هالمره تتوقعون حمل ؟؟

[ام حسن33]

اتوقع من الاعراض اللي ذكرتيها انك باذن الله انك حامل حللي ياشيخه ايش مصبرك ﻻ تخافي هيبان في التحليل وارجعي بشريناا

[عروس - 2013]

وربي كلامكم طمني مشكورين والله يبشركم بالخير
الغريب اختفاء كل الاعراض عندي واحس خلاص كآن الدوره مو نازله يجيني شعور ان ممكن حامل بسبب الغثيان والدوار والدوخه المفاجآه اللي تجيني بس تعبت من المحاتاه والتفكير :(
دعواتكم يارب بالبشاره هالاسبوع راح اصبر هالاسبوع اما انها تجي الدوره او اعيد التحليل بعد مرور شهر واسبوع واشوف شنو السالفه !!

[ثقتي بربي تغمرني]

يارب تطلعي حامل

[االريمة]

المشاركة الأصلية كتبت بواسطة عروس - 2013

السلام عليكم ..

المشاركة الأصلية كتبت بواسطة عروس - 2013

انا قلت لكم ذاك الشهر جاتني اعراض شكيت انها حمل وقدر الله وجاتني :(
هالشهر لغيت فكره الحمل بتاتا من مخي ونسيت الامر وتخيلو ماجات الاعراض السابقه ابدا ماجاني ولا عرض من اعراض الدوره وتفاجآت من ثلاث ايام

المشاركة الأصلية كتبت بواسطة عروس - 2013

جاتني اعراض الدوره وانا اعرف هذا هالعرض انها خلاص بتجي الام اسفل البطن وشعور كآن فيني التهاب بول الله يعزكم وهالشي اعرفه من انا بنت خلاص حتـي القطنه لبستها لانها بتنزل تخيلوا اشيك ماشوف شي ابد لدرجه فخت وتعبت واستغربت الشي الغريب شفت نزل مني افراز شفاف مثل المويه شفاف ويتمطط وهالشي اول مره يصير تميت يومين على هالحال ماشفتها ابد والحين ثالث يوم مالها حس الدوره وماحس باي عرض سوى جاني الم شديد في ضهري عذاب شفت الموت منه ماقدر اقوم واقعد ورحت عند وحده وحده شاطره في التمريخ لان الالم مايحتمل قالت لي ماقدر اسوي لك شي فيك هوى لكن عيونك تقول انك حامل شكلك حامل انا استغربت منها وقالت لي متى تجيك وعلمتها وقالت شيكي شوفي بس والله خايفه والالم ذابحني من امس صج خف بس لازال واحس بشعور غريب كآن فيني غثيان بس مو راضي يطلع على خفيف واحس من يومين ثقل في المعده بموت لدرجه رجعت واحس مااشتهي اكل وكان الاكل ثقيل في معدتي
انا متعلمه الدوره تتقدم بس تتآخر شي جديد ولكن خايفه احلل وما اطلع حامل بكمل هالاسبوع وبشوف بس قولوا لي ايش رايكم انتوا ؟؟

نفس الاعراض الا بالاحمر صارت لي وحللت ف البيت ثلاث مرات ومافيه حمل وانا اول مرة تتاخر علية ورحت للمستشفى وعملت تحليل بول ودم واشعة بالسونار ومافيه حمل واعطتني حبوب استخدمها ثلاثة ايام واوقفها واليوم لي الرابع من اخر حبة ولس مانزلت والطبيبة تقول اذا جاء يوم الاثنين ومانزلت تعالي
الله يرزقني ويرزقك ويرزقك كل من تتمنى الذرية الصالحه
يارب نكون حوامل هذا الشهر
يارب مانشوف الدورة الا بعد 9 شهوووور

[دمواع الواله]

سوي تحليل ويارب تطعلين
حمل وانا معك يارب

[Roony]

تحليل البول مايبين انا كنت كذاا قبل
ممكن يكون الجهاز خربان
سوي دم افضل

[Roozlin]

يارب تكوني حامل حللي دم هرموني وريحي رااااااااسج

[عروس - 2013]

انا توني ساكنه الشرقيه وماعرف مستشفيات تسوي تحليل هرموني ساعدوني وين يسوونه اي مستشفى وبكم سعره ؟؟؟

[ايفال]

اتمنى يكون حمل .. بشريناا والله يرزقناا ويااك

[ايفال]

المشاركة الأصلية كتبت بواسطة عروس - 2013

انا توني ساكنه الشرقيه وماعرف مستشفيات تسوي تحليل هرموني ساعدوني وين يسوونه اي مستشفى وبكم سعره ؟؟؟

سويه باي مستشفى خاص تحليل الدم مايكلف 60 ريال