تجمع حوامل اللي حملو عن طريق الحقن المجهري

[Ray00m]

كيفكم يا حوامل وكيف الحمل معاكم ...

[Orchid109]

اختي ام ملك
اذا انتي تراجعي في مركز بنون فيه تقنية جديدة يسويها الدكتور عبدالعزيز الشهراني هو للمتكيسات
وهي شبيه الى حد ما بتقنية الحقن المجهري

يسوون سحب للبويضات ويسوون لها تنشيط خارج الرحم وبعد ما توصل للحجم المطلوب يحقنونها بالحيين المنوي بعدين يسوون لك ترجيع مرة سهله وبسيطة وممتازة للمتكيسات حتى مايتضررون من التنشيط

وتنفع مع الدورة الغير منتظمة
انا دورتي ابدن مو منتظمة مانفعت فيها لا ادوية ولا اعشاب !

بس زي ماقالت ريوم بيعطيك منظم عشان تنزل نفس ماسوى معاي لانها كانت متاخرة علي شهرين والحمدلله يارب سويت الحقن ونججحت العملية ويارب يتمملي على خير !

[Orchid109]

حبيبتي ريوم

انا بنهاية السابع ان شاء الله مابقى الا القليل ان شاء الله

الحمدلله اهم مافي الحمل الوحام راح وارحت منه
بس مو منه بشكل كلي لا فيه بقايا وحام خخخخخخخ

لسه احس بالغثيان بس على خفيف مو مرة والاستفراغ الحمدلله لي 3 اسابيع ماستفرغت الحمدلله

بس فيه شي استجد علي

وهو انو اذا اكلت يبقى الاكل في معدتي ان شاء الله لليوم الثاني !
ولا احس بالجوع حتى لو ما اكلت !

لي اسبوع على هاالحالة فمتخوفة من انو يكون عندي عسر هضم الله يستر بس

وانتم يامامات ططمنوني عنكم وايش اخبار الوحام معاكم ؟!

[Ray00m]

سلامتك اوركيد ..
حاولي توزعين الوجبات وتكون خفيفه ولا تنسي اشربي مووووويه كثيرررر حتى تساعد بالهضم ..
ربي يقومك بالسلامة ونفرح فيك ..

[تـــرف $$]

مرحبا بنات المفروض من اول مسوين موضوع مثل كذا
احس حوامل الانابيب هم اكثر من يحتاج تجمع ومواضيع لانه الحمل صعب شوي ويبي له عنايه خاصه الله يتمم لنا على خير يارب.
حلو ان التجمع يكون دردشة ويوميات .
انا اراجع عند سعد الدين القيناوي بالخبر بمركز سمير عباس الحمدلله ماشاء الله نجحت من اول مره لان انا اساسا مافيني شي انا وزوجي سليمين بس الانابيب فيها مشكله
بداية قبل التنشيط اخذت فوليك اسيد وجوسبرين شهر بعدها بديت تنشيط ابر مينغون وسيتروتايد
يوم السحب كتب لي تحاميل سايكلوجيست وحبوب كليمن ومضاد اقمنتين لانه سحب مني البطانه المهاجره وابرتين ما انتبهت لاسمائها وحده كانت لمده خمس ايام يوميا ووحده 3 ابر كل يومين وحده.
حللت باليوم التاسع النسبه كانت 53 وحللت باليوم 13 كانت 480 اللهم لك الحمد
الوحم مدري ما احس الا طعم ريقي مر والم ظهري
وسلامتكم
موعدي بعد اسبوعين اشوف الكيس يارب يكونون توأم ومرره خاطري ببنوته لانه عندي ولد .

[Orchid109]

ريوم

ايوة الحمدلله بديت اشرب ماء
بس ماقدر اشرب الا ماء بارد ومثلج غير كذا ماستسيغه والحمدلله
صرت اشرب اكثر من اول

ترف

الحمدلله والف مبروك الحمل ياقلبي
انتي لاحقة على الوحام بيجيك على نص الشهر الثاني لاتستعجلين خخخخ

اذا انتي محظوظة ماراح تتعبي من الوحام

لو احكيلك عن وحامي بس

انا الوحام استمر معي الى بداية السادس اي ريحة تغثني ! عطور صوابين
وحتى الطبخ على طول اروح استفرغ
وبعض الاحيان اشم ريحة قوية بالمطبخ استفرغ على طول وهو مافيه ريحه بس مادري وشهي ذا الريحة
اكيد من الوحام

ماقدرت لااكل ولا اشرب ! اي اكل واي شرب حتى الماء ماقدرت اشربه

بالنسبة لاسوء مرحلة عندي كانت فترة الثلاثة اشهر
ليش لاني كنت استخدم التحاميل

وانا توحمت على ريحة التحاميل لما تسيح يا الله وكل ماشميت ريحتها استفرغ الى الان اذا شميت ريحتها او تذكرتها استفرغ
نص بجاماتي رميتها ريحة التاميل فيها وحتى لو غسلتها ماتروح ابدن عالقة فيها الريحه

وكمان الكمفوووورت يالله اذا شميت ريحته استفرغ

كل شي فيه ريحة استفرغه
في اشياء اتذكرها واستفرغ
وفيه اشياء اشوفها واسفرغ

كانت حالتي حالة
من نص السادس الحمدلله بديت اخف بس الغثيان والوحام موجود بس اخف من اول
الان باقيلي اسبوع وادخل الثامن والحمدلله فيه غثيان بس بدون استفراغ لي تقريباً ٣ اسابيع الحمدلله خفيت اكثر من اول



سوالي الطبيب في بداية السادس او نهاية الخامس مو متذكرة
تحليل السكر قالي لازم تكوني صايمة رحت وسويت التحليل

كانت طريقة التحليل

كل ساعة تحليل لمدة ٣ ساعات اطول تحليل طبعاً

اول تحليل بيعطونك قارورة كبر قارورة الماء فيها محلول بارد مرة يشبه الميرندا
انا وقتها كان عندي استفراغ وكذا

وشفت حريم من يشربون هالمحلول يالله يستفرغون قدامي وجا في بالي خوف مو طبيعي
اني راح استفرغ وكذا

بس الحمدلله لما شربته ابد ماحسيت باي غثيان او رغبة بالاستفراغ

اللهم لك الحمد

مستمرة على الابر التثبيت وفيتامينات ماترنا لانو اورثومول غيرها لي الطبيب لاني توحمت عليها وصرت استفرغ منها وحتى اذا شفت صورتها استفرغ
والاسبرين لازال معاي


انتم قولولي سويتو تحاليل شي !
بالنسبة لي سمعت عن ابرة الكزاز للحامل الدكتور بندر ماجابلي طاري عنها لكن بسأله عنها ان شاء الله في موعدي القادم

[تـــرف $$]

اوركيد الله يصلحك ذكرتيني بالتحاميل وريحتها هههههههههههههههههههههههه
حتى انا اشم لها ريحه وتلوع كبدي ههههههههههههه
ببكري ماتوحمت ابد انا مستغربه اني الحين اتوحم وحم دلوع كذا
وربي يبارك فيك حبيبتي عقبال ما ابارك لك بسلامتك..

انا باقي ماسويت اي شي للحين موعدي باقي عليه وقت.

[Orchid109]

اية والله
الى الحين لما اشوفها او اتذكرها على طول استفراغ
ايوة اقولك بعض بجااماتي رميتها ليش لانو الريحة لازقه فيها عيت تروح !

انتي ان شاء الله ماتعانين
بس الجد بدى معاي من نص الشهر الثاني والله كرهت حياتي بسببه

تعبت جداً

ونسيت لاقولكم حاجة غريبة اذا ركبت السيارة احس اني بستفرغ يالله والله تعب مو طبيعي

طلعت وش السالفة

بسبة الشوارع شوارعنا مطبات ومكسرة
وياسلام انتي قاعدة تنخضين من جوى كنت علبة ببسي خخخخخخخخ

فتوقعاتي عشان سالفة الخضخضة كنت شوي واستفرغ

الان حالياً احس بس بصعوبة النفس وغثيان دائم بدون استفراغ

بالنسبة لي عشان اخفف هالشعور انا وانا شبه جالسه والله المستعان


انتي ان شاء الله بتشوفي الجنين وتسمعي نبضه من الاسبوع السادس ان شاء الله

ويارب تتطمني عليه

[Ray00m]

اما سالفة الوحام سالفة ...

انا الشهر الاول اقول وين الوحام متحمسه ..

رغم اني جربته بولدي وحام قوي استفراغ وقرف الى غرفة الولاده وانا استفرغ ههههه

لكن بنتي سبحان الله ما حسيت بشي ولا وحام ابدا ...

بس الاااااان من دخلت الشهر الثاني عالاسبوع السادس وانا حالتي حاله غثيان ٢٤ ساعه وحموضه وحرقان من اصبح للمساء وكل شوي اشرب هذا جفكسون حق الحموضه ولا في فايده ...
اشتهي اكله معينه ويسوونها لي واذا شفتها اهون اكررره الاكل ....
قلت ليتني ما قلت وين الوحام ههههههه
طبعا للان الحاله مستمره امس رحت لاخوي وانواع الاكل ولا قدرت اكل ...

اوركيد بسالك الان انتي للان تاخذي ابر تثبيت ؟؟؟؟؟؟ يختي دكتور بندر هذا بيجنني انا اخر مره رحت له قلت له خلاص طفشت من التحاميل والابر قال باقي باقي بس غصبته اقلل جرعة التحاميل ووافق ..
انا بصراحه اذا خلصت الشهر الثالث بوقفهم كلهم بستمر بس ع الفوليك والاسبرين ... اما المثبتات نو وي تعببت منها ..
بعدين يقولون كثر المثبتات تاخررر الولاده مره !!

الله يساعدنا يارب ..

[تـــرف $$]

الله يسعدكم ريوم اوركيد ضحكتوني ههههههه
اوركيد ربي يسمع منك مرره متحمسه للموعد
ريوومه انا ولدي ماتوحمت فيه ابد ربي يسعد كل شي تيسر حمله وولادته بس طلع عيني بعدها الله يصلحه ويحفظه
الحين فيه وحم دلوع وذبحني الخمول كأنه ايام الشتاء لما يجيك نوم 24 ساعه.