دردشة بنات مصر , دردشة حوامل مصر , تجمع بنات مصر

[MALAK2010]

المشاركة الأصلية كتبت بواسطة Rania Negm

الصورة اكيد موش مظبوطة

هو فيه جيش بيلبس كوتشى ؟؟؟؟

وبعدين حتى ولو فى تجاوزات من الجيش

ماهم موش ملايكة وكا شئ ليه حدود

دا اذا كان احنا فى بيوتنا وعلى آخرنا

والستات ايه اللى منيلهم ومنزلهم من بيوتهم يخربيت كدا

تغور المظاهرات والثورة والنيلة اللى تخلى واحدة تنزل تتحشر فى الرجالة وتتمسح فيهم وتتزنق فيهم وتعرض نفسها للخطر

وبعدين دى فتنة وده قتال مسلمين لبعض

وفى الفتنة إلزم بيتك وامسك عليك لسانك " حديث "

مشوفتش انا مسلمين يقتلوا فى بعضهم واللى يموت منهم يقولوا عليه شهيد


انا مبقتش فاهمة حاجة خااالص

ازيك يا رانيا وحشاااااااااااانى انا بعتلك كتير على الميل وقلقت لما مادخلتيش بقالك كام يوم

بصى يا ستى اولا الصوره حقيقيه طبعا مش متفبركه ولا حاجه حاولت اجيب الفيديو بس مالقتهاش على العموم جبتلك جزء من برنامج فيه الفيديو






وبالنسبه لانهم مش ملايكه اه صحيح هم مش ملايكه بس مش وحوش اعوذ بالله من الوحشيه اللى فى قلوبهم ربنا يهديهم ايه القسوه فى الضرب وفى المعامله
هم شغلتهم يحموا البلد مش يضربوهم ويقتلوهم هتشوفى فى الفيديو كميه غل فى الضرب مش معقوله دول عاوزين يموتوهم من الضرب

وبعدين هم يقتلوا ويضربوا ويسحلوا ونقول تجاوزات هههههه

وبالنسبه ان البنت ايه اللى بينزلهاا بصراحه مش عارفه ارد لانى مش معاهم جايز اللى بيشوفوه من قتل وضرب واهانه للشباب بيشجعهم على النزول وتحدى الخطر
بس ايام الرسول كانت الستات بتنزل الحروب وتعالج الجرحى
بصراحه مش عارفه انا بحاول افكر معاكى
بس احنا برضه بنفكر بطريقه عكسيه يعنى نسيب اللى ضرب واللى موت ونمسك فى اللى انضرب واللى مات
هم الشباب عاوزين ايه صعب عاوزين تكون البلد كويسه مافيهاش فساد وسرقه ونهب
انا ماشفتش الجيش ولا الشرطه بتضرب بلطجيه كده يتشطروا على الشباب المسالم ويبهدلوهم ذنبهم ايه وذنب امهاتهم ايه االلى بتفقد ولادها



وطبعا الثوار اللى بيموتوا شهدا عند ربنا لانهم بيدافعوا عن الحق وعنى وعنك وعن اولادنا وعلشان البلد تبقى احسن
وطالما احنا مش معاهم يبقى على الاقل نساعدهم بالدعا ان ربنا ينصرهم

[رنا خالد]

رجيم بالتوته والكريم كراميل ده يبقي ايه
ممكن اخس الاسبوع ده ياتري ؟؟؟
سؤال يطرح نفسه

[رنا خالد]

اخش اعمل الاكل بقي لجوزي يجي يعلقني من قفايا
سلاموز ياللي مش هنا

[اسماء ف]

ملك انت عندك حق في كل الكلام اللي بتقوليه لو كل واحده مش عاجبها اللي بيعمله الثوار تفكر في ام الشهيد اي شهيد او مثلا الشهيد علاء اللي مات اول امبارح شاب زي الفل 5 طب زي القمر في ليله تمامه تحسي من وشه انه انسان صافي هتعرف انها بتكره المشير والجيش وكل اللي في حكم البلد دي حسبي الله ونعم الوكيل في حكام البلد

[رنا خالد]

ياجماعه ارجوكم بلاش نتكلم في السياسه عشان في الاخر بنزعل من بعض وكلامنا لابيقدم ولا بيأخر
اللي بأدينا اننا ندعي ربنا يحفظ البلد من اي شر
مش احنا اللي هانحكم مين الصح ومين الغلط
الله اعلم بكل شئ
واللي عايزه ربنا هيكون
لو ده عقاب لينا فنحمد ربنا ونفوق قبل فوات الاوان
ولو مش عقاب فيبقي قدر وبرضه نحمده في السراء والضراء
بلاها مناقشات لاهاتودي ولا هاتجيب
بس هانحرق دمنا علي الفاضي ونزعل واحنا حوامل وبنرضع والضيق وحش علينا
واللي تكتب كلام مش عاجب التانيه بلاش تعلق
مش عايزين نتقلب صفين
ناس معاهم وناس لا
بلاش ندي للشيطان فرصه يزعلنا من بعض
وماتقولوش مافيش زعل
لا بيحصل زعل فعلا
فياريت نتكلم في اي حاجه تانيه
بدل مانقعد نكتب صفح في السياسه ونضيع وقتنا
طب ماتيجوا نشجع بعض نعمل حاجه لله
وكل واحد يبدأ بنفسه ويفكر ازاي نضيع وقتنا هنا في حاجه مثمره
ياريت كلامي مايبقاش تقيل عليكوا
بس انا بجد مش حابه يحصل مشاكل بينا ملهاش لزمه
والله انا بحبكم في الله جدا وقصد كلامي الخير
ده جواب ده ولا ايه ههههههههههههه

[MALAK2010]

ليه تعليق على اللى انتى بتقوليه يا رنا ههه بس مش فاضيه الوقتى هههههه
بس كل اللى عاوزة افهمومهلك ان انا مش بزعل ابداااااااااااااااااا فى اختلاف الراى طالما الكلام فى حدود الراى وبس
وبتهيالى انتى اللى زعلتى المرة اللى فاتت

بقولكم سلمى ماشاء الله تقريبا مش ناويه تحبى وفضلت التسنيين الوقتى
اى حاجه تعملها الحمد لله
هى الوقتى سخنه حميتها وعطيتها خافض بس بسال هو كده خلاص ولا بعد مامفعول الخافض يخلص هترجع تسخن تانى
والسخنيه دى بتفضل اد ايه
ولو سخنت تانى اعطيها خافض برضه ولا اعمل ايه

[رنا خالد]

الف سلامه علي سلمي ويمكن السخونيه عشان في سنه هاتطق او ممكن برد
الترجيع اعتقد ليه دواء لو زاد عن الحد بس انا مش عارفه اسمه سما تقولك لما تدخل ان شاء الله
اما بالنسبه للزعل انا فعلا المره اللي فاتت زعلت ومش انا بس انا وكذه بنت شدينا مع بعض واكيد الشد ده بيضايق طب ليه
ليه نقعد نفتح في حوارات ومشاكل ونلت ونفتي واحنا اصلا مش بأدينا حاجه نعملها غير الدعاء
طب ماندعي احسن
وبعدين الجدال نهي عنه الرسول قال الرسول صلى الله عليه وسلم :" أنا زعيم بيت في ربض الجنة لمن ترك المراء وإن كان محقا....."
فبلاها بقي زعل وشد وجذب لاهيأخر ولا هيقدم
ده يخش يقول معاكي حق يافلان
والتاني يقول معاكي حق ياعلان
ونبقي صفين
طب ليه
مانتكلم في حاجه تانيه ونسيب السياسه لأهل السياسه
خاصة ان احنا اصلا مش سياسين وبنتكلم من منظور عاطفي مش اكتر
بس كده
فينكم بقي من الصبح محدش جيه ليه
ماتيجوا بقي الواحد عايز يرغي حبه بؤي واجعني من السكوت هههههههههه

[نولارا]

رناااااااااااااااا لسه هنا ولا اخدتى بوقك ومشيتى ههههههههههههههه

[رنا خالد]

نورا نورا نورا
هأكل لوجتي وجايه
اوعي تمشي بقي ياحاجه
لحسن بؤي نمل من كتر الركنه ههههههههههههه

[توتة السيد]

يابنات اللي يعرف حاجة يقولهالي بالله عليكم

البت نور غفلتنا وبلعت كبسولة من بتوع الحديد بتوعي

مش عارفة اعملها ايه اوديها للدكتور ولا اشربها ايه ولا اخليها ترجع

اعمل ايه اتخنقت مع ابوها علشان قاعد جمبها ولا باصص عليها

وانا كنت في المطبخ جيت لقيتها اخدت كبسولة مافيش غيرها في الشريط

علشان كده حطتها قريب علشان افتكر اخدها

ايه الحل ياربي حاجة تخنق لما عتبته زعل ودخل نام يارب استغفر الله