تجمع الشهور الاخيره

[بنِت النوُر]

عيون امها عندي وعندك خير تخيلي موصله 24 س نمت بس 4 ساعات وصحيت مفلله

[بنِت النوُر]

روم يمكن شد الالم الي تحسيه حاولي تريحي

[منااير]

بنت النور .. كل الاعراض اللي قلتيها صارت معاي نفسها واصعب شي صعوبة النوم اشتقت للنوم الهني اللي قبل كان اريح
بالنسبة للولادة .. بشوف انشالله ايش الاوراق المطلوبة وانشالله تدبر اعتقد يمكن اهم شي عقد الزواج ممكن
لكن كل شي بهون بس ما احتاج هالعايلة النحيسة اللي ازا طلبتي منهم طلبك يذلوا اهلك ويتشرطون لتقولي بس وكانك بتشحدي منهم استغفرالله
الله يغنيني عنهم ما ابي اشوف وجههم بالنفاس .. ويارب خير انشالله والله نفسي اولد مشتاقة لهاللحظة اللي بشوف فيها ابني يارب فرحني بشوفته ولاتحرمني منه

[غلاها بس يكفيني]

كيفكم بنات*
كل عام وانتم بخير وصحه وسلامه يارب
وأخيرا فعلنا الخدمه حسيت نفسي مقطوعة عن العالم بدون نت

مره وحشتوني أخباركم مع العيد انا الصراحة أبدا ما حسيت انه عيد من التعب*

ماشاء الله كثير صفحات فاتتني ماقدرت اقرأها كلها

ام تااالا*
الف مبروك يا عسل والحمد لله على سلامتك وسلامة البنوته تتربى ف عزكم يارب

اجمل سنيين*
الله يهون عليك يارب ويرزقك ولاده سهله ميسره وبكره تجي تبشرينا شكله نفس ماقالت بنت النور
البيبي يبغاك تصومين عرفه وكمان خلاك تعيدي ان شااءالله مايجي الفجر الا وهو فحضنك بسلامه

مناير*
ياعمري أحسك تفكري كثير وتوتري نفسك اتوكلي على الله وان شاء الله تتيسر أمورك *
والمستشفي أختي ولدت قبل سنه وهي عند أهلي ولا سألو عن الاب ولا شي بس هو اهم شي معاك بطاقة العائله قبل الولاده لو ما كانت عندك حاولي تطلبينها من زوجك من الحين للاحتياط *واسألي كمان ف المستشفي اللي ح تولدي فيها لو كان ضروري او لا
يارب ييسر لك أمرك ويفرج همك*

هدوش*
حاسه فيك نفس الالم حاسه فيه بس انا ع اليسار لدرجة انه مرات ماقدر المس نفس المكان من قوة الالم وكنت خايفه منه بس أختي تقولي يمكن راس الجنين ضاغط على نفس المكان*لانه الألم مؤ بالمعده لا فوقها من الجنب صح

[غلاها بس يكفيني]

عيون أمها ريتال*
توقعت ادخل القي خبر ولادتكم الله يهون عليكم وتقوموا بصحه وسلامه

عيون أمها انت رحتي كشفتي ولا لسه
وحاولي تغصبي نفسك ع النوم وراك سهره مع البيبي لو بس تتمددي *تريحي جسمك لانه اللي عندها بيبي ثاني يكون نومها اقل من اول بيبي *يارب بكره تبشرينا انتي وريتال

تومي *
ولدت ولا لسه*
مختفيه *!!!
يارب تكون بصحه وسلامه ويحفظلها البيبي من كل شر يارب


بنت النور*
الأوجاع اللي وصفتيها انا من الحين احس فيها لا يكون راح تستمر معاي للثامن*
خصوصاً الم الورك واحموضه أبدا ماتفارقني الاشيا الثانيه تروح وتجي الحمد لله على كل حال

[حكايه عطر]

حتى انا اشتقت لنووووم الكويس

[غلاها بس يكفيني]

بالنسبة للنوم أتوقع كل الحوامل يعانون منه
واللي عندها طفل كمان بزيادة محرومه منه احس كأنهم متفقين علي الوقت اللي ادخل بالنومه لازم تصحي بنتي واذا قلت بنام معاها البيبي يخرب علي يبدأ يرفس ويضغط علي من اسفل طبعا هذا غير الحمام اللي رايحه جايه عليه حتى زوجي صار يقولي افرشي عند باب الحمام ونامي أريح لك ولي ياحرام أزعجته بفكة الباب وسكته وانا كل شوي طالعه
حتى صرت ما أشرب مويه الا اول ما أصحي منن النوم وقبل ما أنام بساعه عشان اخفف شوي من الحمام بس مازال الوضع مستمر

[هموم الحياه]

سلام كروشات
مناير عندنا في السعوديه لازم كرت العايله الاصلي ماتخرجي الابه وتدخلين كمان به
اما الشخص اللي بياخذك ماعليهم فيه

[هموم الحياه]

سبحاااان الله حملي كان مستقر في الشهور اللي راحت
مابدت الامراض الا بالثامن
الله يأجرنا بس

[هدووش]

غلاها ايه مو بالمعده الآلم نفسي بالضبط حتى لما المس المكان احس يوجعني
الله يتمملنا على خير