دردشة حوامل مصر - دردشة بنات مصر - تجمع حوامل مصر

توتة السيد · 03-19-2011, 05:08 AM

نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده اول يوم ما شفتش حاجة... تاني يوم بدأ يعمل الاكل تالت يوم غدانى وعشانى بره
الزوجة المصرية: انا قلت لابو العيال انا مش هعمل حاجة في البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم ابتديت أشوف شوية بعيني الشمال

ايمان العليمي · 03-19-2011, 05:10 AM

قلبي بيوقف يا توته

خلي عنك شوي

رنا خالد · 03-19-2011, 05:10 AM

رانيا النهارده مدخلتش ياخساره
فاتتها نكت توته الخطيره ههههههههههه

ايمان العليمي · 03-19-2011, 05:11 AM

تحفه دي بجد

ربنا بقي يستر علي عنيها التانيه

رنا خالد · 03-19-2011, 05:12 AM

نو كومنت هههههههههههههههههههههههههههههه
توته انتي ايه يابنيه والله نكتك حلوه اوي
تصدقي ان انا بفكر اكتبها وخلي جوزي يقراها
اهو يفرفش شويه بدل ماهي ملامح الاسي علي وشه

توتة السيد · 03-19-2011, 05:14 AM

مرة واحد صعيدى حب انه يعمل زى العلما الكبار زى اينشطاين ونيوتن وايدسون
فقال لازم يعمل تجربة زيهم
فجاب ضفدعة
وقطع رجلها الأولى وقالها اقفزى فنطت
جابها مرة تانية وقطع رجليها التانيه وقالها اقفزى فنطت
جابها مرة تالته وقطع رجليها التالته وقالها اقفزى فنطت
جابها مرة رابعة وقطع رجليه الرابعة وقالها اقفزى فمش رضيت تنط اقفزى مش راضية اقفزى مش راضية
فقال ملحوظة:
"عند قطع ارجل الضفدعة الأربعة فإنها تفقد حاسة السمع"

توتة السيد · 03-19-2011, 05:15 AM

واحد بيقول لمراته تصدقى جارنا بيقول انه خان مراته مع ستات العمارة كلهم الا واحدة بس؟ قالت له اكيد الولية الرخمة اللى فى الدور الرابع

توتة السيد · 03-19-2011, 05:16 AM

مرة واحدة صحت من النوم الفجر ملقتش جوزها جنبها.. لبست الروب وقعدت تدور عليه لقته قاعد فى المطبخ وحاطط فنجان قهوه قدامه ومستغرق فى التفكير لاحظت دموع نازلة من عينيه سألته ايه الموضوع ؟ قاعد لوحدك ليه فى نص الليل؟؟؟
قالها فاكرة لما اتواعدنا من عشرين سنة ؟؟؟ قالتله اه فاكرة قالها: فاكرة لما شافنا أبوكي واحنا في العربية؟؟؟ قالتله: آه فاكرة قالها: فاكرة لما حط مسدسه في وشي وقالي يا تتجوزها يا اسجنك عشرين سنة؟؟؟ قالتله: آه فاكرة
نزلت الدموع من عينه وقالها: لو كنت دخلت السجن كنت خرجت النهاردة

ايمان العليمي · 03-19-2011, 05:17 AM

لولو صحيت وشالت البطانيه ونامت تاني

ههههههههههههههههههه

خايفه اغطيها تلعلع وتصهلل

رنا خالد · 03-19-2011, 05:20 AM

توته حسبي الله ونعم الوكيل ههههههههههههه
لولو هي 7 شهور دي ممكن يتشخط فيها تنام ولا لا
يعني امتي اقولها نامي وازعق لها تنام
ايه العنف ده هههههههه