين الله يووووفقك حبيبتي ... ماقصرتي



مرهفه حس
تسلمييييين حياتي على النصايح بخصوص الخياطه

ماقصرتي ..


بالنسبه للمغص ... طبيعي انه توقف
يمكن كانت تهيات للرحم ووقفت
لانه لو طلق كان استمررر وزااااااد معاك الالم

[أمواج هادئة]

صباح الخير كروشات
wsswانا امشي وافكر فيك قلت يمكن ولدت الله يسهل عليها وبتجي تبشرنا
مشكلة الطلق البارد شكلي انا مثلك والخوف الأكثر إذا جاء البيبي يطلع اسكر عليها لأني خوافه حيل واخاف من الآلم مرررره
بخصوص الخيوط سمعت تتنقين بماء وملح وخل تفاح بعد ماتنشفين المنطقه تحطين مرهم ميبو وبعد20يوم تستخدمين المره
بنات انا كله اسألكم ولاتجاوبوني وإذا غبت عنكم ماتذكروني صايره شريره ههههههههه بسألكم تنزل مني افرازات خضراء عادي

[أمواج هادئة]

كوينات.. باقي من اغراض الطفل مقياس الحراره وكريم للتهاب الحفاظ
واخيراً انا خلصت تجهيز اغراض البيت والمستشفى باقي لي مره بس ومعجون وفرشاه وليفه
ماادري بيتادين اشتريه ولا لا؟و

وشرايكم بالفام المتين حلو لي ولا؟

[%ريحانة الدنيا%]

مرهفه - كوينات

الله يسعدكم يارب بجد افدتونا خصوصآ احنا البكريات وربي ماندري وين رايحين
جعله بموازين حسناتكم يارب

امواج
ياعسسل وربي مانسيناك بس ماشاء الله التجمع صاير شعله بسم الله عليه
احس تجمعنا طلقه حااار خخخخ الصفحه ورا الصفحه ههههههه
البيتادين حسب فهمي وحسب ماقالوا البنات انو مهم لتعقيم الجرح ياعسل
وانا بعد نفسك حايسه بالفوط مو عارفه وش اخذ
بس امكن اخذ يا سندريلا ياكوتكس
وبالنسبه للافرازات الخضراء ضروري تراجعي دكتورتك لانها في الغالب التهاب
لان مو كويس تولدي وهالافرازات موجوده