الوقت المناسب لاعلان الحمل.. متى اعلنتي انك حامل؟؟

[روز بااريس]

انا قد حملت واجهضت ...

اول مادريت اني حامل ب3 اسابيع على طول قلت لامي وخواتي وصديقاتي وهو قال لاهله لان هالحمل بعد انتظار وانا مااحب اسككت صراحه ..

بس ناوية اذا الله كتب لي حمل المرة الثانيه مااقول لاحد ابدا لحد مااسمع نبض البيبي مو عين لا ابدااا بس ماابي اقولهم الا بعد مااتطمن عليه ..

وبس

[أمنية ..]

المشاركة الأصلية كتبت بواسطة يارحيم

مشكووووريييين على الردووود.. كل ارائكم على عيني وراسي بس اكثر شي اقنعني اني اعلم اهلي واهل زوجي وبعد كذا اللي يسألني حامل اقول ايه صراحه اكره شي عندي بالحياة الكذب.. واساسا انا متأكده بتجيني اساله ونغزات بالذات اذا جو الزوار بالصيف اكيييد بيسألون متى ناويه تحملين وغريبه ما حملتي وهالاسأله البايخه.. ابدا مابي اقعد الف وادور واكذب خلاص اللي يسأل بقول الحمدلله يارب انا حامل.. وان شاء الله الاذكار والورد بتحميني واللي كاتبه ربي بيصير..

بالفعل أختي ،،
أنا كمان ما أحب الكذب أبداً ..
أول ما تسمعين النبض تخبرين أهلك وأهله ، من حقهم يفرحون بهالخبر ..
وفي الصيف بتكونين خذتين وقتك في الحمل ، وإن شاء الله ما بيصير لك إلا الخير ..
الله عطاك هالنعمة ، وهو كفيل بحفظها ؛

[أحاسيس الترف]

الصـــراحه مدري وش الحكمه في تكتيم الخبر

انا في حملي الاول دريت اني حامل في اسبوعين

وعلى طول الكل درا من اهلي واهل زوجي

وبالعكس حلاتها في وقتها عشان يشاركوني فرحتي

وفي حملي الثاني على طول حللت ودريت اني حامل ورجعت بشرت الكل من اهلي واهله

اما مسالة اني اذا علمت احد قبل ثلاثه شهور احتمال اسقط هذا الشي ابد مادخل راسي

لان الي كاتبه ربي بيصير سواء كتمتي الموضوع او خبرتي

لان الناس مو بيديهم يثبتون حملك او يسقطونك

الوحده تتوكل على الله في كل شي

اعرف ان وجهة نظري مخالفه الكل

بس هذي قناعتي

[maesooo]

انا بعد الصراحه ما احس انه اذا دروا الناس اني بسقط او اي شي
بس لانه هالفتره اقاربنا مايقولون الا بعد كم شهر كله ساكتين واحيانا اسال انتي حامل تقول لا بعدين تطلع حامل عاد قلت لانهم مايقولون ما بقول لهم انا اهل زوجي قلت اتمال اذا سويت تصوير هالاسبوع بقول لهم يعني عالاقل بين في التصوير بس النبض احتمال ماينسمع لانه بصير بس 6 اسابيع

[يارحيم]

شوركم وهداية الله..

[ماما عبير]

يا بنات العين حق وفي ناس تعاني عشان تحمل فما تدرون رده الفعل الاولى لبعض الناس خاصه مش المقربين.. انا حملي الاول علمت على طول وما حطيت في بالي هالكلام .. في الاسبوع التاسع الجنين مات في بطني واكيد بكتبه الله ،حمدلله على كل حال .. لكن تمنيت لو حد نصحني ما قوول ولا تنسون ( اقضوا حوائجكم بالكتمان)

هالحمله اول ما عرفت علمت اول شي امي وخواتي وزوجي طبعا بس .. وتوني الحين بما اني خلصت الثالث حمدلله علمت اهل زوجي وبعلم باقي اهلي المقربين او اي حد يسال..

الاشهر الثلاث الاولي خطره لان الجنين ما يكون ثابت وعلميا نسبه الاجهاض بالنسبه لاول حمل واحده من بين كل اربع نساء

حصنو نفسكم دايما بالاذكاار ويارب يحفظ حملي وحمل الكل ياااارب
*

[waiting baby]

انا بصراحة خبرت أمي أول ماعرفت وخواتي ..

وهو خبر أمه يعني حرام ما أبيه يكتم الفرحة ومايقول لأمه وخصوصاً انه حملي الأول

وما جا الا بعد جهد جهيد والحمدلله ي رب

الناس مراح أخبرهم لحد مايشوفون الكروشة

[طير]

اصعب شيء في مسالة التسقيط خلال الثلاث شهور الاولى وانت قايلة للناس ..
ان انت ترجعين تقولين سقطت ..

مااارة ما تسوى على الوحدة ..

ولا بعد كم شهر يجي احد يسالك للحين ماطلع لك بطن :/ << ودك تخنقينها

[أورجه البنفسج]

اللي كتبه ربي بيصير انا اخوي قال لااخواني واخواني قالو لزوجاتهم وانتشرت السالفه والا كنت ابغا بعد 3 شهور وفوق كذا تعبي وروحات المستشفى كثير
الله يتتم لنا على خيرر....

[يارحيم]

طيب اغلبكم اتفقتو ان اول ثلاث شهور خطرة.. طيب وش رايكم لو اعلم بالاسبوع ال 12؟ لان هالوقت مناسب بس لو بنتظر لين اخلص 12 اسبوع وادخل في الشهر الرابع بيكونون ضيوفي اغلبهم راحو.. لو انكم مكاني تقولون ولا تسكتون؟؟