قصة ولادتي بتوتي...

[عذبة الروح]

مرحبا يالغلا شخباركم...
قصة ولادتي ان المفروض يوم الثلثاء8-2موعد الولاده بس طبعا ماولدت...
المهم انا خلال هذا الاسبوع يجيني تقلصات وتروح وكانت شديده ,فلما صار يزم السبت بالاسبوع الي بعده جاني زوجي ,وطبعا هذا الشيء اساعد على الولاده,المهم بعدها حاولت اني انظف البيت واشتغل علشان ماتجيني الولاده الا وكل شيء نظيف,فلما صار العصر من يوم السبت جاني الم شيديد بالحده يعني اسفل البطن لا يقاوم الالم وهذا كنت احس فيه من فتره بس زاد ذاك اليوم,المهم وظل معاي لين الليل,ولما صحيت الفجر اروح الحمام واشوف وانتوا بكرامه دم نازل علي طبعا انا هنا خفت واشتغلت المناحه عندي وكلمت امي وانا اصيح مع اني والده من قبل بس سبحان الله الموقف له هيبته,وصارت حالة استنفار بالبيت زوجي راح للدوام اوقع ويجي لان الطلق الي فيني بارد,ماحمى علي فنزلت عند ام زوجي تحت لانها كانت حييل خايفه علي وماحبت اني اجلس بروحي فوق...المهم شربت دارسين ولا صار شيء المهم لما جه زوجي قال بوديني المستشفى قلت له لا بعد مو الحين وصعت فوق مره ثانيه وريحت جسمي شوي ولما صار الظهر رحت المستشفى واكشفت علي الدكتوره قالت فاتحه 3سانتي فطلعت على مسؤوليتي ولما صار المغرب شربت دارسين مره ثانيه وحمى علي شزي والعشاء رجعت وصعدتني غرفت الولاده وانا بموت من الخوف جلست اقرى قران والاذكار وادعي واستغفر والممرضه كانت تجنن تسولف معاي وتحاول انها تلهيني واذا جتني الطلقه اسكت ولا ارد بكلمه وحده المهم صعدت فوق الساعه 8ونص تقريبا وابتدا معاي ازيد بعد التسعه ونص المهم جلست اناظر الساعه كل 4دقايق يزيد الطلق هنا انا انهبلت جتني الدكتوره والممرضه وقالت 6وبطت المعاي وصار الطلق يزيد وانا اول مره بحياتي اصرخ من شدة الالم فجلست اصيح على عمري انقهرت لاني صرخت المهم جلست الدكتوره تهديني الله يسعدها فقلت لهم طلعوه مني باي شكل كان من شدة الالم لان هذا الشيء ماشفته لا في بنتي ولا ولدي المهم جلست ادفع وانا ما احس بدفع وهي عصبت علي قالت لا تدفعين اتجرح الرحم المهم اخذت نفس طويل مع كل طلقه لما الله فتح علي ودفعت شوي فقالت ادفعي بعد وطلع البيبي وقالت لي خلاص لاتدفعين انا بطلعه وطلع تروكي فدييييييييييييييييييييييييييييييته الله يحفظه يارب ويجعله من عباده الصالحين
ادري اني طولت عليكم بس قبل هذا وانا في غرفة الولاده يجيني الطلق وانا اكلم امي بعد قلبي واصيح وتصيح معاااي الله اخليها لي يااااااااااااااااااارب
وبكذا اكون ولدت يوم الاحد الساعه 9-11بالليل
12-2-32