حبيباتى سيدات ليبيا تفضلو لأعرف ما حالكم

[اوشي]

حبيبتي اثري ... انا عارفة مبداك كويس

بس انا مشيت شفت ما القيت حد مختار رقمي

فحزت في نفسي وطلبت منكم تصوتولي مش للفوز ولكن لحفظ ما الوجه

خخخخخخخخخخخخخخ


وتوة جديات حتى انا ما انحبش الغش ابدا ابدا من ايام المدرسة

[اوشي]

سوسو وينك انت

[اوشي]

جنودة وفروسة وجيجي وهدية


تتغدو قاعدين

[اوشي]

انا زوجي املخبطني شوية في تنظيم مواعيد الاكل

هو طبعا يمسك يوم ويتر يح 3 والثلاثة ايام هاذين يوم يوعى بدري

ويوم يوعى متاخر

مثلا اليوم وعى بدري عشان بيمشي للمصرف بيودع فلوس وماجاش الا 12 الظهر

وهو عادة فطوره فنجان قهوة بس

ولما جا جاب امعاه خبزة ساخنة وقال ديريلنا سندوتشات تن بالهريسة

وكليناهم علي اطناش ونص

فاكيد الغدا متاخر على الاربعة ونص عشان هكي نبي اندير كسكسي الفرح

[جوهرة ليبيا]

انا توه كيف حطيت غداي عالنار كسكسي العرس علي قوله سوسو لان لو ماعنديش الخضره كاااااامله منديراش كسكسي الخضره


رتبت دولاب دار النوم ودوشت لرنوده ونشرت الملابس والحمامات نظفتهم وجييييييت

[اوشي]

باهي اللي جيتي جيجي

كؤيف حالك انت ورنودة

يلا قوليلي علي طريقة كسكسي العرس

[اوشي]

عندما كنا عظماء


هذه الصورة اللي سئلت عليها هدية او جيجي ماعتش نذنكر

[هدية الخالق]

المشاركة الأصلية كتبت بواسطة sosolibya

خلى نحكيلكم شوى ليا يومين مااحكيتش

ههههههههههههههه

طبعا اليوم يللى قبل عزومة السوريين كتبتلهم انهم مايديروش غداء وانهم لما يجو العصر حيكون الغداء واتى

بس اتصلت بيا المراة وقالتلى لو سمحت احنا جايين هالساعتين بنهدرزو وبنحكو وبشوفوك وبنتسامرو وووو

ومانبوكش تقعدى مقبوضة فى المطبخ
واحنا اصلا بنطيبو بنطيبو لعمى وألأولاد يعنى بنتغدو وبنجو
قلتلها خلاص خليه عشاء هههههههه يعنى فيها فيها

قالتلى لا والمغرب بنروحو بكرى جو حتى الليبين مادروهش قالو الراجل خايف من الطريق خخخخ معاه الحق

المهم قلت خلاص فكة بلاش من الوجبة بس مهنانيش خاطرى وماقدرتش وقلت على ألأقل حاجات رقيقة
وكأنها لمة .........

المهم بإختصار تقديمى كان كالأتى

عصير طبيعى مانجا موصية عليها راجلى وصنعتا امى القايلة
جتنى عولت معاى والله انقبضت حاااااااالة وجت امى عاونتنى باهى
وجى العصير يهبل رزين حلو الحق سلم يديها ماما يللى صنعاته
المهم عصير مانجا وشوكلا

وبعدين مهلبية مزينتها بالزبيب واللوز وجوز الهند والعسل الطبيعى من نحلاتنا هههههههههههه

ووووووووووو وبعدين جبنا الحار

وفى ألأخير درت .,,,,,,و

أسياخ لحم وخضرة يعنى طماطم وبصل وفلفل حلو لأنهم عندهم هوس من الحار حالة حتى البيتز دارتها ماما بدون ولا رشة فلفل والتزيين حتى هو بالفلفل الحلو حااااااالة

المهم أسياخ وكيكة حارة يللى انا ندير فيها ديمة متع عجين حشو عجين عرفتاها صح

وبيتزا ما وطاجين وغيرت الطريقة درت من لوطا طبقاات بطا ومن الفوق

وكان ألأكل حلوووووووووووووو
الحق من الصبح وأنا نجرى يوميتها
وبعدين جبنا مثرد الفواكه
خوخ وموز وتفاح وكعكة وعنب أبيض وأسود أثرى شن جوك عننننننننننننننبببب
ههههههههههههههههههههه
معشوووووقك انت وماما ههههههههه

وبعدين المفاجأة

جبتلهم التورتة صنع يديا فى البيت
ومساعدة ماما فى التزيين
وووووووووووو وشاهى وحلويات العيد فيه منهم من ماتو فى الغريبة وفيه من مات فى المقروض وخذو طريقته بس صعب يفهماها ساعة نشرحلها بس ضرورى التنفيذ قدام العين صعب

وبس وهدرزنا وحكينا وجو بنات عمى وحمواتى وعزوزتى

ونساوين عمى جو شوية حتى هما

والمغرب روحو الجماعة طبعا أنا لبست تركيبة قونة لتحت الركبة وكنت حلوة هههههههههههههههههههههههههههه

وروحو المغرب وقهعدو بنات عمى الزوز وحماتى ووو بنت عمتى يللى هى ديمة نحكى عليها

ودرنا جووووو تعشينا مع بعض وضحك وهدرزة ودوشة وخطر عليهم الهبال رقيص وحااالة جو وخلاص ربى يهدى ,,,,,

ربى يدوم المحبة بين عباده ياااااااااارب..

والسوريين اليوم يللى قبل مش عأساس بيجو لما ماصارش زو نوعين حلويات كانو بيجيبوهم معاهم وحدة منهم بسبوسة بس زى الباسطى حكم بدون عسل بسبوستنا أحلى

واليوم الثانى جايبين محلاة الجبن هذه يصنعو فيها ويبيعو فيها فى محل ألأجبان متعهم ..

يااااااااااااااسر دهشنا

يعطيك الصحة يا سوسو يا ريتني معزومة ههههههه
وربي يخليلك مامتك اللي تعاون فيك ويطولك في عمرها ويعطيها الصحة

[هدية الخالق]

المشاركة الأصلية كتبت بواسطة sosolibya

هدية وينك ليا ساعة نحكى

حبيبتي والله إلا خشيت رقدت ما نحسابكش موجودة
لأني استنيتك فترة بعدين قلت بالك مش فاضية الصبح

[هدية الخالق]

المشاركة الأصلية كتبت بواسطة sosolibya

خذيت سندويتش هريسة وجبن كيرى فى خبزة مصرية مع لبننننننننن


بنحكيلكم على السوريين
طبعا العيلة رقم 1 قاعدة والعيلة رقم 2
طلعهو هذه مرت صاحب راجلى هى والشيبانى والعزوز بيسفرو للأردن على خاطر قراية الصغار على خاطر ماحصلوش هنا

وكنهم الثانية بتقعد ولو تمشى تمشى بروحها راجلها قاعد هنا مايبيش يمشى لأنه كيف ثبت روحه فى شغل كويس مايبيش يبدأ من السفر

والمراة حامل وطبعا الحوش بيطلعو منه ماببوش يقعدو يخلصو فى إيجاره غالى وكبير

المهم عمتكم سوسو المعروفة بحنيتها اللا متناهية هههههههههههههه

اقترحت وأخيرا ققرت أنا وزوجى انهم يجو يسكنو عندنا فى مربوعتنا بحمامها

ها انصدمتو ولا عادى الخبر

المهم يجو يسكنو عندنا لان الحق المراة تسخف بروحهخا وعروس جديدة وحامل وغربة

المهم قلت لراجلى توا نلمحلهم ونسألهم ونشوف

لما جو حكينا وقلتلهم ما انكم بتسافرو وإن مروة بتقعد هنا بروحها وأكيد مش حتمنو عليها مع حد قدى أنا وزوجى نقترحو انكم تجو تسكنو عندنا لحد ماتولد عالأق وطبعا الجماعة مصدومين وماردوش وبعد شوية قلتهم شنو قالو والله فرحنا بهذا الخبر

وإحنا كمنا كلين همها بروحها وغربة وراجلها يبدأ فى الشغل ولو يجيها الطلق
كيف ووووو

وقالو مش حنطمنو ليها زى لما نخلوها معاك بس نسألو الرجالة

وبعدين كلمت المراة على انفراد طبعا هى موليد 91

وقلتهلا راهو على راحتك انت شنو رايك فى الاقتراح قالتلى واالله فرحت بيك كثييييييير

كنت حاسة نفسى صرت وحيدة
ووو

المهم والله لما تشوفى هكى تتمنى تحطيهم فى عيونك الناس مسكينة المتغربة وطبعا أنا قلبى الصغير لا يتحمل

المهم وامس راجلى رد عليه الراجل طبعا هو لمحله أول يوم خوه مش هو

المهمأتص وقال والله خوى فرح بالاقتراح هلبة
وحتى بوى ارتاح وتهنى على واحد من أولاده
وووووو

ايه ياترى قولولى احنا غالطين ولا على صواب

ماشاء الله عليك عين الصواب اكيييييد
ربي يعطيك علي قد نيتك وفي ميزان حسناتك إن شاء الله