بنات انا أجهضت والحمد لله على كل شي

[نجمة السمر]

الله يعوضك خير وكله له عند الله ميعاد محدد ومقدرات الله رحمة للانسان

اختي صار فيها مثلك وبعدها ماعدى شهرين الا وهي حامل حمل ثابت وولدت وحملت بعده كمان

ربي يكرمك ومايعدي رمضان الا وانت حامل حبيبتي

[*شفق*]

الله يعوضك خير يارب
مسكينة ............ يعني اليوم مو صايمة هههههههههههههه
امزح حبيبتي

[ayat elhoda]

الله يعوضك خير يا رب عن قريب
الحمد لله على كل حال

[انهار 2015]

الله يعوضك خير ياقلبي

[أسيرة زوجي]

الحمد لله إنك متفائلة خير
لأن النفسية تلعب دور كبير في الحمل لكن لازم تراجعي الدكتور تشوفي حالتك و علاجها

الله يعوضك خير في هذا الشهر المبارك الكريم

[وردة سورية]

الله يعوضك يارب
وهيك ياقلبي خليكي متفائله ومبسوطه
والدنيا ماخلصت هون
لازم نصبر على حكم ربنا وان شاء الله بكرا والايام الجايه هتكون كلها خير ومليئه لالنا بالفرح والاخبار الحلوة يارب
أبوس روحك ياقلبي هيك بدياكي يا بنت بلادي
بعرف حرائر سوريه قويات بهيك أمور وما بيستسلمن لاي شي
والله كريم وقادر على كل شي وبالهشر الفضيل هنتقرب
الو اكثر وان شاء الله مابخيبنا والعيد يصير 3 اعياد يارب
عيد الفطر
وعيد نصر سوريا
وعيد فرحتنا بالحمل يارب

[سيران]

يا قلبي انتو بشكركم وحدة وحدة من كل كلللل قلبي على وقفتكن جنبي ودعواتكم إلي و مساندتي،الله يعطيكن ع قد نيتكم الطيبة ويرزقكم جميعا بالشهر الفضيل

اخواتي دعواتكم إلي دين برقبتي رح اردون وحدة وحدة
لكم مني كل الشكر ودعوات بظهر الغيب
علمتوني اشياء حلوة ماشفتها بصراحة بمعظم الناس اللي عاشرتهم من ناس واقارب
الحمدلله اللي خلاني اشترك بهالمنتدى و اتواصل مع ناس طيبة ومؤمنة متلكم
حببتوني والله بالحياة،بإيمانكم بقضاء الله وقدره
بعترف إني كنت على حافة هاوية قبل ما انضم إلكن
لا ناس لا اصدقاء،لامكان لاوطن،لا اهل بجانبي،والتعاسة والتشاؤم كان عنواني بكل يوم وكل صباح استقبله
بس هلق انا مفعمة بالراحة،الحمدلله اولا والشكر إلكم ثانيا

اختي وردة سورية يا بنت بلادي،اللي متعبني اكتر الشي هو وضع بلدنا واهلي اللي عايشين بحلب بين الحياة والموت من دون مصروف ولاحتى فيني اساعدهم بشي للأسف
الله يفرجها على بلادنا ويستجيب لدعواتنا بهالشهر الفضيل،آمين ياااارب
ويرزقكم يا اخواتي ما تتمنون و يوفقكون مع ازواجكم وتزيد المحبة باذن الله
رمضان كريم،وربنا رح يكرمنا بإذنه تعالى

[حبيبت عمر]

حبيبت قلبي سيران انا مالحقت اباركلك والله زعلت على هالخبر لاتزعلي ياقلبي ان شاءالله ربنا بعوضك ويارب يرزقك بتوم حبيبتي قلبي معاج وبدعيلج واباج تكونين دوم متفائله ياقلبي