&*&تجمع أمهات المستقبل للمقدمات والمنتظرات نتيجة أطفال الأنابيب والحقن المجهري&*&

[ام الحلوين1]

إلى متى يظل تاثير الابره التفجيريه بعد ترجيع الاجنه؟؟؟؟؟؟؟؟؟؟؟؟؟؟؟؟؟؟؟

يعني في اليوم العاشر من الترجيع هل الفحص المنزلي لازال تحت تأثير الابره التفجيريه؟؟؟؟؟

[بنت نجد؟]

بنااات خوفتوني ولا وحده منكن نجحت العمليه

انا مرره خايفه واول مره بسوي العمليه وخايفه انها تفشل مدري احس يتجيني حاله اكتئاب وربي

مع إني عارفه كل شي بيد رب العالمين

بس مدري يجيني اوهام انها لو فشلت مدري شبيصير فيني رراح انحبط

لان ماعندنا حل بعد اراده رب العالمين الا اطفال انابيب

دعواتي لكن بالحمل ذا الشهر ويرزقكن قريب قريب قريب يارب

[مؤلمه]

نفس حالتيي بنت نجد قسسسسم اني مره خايفه واحاول مااافكر بس مدري وش بيصير فيني من بعد الترجيع لين يوم التحليل وبعد التحليل لو مايصير حمل احسسسس بنهبل

[Suki]

تفائلو بالخير مهما كثر البلاء


خلو ايمانكم بالله قوي

وحطو شي واحد ببالكم انو كل شي يصير هو خير وصلاح لنا من رب العالمين

لا تيأسو اتركو الموضوع لرب ودائما كونو متفائلين


الله يرزقني ويرزقكم*

[يارحيم]

لا من قالكم كلنا فشلت معنا؟؟ كثير اللي نجحت معهم شوفو اثري في مدادي ما شاء الله تبارك الله توها محلله قبلي وطلعت حامل وغيرها كثير.. تفائلو وصدقوني الصدمه شديده في اولها بعدين خلاص تتأقلمين عادي لا احباط ولا شي بالذات اذا كان ايمانك بالله قوي..

انا كنت ادعي ربي كثييير انها تتم وتنجح وبعدين باخر الايام قبل التحليل صرت ادعي ان ربي يثبت حملي اذا فيه الخير لي وينزل علي السكينه والصبر اذا ما انكتب له يتم.. وسبحان الله ما تم وانا موقنه انه هذا الخير لي (احنا ما نعلم الغيب يمكن كان هذا الجنين بيكون سبب تعاستي مثلا طفل معوق ولا عاق ولا يمكن ربي كاتب لي افقد هالحمل عشاني مقصره ومحتاجه حسنات كثير او لانه يحبني ويبي يختبر صبري وبالنهايه كله خير لي)..

وسبحان الله انزل علي السكينه من عنده.. ضاق صدري يومين فقط والحين الحمدلله بخير ومبسوطه وقاعده استعد للعمليه الجايه وراضيه بكل ما يقضيه ربي..

صدقوني اول مابديت كنت زيكم كنت اقول مستحيل اتحمل لو ما تمت وبنهار نفسيا.. لكن ربكم رحيم .. ينزل المصيبه وعزائها معها.. وكلوا امركم لله وفهموا انفسكم من الحين انكم راااضين بكل ما يقسمه ربي مهما كان.. ولا تنسون ان امر المؤمن كله خير.. تعرفون ايش كله خير؟؟ كللله خييييير.. المهم خلكم قريبين من الله بالدعاء والصدقه والقران طول العمليه.. الله يوفقكم كلكم ويفرحني بحملكم هالشهر ياااارب..

[عطري أنفاسك]

الله يرزق كل محرومه يارب آنا اليوم الثامن لي من الترجيع صحيت من النوم وعندي وجع قوي اسفل البطن مثل الم الدورة وخفت ورحت تكرمون دورة المياه اشيك بس الحمدالله ماشفت شي نزل مني ادعوا لي يابنات ربي يثبت حملي آن شاء الله وحمل كل منتظرة ياقادر ياكريم

[مؤلمه]

ياااارب ياكريم يفرح قلبك يارحيم وينجح عمليتك الثانيه
بنت نجد وسكن الروح وعطري انفاسك الله يرزقكم ب الحمل السليم

الله لا يضيع تعبنا

[نفسي في بيبي]

السلام عليكم اختي اثري في مدادي
كيف حالك مبروك سمعت انك حامل صح ولا انا قريت مقلوب ان كان صح ارجو منكي تعطني العنوان وين واما دكتور ارجوك بي التفصيل وكيف احساسك وكيف تمت الراحة ولا مارستي حياتك عادي وهل بنزل منك افرزات بيضاء اسفه كثرت عليك لكن والله نفسي احمل واحس اني انا طريقة راحتي خط اريد ان استفيد منكي وربي يتمم علي خير يا رب

[مؤلمه]

بالنسبه للايام اللي ناخذ فيها الابر التحضيريه
هل فيه نوع اكل معين او خضار او شي قالوا لكم الاطباء عنه او نوع اكل مفروض ماينوكل

انا صايره موسوسه لاخر درجه

[Suki]

انا الآن بنتظار الدوره الشهريه علشان ابدأ بالتنشيط

وادعي من ربي ان يكتب لي في هذا الشهر الحمل السليم لي ولكم يارب

وراح تكون هنا كل تجاربي بنقلها لكم اول ب أول ويارب خير ..:)