حبيباتى سيدات ليبيا تفضلو لأعرف ما حالكم

[sosolibya]

[sosolibya]

فروسة شفتك عند موضوع أثرى تعالى الى نا بسرررررررررررعة محتاجة أفضفض

[sosolibya]

فروسة تعاااااااااالى

[dr.loly]

السلام عليكم ورحمة الله وبركاته

[dr.loly]

خير ان شاء الله سوسو ... والله توا كيف خشيت التجمع كنت نقرا في المشاركات بتأخر الحمل وبعدها شفت اصغاري

[dr.loly]

المشاركة الأصلية كتبت بواسطة sosolibya

أنا مضاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااية



امتعينى ماقبلوش بفكرة ان السوريين يجو يسكنو عندنا

................

رفضو وبشدة..................

قالوا لراجلى لما تكون ساكن فى الحوازة بروحك جيب من تبى
بالرغم من اننا كنا مدايرين فى بالنا نديرو باب خارجى من صورنا يفتح عالشارع


بالله عليكم شوفو الموقف البايخ يللى نحطيت فيه اا وزوجى توا شن بنقولو للناس

ماتقواوش ليش مسألتوهمش من ألأول هو ممكن من الصح هكى بسفى نفس الوقت كنا متوقعين ان هذا حوشنا واحنا حريين فيه

بس................................................ ............

معقول بالله عليكم شوفو كيف فيه ناس غارقة واحنا كنا شبه قشة ليهم وتوا نفوتوهم هكى بلكل برود


قوللى كيفغ نتصرفو حتى زوجى مضايق قال أهلى ومعتبرين كلامهم صح ومانقدرش نقوللهم لا

كيف نديرو مع الناس حنا توا..............

يالله عليك موقــف محرج انحطيتــوا فيه انتي وزوجك قدام السورين...
واهل زوجكـ شن بنقول بس مانقدرش انلومهم وفي نفس الوقت وجعتني انهم حسسوكم كأن المكان مش ليكم وهكــي,,بس مافيش امل مثلآ انكم تقنعوهم .. بأنكم بديروا باب خارجي ع الشارع عنهم وصــور عشان يوافقوا.. لانكم تعتبروا عطيتوا كلمة للناس..
ولو ماوافقوش حبيبتي ولا يهمك قدر الله وماشاء فعــل..واشرحوا للسورين.. موقف اهل زوجكـ وساعدوهم في اختيار مكان يسكنوا فيه لو ماعندهمش مكان حاليآ...
والخيره في ما اختاره الله...
مرات هالشئ اللي داروه امتاعينك فيه خير الك والله اعلم ..
ولاتزعلي نفسك .. وحاولي تهدي بس من ضيقتك .. وتفكري كيف بتقولي للمراه ..
وانا متاكده انها ح تفهم لانها اكيد حست برغبتك بمساعدتهم..من طلبك لها يسكنوا عندك
وان شاء الله خير

[sosolibya]

ااااااه يافروسة مستحيل يقتنعو..

بس أنا مستحيل نقدر نقوللها كلمة

[جوهرة ليبيا]

لاحول ولا قوة الا بالله

قدر الله وماشاء فعل سوسو

الخيره فيما اختاره الله

انتي درتي اللي عليك وربي عالم بنيتكم الصافيه والمبادره الطيبه

بس علاش مستحييييييل تقتنع بالعكس المفروض توقف معاك زي موقفتي معاها وعارفاتك مش متعمده

وكلي امرك لله وخلي كل شئ علي ربي

وراي من راي ام فراس

وربي يطمن بالك

[جوهرة ليبيا]

قصدك علي متاعينك مستحيل يقتنعوا

نحسابك عالمراه ولاتحاولي خلاص

اصلا حتي لو وافقوا صدقيني بيدوروا ابسط سبب وبحملوكم المسؤوليه

فكان قدرتوا اتساعدوهم بارك الله فيكم وانتم درتوا اللي عليكم وربي يفرج عليهم

[sosolibya]

شكرا جيجي وفروسة لأنكم تحاولو تهدونى أناى خلاص معاش عارفة كيف بنتصرف وحتى راجلى يخمم طكيف بيطلع منها


تخيلو الموقف التافه ..

المهم اليوم صاحب راجلى سافر للأردن عشان جمرك سيارته وعأساس بيجهزلهم وش ويسجل الصغار

وطبعا جرى هو وراجلى قبل مايمشو على ورقة الاقامة وورقة الخروج والعودة

وسمعنا انه حتى الاردن أغلقت ألأبواب فى وجه السوريين وممنوع دخولهم
تخيلو أستغفر الله على قد ما موقفنا بايخ يقول راجلى إن شاء الله باش يقعدو هنا

بس أنا قلتله لالا كيفهم المهم الصغار يمشو يقرو وبعدين احنا نديرو حل